北環線的最新消息：地底方案

Ohm 發表於 2021-11-11 17:32
我諗主要係因為錦上路站附近一帶已經預備咗發展做住宅區，所以個站索性放地底節省空間
...

仲有個好處，就係10號風球可以繼續行車服務，都想北環線安樂村南段落大埔甚至沙田都係地底進行，補彌東鐵暫停服務得以繼續行車

cruisesnet 發表於 2021-11-11 18:02
點解吾索性一開始就行八卡? 到時又要整一set專用車隊,
最後加長時又要一段時間混跑 ...

文件話北環綫係同TML兼容，即係理論上兩款長度嘅車可以混跑。

20160424 發表於 2021-11-11 18:10
南延暫定係出荃灣？

以香港政府而家嘅政策，正路唔係應該青衣站—青衣西南（九巴巴士廠一帶）—東大嶼？

miklcct 發表於 2021-11-11 19:48
文件話北環綫係同TML兼容，即係理論上兩款長度嘅車可以混跑。

設計同系統上兼容，唔代表運作上兼容。北環綫肯定買新車㗎喇，因為鐵路公司唔會再買千九，而假九好似冇6卡版本。只係話系統上三款車都可以行哂兩條綫，類似市區綫咁多款車都可以行哂觀荃島將，但日常運作唔會咁玩（即係屍春唔會行紅藍紫綫，雖然好耐之前載客行過，泡菜唔會行紅藍綫）。

只有當北環車都8卡化，咁先會出現3款車一齊行。不過北環8卡化嗰陣，唔知千九仲喺唔喺度咁解

kei_hk 發表於 2021-11-11 17:49
只要有經過任何私人土地﹐就牽涉收地問題。

除左地面之外﹐地底業權都係要收回的。

收地層牽涉埋立體嘅空間，其實仲煩過收地，最大好處真係唔受極端天氣影響同較少反對。

反而將來如果地面要加減嘢，行地底嘅鐵路就唔會顯得阻住晒。尤其依家觀塘道一段鐵路對果區嘅改建都頗大影響。

巴士的膠 發表於 2021-11-11 21:55
收地層牽涉埋立體嘅空間，其實仲煩過收地，最大好處真係唔受極端天氣影響同較少反對。

反而將來如果地面 ...

鄉郊地方嘅地層遠比市區容易收，市區地層會影響到上面建築物嘅重建潛力，郊區新發展區通常只有地面設施，無誘因去阻止收左地層。

AVBWU291 發表於 2021-11-11 21:30
設計同系統上兼容，唔代表運作上兼容。北環綫肯定買新車㗎喇，因為鐵路公司唔會再買千九，而假九好似冇6 ...

假九如果四動兩拖可以做到嗎？

20160424 發表於 2021-11-11 18:10
南延暫定係出荃灣？

雖然曾經有南延至荃灣區/葵青區的構思，但至今未有具體的南延走線。

錦上路咁多空間都唔做誇月台轉車
又要行上行落？？

siupy 發表於 2021-11-11 23:51
錦上路咁多空間都唔做誇月台轉車
又要行上行落？？

如果唔借助地勢，好似港島線同落馬洲支線咁直接由高架入地，會佔用一段好長嘅地面空間，反而天地轉乘同其他經大堂轉乘嘅設計比，分別不大。