[新田圍] 建議利用81/82K/281/282/283/287X資源進行87B拆線

cz9328 發表於 2021-10-8 14:22
282 用車數目得3輛，抽走一架淨番2架咪變15分鐘一班...新田圍嗰邊實反枱。

其實280x/287x轉282上新田圍， ...

如果新田圍居民反對282全日減班，其實可以282只係早繁同晚繁抽1部車去行一轉287B，聯同283在早晚繁都抽1部車去行一轉287B，比287B繁時用8部車行到15分鐘一班，其餘時間282維持現有班次，相對上應該容易接受。反正287B用6部車，1部來自87B，2部來自281，1部來自82K，1部來自81 (理由: 287B 輔助 大圍>旺角)，1部來自287X (理由: 飛走柏景灣)，其實已經夠數，非繁係唔駛打搞到282同283都有足夠用車營運。至於287X轉282，要在車公廟站過馬路轉乘，唔算方便，但部分青沙線例如287X/249X，係可以在車公廟先轉287B，比起轉282來得方便。而280X轉287B，兜美松點都好過入去埔公沙田段黑洞。其實沙市先轉番轉頭對新田圍來說一樣係行回頭路。另外係287B停奧運站，由中環返美松及新田圍，可以用東涌綫轉287B，網絡上來說，新田圍拎住287B點都有用過87B。

另外一出完呢個post話想重組87B，九巴就咁啱將87B減到25-30分鐘一班，即係87B已經無端端跌走左1部車，想透過縮線+減班，從87B上面拎2部車出來比287B已經不再可能，87B可以供車的改動就得番縮短去顯徑的一個方法。青沙轉乘線做30分鐘一班我就不太建議，30分鐘一班的249X都冇乜人肯在青沙等佢去青衣南。加上你也明白做30分鐘一班幫唔到287X飛走柏景灣。同埋而家87B變成25-30分鐘一班已成定局，新田圍如果唔要走線過時的87B，就可以換到全日20分鐘一班的青沙線287B，點睇新田圍去太子旺角的服務都係有改善。至於287B會唔會蝕錢，只可以講，287B用的6部車，與其擺喺 87B、281、82K、81，倒不如試下287B，起碼一定多左營收。另外用雙向分段做埋281果份，對於人口老化的新田圍來說，$2客落車係唔會拍雙向分段的，計落係有著數過擺2部車去做281。

最後講番西九龍政府合署南座的問題，其實現時該大樓最近的巴士站是富榮花園，與287B停的柏景灣相隔步程3分鐘。而步行前往柏景灣總站乘坐287B前往新界東，在車程時間上有絕對優勢，實在無需要求287B特意停靠富榮花園。

AVBE46 發表於 2021-10-8 22:15
286x飛美田對於顯徑客梗係好啦，不過如果美田美林冇左直車去深水埗應該又係會反對，唔好唔記得當年係用86 ...

之前都研究過286X有冇得改，但九巴80/286X呢對組合做左區內客，286X入顯徑方向應該冇乜可能飛走美田了。
加上286X咁樣行，顯徑都仲有一定收視，即係286X對顯徑都尚有吸引力。而顯徑有了MTR之後，估計九巴都係傾向放棄顯徑客源，寧願做好唔近MTR的四美。

2076 發表於 2021-10-11 02:15
如果新田圍居民反對282全日減班，其實可以282只係早繁同晚繁抽1部車去行一轉287B，聯同283在早晚繁都抽1 ...

其實282下午繁忙時間都係得3架車行, 與非繁忙時間一樣做10/11分鐘一班, 每一圈預30-33分鐘; 假如仲夾硬抽走一架車搞到282做15/16分鐘一班, 新田圍係會反檯的。

282 朝早啲加車應該係從其它路線借來行一陣...都係極難抽走的。

岩岩構思左一個 87B 拆線方案，連 draft 都寫埋，轉頭就發現樓主上星期出左呢個建議，好多位諗法同我幾似，睇來我篇 draft 唔使出街了

不過 287B 呢個諗法，我好耐之前都提出過。只係當時呢條叫做 282X 既新線，兜美林總站而唔係美松，同埋旺角會去到洗衣街先掉頭，方便停亞皆老街站位。當然諗返，做美田美松好過美田美林好多

我對樓主建議最大保留，係因為一條 87B 而要同時搞埋好多條線，包括 281 282 283 82K 等，現實入面實行機會頗低

我篇 draft 入面既做法，會係 87B 一邊縮短一邊延長，顯徑往來佐敦西九龍站，兼且上繁南行以外減至全面 30 分一班，五部車都夠跑。82K 就唔今次搞了，281 更加係維持不變，最多係 281M 變新田圍顯徑循環，上下繁各加一兩班就算，連車都唔使加，其餘時間顯徑來往新田圍請用 BBI

81 就因應新田圍四美青沙線開辦，飛起美輝街兼減班

於是只需要搞 81 87B 281M，規模屬較貼近現實範圍


呢個做法，對顯徑而言擺明係屎溝糖

如果大家有興趣，過多一輪我可能會貼返本來篇 draft 上來，但真係唔想畀人誤以為抄襲

S3BL100 發表於 2021-10-13 23:28
岩岩構思左一個 87B 拆線方案，連 draft 都寫埋，轉頭就發現樓主上星期出左呢個建議，好多位諗法同我幾似， ...

如果顯徑出到高鐵站都只係$6.8
直頭係賣大包

281去埋顯徑應該都係2部車做到20分鐘班
---

流星☆雨 發表於 2021-10-14 21:04
如果顯徑出到高鐵站都只係$6.8
直頭係賣大包

又咁講，顯徑出佐敦西九龍站，里數其實仲短過而家條 87B，亦短過 81，係無理由收貴過 $7.2


不過我減到上繁以外全線 30 分一班

S3BL100 發表於 2021-10-13 23:28
岩岩構思左一個 87B 拆線方案，連 draft 都寫埋，轉頭就發現樓主上星期出左呢個建議，好多位諗法同我幾似， ...

先謝謝回覆。
我自己諗法係美田美林本身有286X，相反美松係乜都冇，美松出市區相信九巴的市佔係近乎0，應該會出到客。

旺角方面，菜街好處係停少幾支燈，行洗衣街出通常都要用多5分鐘，287B本身可用資源唔算好多，快手回車比較重要，而本身87B堆客用菜街站位已經比新填地街站位好唔少。

實際上要搞的只係281、82K、87B。重組規模唔算話大到不能接受，因為287B本身可以當係281的延長版，87B亦只係簡單縮線，只係82K唔去美田改去顯徑係屬於較大的改動，本身82K都準備縮去圓洲角。287X飛走柏景灣只屬錦上添花，81減班亦都可以唔駛上RPP而係暗中進行。282、283大可一班不減，反正就算唔減282、283，早繁搵架蛇車行1轉287B都唔係難事，非繁亦都唔駛減282、283都夠車開到20分鐘一班。

最近87B減班最後被各方反對而撤回豬紙，似乎白田澤安對87B有20分鐘一班企得幾硬。而本身87B市區段客量都唔算係最差果種，尤其假日日間，開15分鐘一班時，石硤尾段係坐到7成滿，減到30分鐘一班未免太過火了。
至於87B落西九龍站，因為佐敦、中郵、油麻地有81C，以九巴性格係唔會塞條$7.2的線落去搶81C的油佐->隆亨$9.4客......當然，以澤安白田網絡來看，落佐敦絕對有用，但很可惜現實係做唔到。

81飛走美輝街其實又係高難度的事，我今次建議都冇郁81的走線，因為禾輋去美田實在有好多$7.2流水客，抽走81令佢地行出源禾路搭80K，再美林行番去，九巴收少左錢，客又大影響，實在難以實行。不過我都想知道到底點樣先可以搞到81，始終佢大圍行法好礙眼，不能善用資源之餘又趕走沙市太子客，但問題出左喺流水上面，如果流水真係唔係問題，當然用81飛走美輝街係最好不過，減到車的數目係最多，分分鐘可以留返281比新田圍。但大圍/美田->大埔道又係一個補唔到的位......郁81就真係太複雜，牽一髮動全身。

在87B抽唔到4部車，81抽唔到3部車的情況下，281就無可奈何地要用來填數。不過以新田圍的人口結構，長者客偏多，用287B雙向分段做281功能，可以每位問政府收多$1.5。而且新田圍顯徑冇左281M，又冇埋87B，唔比番82K入去都難以落台，2條線直達變要BBI，而且兩區距離不遠，亦有唔少學生客要往來兩區，用BBI做呢個功能似乎難以說服地區。

至於顯徑，在有鐵之後已經不用給予期望，87B有總站坐唔減到30分鐘一班，加多條82K講左好多年終於入顯徑，算係有啲交代。

87B延長落油佐就真係冇可能喇，
但大圍區經青沙落油佐新線係咪由新田圍開，即係87B拆線，
個人覺得機會都好低，因為要加車落新田圍之餘，
條青沙線經顯徑又要對撼港鐵，
經四美又唔能夠完全解決81世界級兜路問題。

總結，大圍區內係四美最需要一條青沙油佐線，
同時要解決源禾流水到四美先幫到81減少兜路，
何況最有能力交車出嚟重組嘅就係81，
咁兩全其美方法就係開全日版81X，
禾輋開經沙中、美田、美林、青沙，跟RPP走線到弼街，
再經聚魚道、青沙、美田、美林、沙中返禾輋。
原計劃嘅81X變成特班，由美松苑直去顯徑，skip美田、美林，
81唔再兜美輝街同減班，減少行大埔道上落山損耗。

今年RPP嘅81X定價$8.3好進取，直接收高過81一級，
唔似當年287X讓步收平$1換取開線，
有晒incentive畀九巴減81加強81X服務。
如果以上方案有地區人士嫌車費貴，
大可以加兩個分段收費，銅鑼灣村出九龍、弼街返沙田收$7.5，
跟返287X個價，對四美嚟講會更易收貨。

283 早繁都唔夠車, 仲話CUT車, 實反檯.
283 太多站, CUT 希爾頓中心, 美林巴士總站, 美致樓, 美全樓, 松嶺路 改為銅鑼灣村 , 車會順好多.

搞到 81 仲要搞埋區內線會唔會大規模咗少少
如果真係要開青沙線，我會照兜顯徑，但係 87B 直接縮落龍駒道停車場調頭（或者調轉循環），唔知有無得諗