[建議] 區議員進化版 213D/93K/95 重組

S3BL100 發表於 2021-10-6 21:41
袋往先？袋完就日後永世無直車

而且我要再強調一次，而家唔係無「BBI 自製特快」，你既將轉方案比起 98A ...

為免抹煞N年後「可能」突然爭取到直車，而放棄短期「BBI轉特快、慳車錢、慳時間」方案，難道係為居民退休生活打算?
你自己都講早排93K減至9部車，令閣下昔日嘅「93K拆線」方案變得不可行...
如93K客量繼續冇起色，會否再減班/取消/變為293? 到時會否變唔到「翠尖直車」，兼退而求其次BBI都冇? 一場空，搏唔過

另外，難道「願望」非有直車不可，而一日尚未爭取到，一日仲係貴價錢、慢車程、疏班次都冇所謂?
如認為93K將轉方案將轉"零需求"、塞寶達都"快10條街"、條線唔做將轉客都"夠客有餘"，
其實該方案改為寶達直出九展即可，又唔使驚嗰9部車隨時再減、或者因為客量太低而一次過冇晒9部車
而呢個方案不論「經將轉」還是「寶達直出九展」版本，我都不認同係封「翠尖線」後路，除非翠尖本身冇客到極點
正如98A特車當年變98B延長入康城，98B客量雖少甚至有人覺得係封後路，但最終一步步變98達成「願望」
而當年安達臣213D,88放秀茂坪當總站區，該區舊線頂盡係班次微調，絕對唔駛「一線換一線」或「半線換一線」
當西貢區嘅安峯入伙時，又是否要9部車先換到總站區呢? 如難以接受總站區兜路，恐怕「願望」係自製特快多過非直車不可

回應現行轉乘優惠，98A-215X乘客主要出尖東，但彌敦道佐敦/尖沙咀一帶冇站，所以唔少人渴求「翠尖特快」多過「翠尖東直車」
296M-98D同93K將轉方案對比，前者第一疏，第二貴，第三兜，第四唔入翠林總站，淨係由翠林過對面巴士站 已經遠過轉車嗰兩步路
若增設「BBI轉特快」唔算實質進步，康城為何咁擁戴98, 797? 將南,寶琳,坑口又為何想效法康城咁開呢類「接駁線」呢?
「如果」兜樂華只比觀繞稍慢，213X直接加車拉上石礦場就得，有邊個會想犧牲班次「拆線/減班砌新線」而快得嗰少少?
估計「九巴若開將麻線，將不由尚德/康城開出」係因為795X及X795即將投入服務，九巴同運輸署會開多條重疊路線嗎?

JX9097 發表於 2021-10-6 14:39
既然做大93K的話
不如試下將93K拉入去大角咀
進取啲直頭入埋南昌or even海盈

我同意，但我無法估計阻力有幾大
我身為外區人會覺得 93K 上路 - 彌敦道旺角東可以用鐵代替、康翠 - 九龍灣可以用轉乘或者改 95M 代替、康翠 - 上路可以用 98C 轉車代替（或者夾硬拉條 15 入翠林補數）
但係要呢三關都過到，先有得玩旺角油麻地特快落九展轉車站，甚至拉去南昌

經承啟道有佢嘅麻煩之處，但係如果有人要死攬上路服務，咁成個 picture 會唔同好多

214P_world 發表於 2021-10-7 00:04
為免抹煞N年後「可能」突然爭取到直車，而放棄短期「BBI轉特快、慳車錢、慳時間」方案，難道係為居民退休 ...

你打咁多長篇大論，全部都係基於一個有問題既前設；就係假設左康翠行隧道觀繞係「特快」，人地好想要有車接駁將隧轉車站

但實情係呢個行法出到油麻地隨時仲慢過 93K 而家走線。坑口同康城因為道路網同地理位置，要轉車站接駁線係正常。康翠既先天條件一樣咩？

前設錯誤，用呢個前設推導出來的結論，亦無乜可能正確

交出條 93K 之後換返來覆蓋少左（起碼無左直車去土瓜灣同德福），原有覆蓋地區又慢左，點解地區要接受？

至於點解我話封後門？乜你認為將軍澳山仲有其他可用資源可以開尖沙咀線咩？

配額固然係一個問題，which 我上面都講左可以點樣解決。但資源（車同人）一定係同區抽

你數出來咩 213D 88 98 有天降資源，全部都係因為有人口增長同插旗意義，88 仲要係招標線。康翠情況係咪一樣？可見將來會唔會有明顯人口增長？

然後 93K 畀你變成油麻地 BBI 線後，要再改就要問過晒將軍澳咁多區。邊度仲有資源可以拎來開康翠尖咀線？

S3BL100 發表於 2021-10-7 13:15
你打咁多長篇大論，全部都係基於一個有問題既前設；就係假設左康翠行隧道觀繞係「特快」，人地好想要有車 ...

九巴app車程可見，現時 93K 油麻地尾站返翠林約54分鐘，時間上同實際車程差唔多(除非交通意外/狂塞)，
新走線油麻地尾站返翠林約29分鐘 (油麻地尾站至勞審處(參考93K)1min, 勞審處至將轉(參考98D)14min, 將轉至翠林(參考690)14min)，
即係淨25分鐘比你將轉慢慢等車/慢慢塞車，去個廁所/等多班車都分分鐘仲快過舊93K，車程縮短點解反而「慢咗」?
至於黃昏將隧塞車，並非管道內塞，而係將軍澳道全程慢車，新舊93K、不論行寶琳路定將隧，
都係塞同一條路，而且將隧果邊行車線 未來可能因為將藍隧道通車而減車流

康翠真係唔想有將轉接駁線嗎? 咁點解地區有聲音想690加往翠林轉乘優惠、798A加班、增翠林經將轉線?
就當真係唔想，但其實秀茂坪至翠林(參考98C)都要12min，加埋將隧口至秀茂坪嗰段路1-2min，寶琳路同將隧基本上平手
所以行寶琳路定將隧我有乜所謂呢，但九巴同樣車程做多一批客(興田,尚德,康城,坑口,未來清水灣 + 翠林往將轉)唔係更好嗎?

流水線沿途既得利益者當然多，變特快/點對點當然收窄服務範圍，但竟然鍾情冇乜人搭嘅流水 多過翠林直出油麻地佐敦呢d旺區?
冇錯，德福同土瓜灣 就算更少客都有權反對，但若要零反對先做得 恐怕巴士不能減班，所以我建議取平衡, 兩繁93P留舊服務

有冇插旗意義與天降資源，其實係視乎個區九巴覺得有冇意義與運輸署有冇招標，正如88當年"天降資源"前，
秀茂坪唔通只能「一換一」做大老山線、或觀塘拉舊線上山? 尤其就算估到安達會有大老山線，都唔知總站在油塘定秀茂坪
分分鐘安峯入伙，可能嗰排"興"打造白虹樓為轉車站/想插旗安峯落山(將軍澳嗰邊)，
開"226/226X"(安峯版26/26X)放翠林都冇話出奇，或者13X,213X重組出一條放翠林也並非唔合理，
都係嗰句，如果唔滿意呢類車程，即「願望」係自製特快 而非一定要直車 (除非願望係「我全部都要」咁真係愛莫能助)
與其擔心93K提升為啟轉特快後 要唔要問埋尚德同康城 被"封後路"，不如擔心93K唔改線會否冇埋嗰9部車...

S3BL100 發表於 2021-10-7 13:15
你打咁多長篇大論，全部都係基於一個有問題既前設；就係假設左康翠行隧道觀繞係「特快」，人地好想要有車 ...

康翠都唔係話冇新增人口嘅起緊嘅有茅湖仔紀律部隊宿舍
plan緊嘅有康盛花園總站
（戴番頭盔先，有新增客源唔一定要開將隧線）

214P_world 發表於 2021-10-7 17:01
九巴app車程可見，現時 93K 油麻地尾站返翠林約54分鐘，時間上同實際車程差唔多(除非交通意外/狂塞)，
新 ...

你淨係拎回程往將軍澳方向出來講，去程你又唔提？

康翠要將轉線既代價，唔會係拎走現有服務，甚至封後路令到佢地其他願望滿足唔到。好老實，你直接將 98P 全日，或者 798A 全日，實用程度都大過你咁改 93K 唔少；93K 真係只係用來轉車，但轉車去到既地方唔多得過而家坐 98A 去轉，或者坐其他直達線出去


招標？不如問下近十年有咩例子，已發展地區/舊區無新增人口，都可以天降資源或者無啦啦招標新線。就算 290/290A 勉強算係例外果次，運署角度都係同 692 一換一

所以你講果堆咩 226X、13X/213X 拉其中一條入翠林呢D，全部都係假設性，兼發生機會極低，好心就唔好用來當論據啦。咁第時 226X 213X 呢D全部唔能夠如你假設咁玩既話，請問康翠尖咀線仲有咩可能性？點解唔係而家就搵廢線交換，做一D框架之下可以做到既野，滿足佢地願望？你認為呢D false hope 發生機會大得過直接拎 93K 換將尖線？

S3BL100 發表於 2021-10-5 22:29
要留意 93K 早前減到得返九部車，我當日變相將 93K 拆兩條既方案可行性已經跌到接近零

我依然認為最理想 ...

我覺得如果93K改95K上安達臣，都有理由R去加車做，不過我明難度有啲高
但安達臣去油麻地旺角的確值得做

6F 11的確可以補到一半93K，但本身我對6F 11合拼有保留，彩虹道去佐敦得返入旺角黑洞嘅203E，加上下路冇左6F會有價錢牌問題
不過如果6F 11合拼到，93K直接收當換213X又唔算太大問題
收走幾部車/部分攞去比98A下繁加特班其實都合符大方向

諗到一個比較屎忽啲嘅方案
將296D拉上去康翠，尖沙嘴跟110轉循環
慳完彌敦道quota仲可以做尖沙嘴獨市
而且分分鐘只係加0~1部車
問題係冇得搶796P客，同埋93K德福路段都係無解

又，如果真係要補93K德福段，95M改順時針循環… 和樂邨、觀塘、牛頭角站、牛頭角總站、樂華邨，之後返將軍澳
cut落30分鐘一班
又諗唔諗得過？
收係收少左錢，但如果可以慳到車，都可以係一個誘因
（又或者拉埋去寶琳/坑口再全程加價，翠林起分段，過牛頭角站後收返全程）

天空之神 發表於 2021-10-5 21:09
其實我相信康翠無人想要將轉線
做好轉乘仲實際

問題康翠人口基本盤細，要搭其他地方先開到線
所以213X分拆方案一方面做返市區流水，一方面做到曬要做嘅嘢（康翠尖沙嘴，以及安達臣寶達特快）

98D同296D分拆洗牌更難
坑口特更加令九巴冇信心98P全日+296D延長去坑口

93E線客量基本盤太細，有大半可以去98C，兜去廣東道做唔到半個尖沙嘴
唔值得大費周章
未計213D應該遲啲直接飛甩秀茂坪踢上石礦場做總站

當然我承認九巴本身做康翠尖沙嘴線誘因細
但安達臣石礦場而家人口密度高咁多，特快尖沙嘴未必冇得做

214P_world 發表於 2021-10-5 22:59
95M可延至福淘街，近九龍灣站又近淘大

冇印象佢方案細節係點，但初步睇可能有幾個問題

唔見得康翠出發搭213X好慢，本身條線係順住去
而且解決到流水問題，亦可以比安達臣upgrade 213X去有繞道快車去尖沙嘴

而且如果得一條20～25分鐘嘅93K做所謂轉乘，部車等得黎隨時慢過直車行振華道返去

另外，95上安達臣同93K唔同
95改行安達臣方案會嚴重偏離原本客源，但93K上安達臣只係康翠至九龍城段唔同，加上換到尖沙嘴線比康翠，唔見得地區會反對

點都好，唔覺得康翠有好強烈需要有將隧接駁線
唔通每個議員嘅動議都要take into consideration？Given康景個(前)議員係唔多識搞交通

tonychow 發表於 2021-10-6 10:57
咁做法康翠都要經隧道出佐尖
我唔知其他版友點睇啦，我會揀將 93K 直接掉上觀繞，九展加佐尖線 BBI，又慳 ...

會話如果93K改行隧道同東九龍走廊直出油麻地旺角，係有戰略意義（打對家795）
但一架20-25分鐘一班嘅巴士實際效用有幾多，大家心裡有數
而且飛走曬最主要客源