東九交通日日塞,邊條線最值得優化(純討論)

S3bl430 發表於 2022-1-1 11:06
咁你有没有方法擴大觀塘交通流量?拆曬APM 創紀之城比觀塘道擴闊好唔好?
正如

其實當大家認真望望，
係四彩、振華道、康寧道公園、曉明街、翠松樓、連德道依條山腰線全部都係綠化帶或學生區。

如果依個政府真係有心去洗錢，只要配合公屋重建，我就唔信起唔到條觀塘北繞道出黎。
只係依個政府浪費無謂既錢去填海。

RyanPun 發表於 2022-1-3 00:27
基本上，有人報料開始抄，啲車尤如動物大遷徙一樣好快駛走哂，一走咗轉個頭又返返嚟，成個觀塘唔係內街塞 ...

宜家唔起停車場仲衰 度度都違泊度度都塞 宜家啲人寧願違泊都要揸車 倒不如正正經經起停車場啦 如果有心想限制私家車數目 就係發牌嗰度限制下啦 再唔係 每年都整個私家車牌限額 要爭嘅就投標 順便增加庫房收益

區內商場鼓勵消費送泊車時鐘都係元兇之一，plan/book左去某商場消費，自然會揸車用盡埋個泊車優惠，
就算死等爛等都要入某商場停車場唔會轉場泊第二度，消費繁忙時間自然供不應求排到出主幹道。

RyanPun 發表於 2022-1-3 00:27
基本上，有人報料開始抄，啲車尤如動物大遷徙一樣好快駛走哂，一走咗轉個頭又返返嚟，成個觀塘唔係內街塞 ...

如果24小時都有人抄牌嘅，點會有人違泊，只係有冇心做。當然，24小時捉違泊咁啲車泊邊呢？我相信政府有諗過只係諗唔出答案姐。

我覺得政府無能力起停車場原因系觀塘已經密密麻麻，要收地先起到。

巴士收入少左除咗少人搭，我覺得另一個原因系塞車，巴士系燒緊油。好多線特別市區線車程比十幾年前差好遠。就算系38 42c呢啲線皇多人搭又點。觀塘龍翔道日日塞，燒油都蝕死九巴。

想少啲人開私家車，搞好個公共配套絕對有幫助。但香港衣家公共交通系點大家都知有幾差。

henryfung1515 發表於 2022-1-3 03:09
如果24小時都有人抄牌嘅，點會有人違泊，只係有冇心做。當然，24小時捉違泊咁啲車泊邊呢？我相信政府有諗 ...

警方早幾年宣傳自動車牌識別系統，唔係最簡單捉違泊都做唔到掛?

國安處80億年度開支，拎1億出嚟打擊違泊都好
再唔係好似大陸咁，嚴打罰款罪行，增加庫房收入

on11358 發表於 2022-1-3 03:06
區內商場鼓勵消費送泊車時鐘都係元兇之一，plan/book左去某商場消費，自然會揸車用盡埋個泊車優惠，
就算死 ...

紅日嘅Megabox已經係最佳例子
試過搭28B喺呢度塞咗八個字

henryfung1515 發表於 2022-1-2 22:06
完全唔明裕民坊重建點解唔整個大型巴士總站(觀碼規模咁)，衣家條條線隊曬落觀碼，想縮短/搬總站都唔得。 ...

同意，下繁應該一部份班次觀塘市中心清客，再去apm/駿業里起載

下繁週不時開源道塞死搞到觀碼唔夠車開 (藍田都試過，但無咁嚴重)
觀塘道起載至少確保之後路段唔會甩班太嚴重

henryfung1515 發表於 2022-1-3 03:09
如果24小時都有人抄牌嘅，點會有人違泊，只係有冇心做。當然，24小時捉違泊咁啲車泊邊呢？我相信政府有諗 ...

巴士同地鐵D車費已經係天價… 加上繁時又逼又耐
唔想搭車而揸車好正常… 怪就怪道路設計過時 觀塘道 彌敦道 窩打老道 長沙灣道 亞皆老街已經飽和仲不停入車包括巴士 的士 貨車 私家車咁梗係死啦

HG6729 發表於 2022-1-3 08:15
巴士同地鐵D車費已經係天價… 加上繁時又逼又耐
唔想搭車而揸車好正常… 怪就怪道路設計過時 觀塘道 彌敦 ...

咁停車場錢呢？屋邨月租車位閒閒地都三千起跳啦，如果你每日固定地點返工，你分分鐘要月租埋返工果邊個場，
觀廣日泊都 $140，果邊月租我唔知，仲未計每個月油錢、維修、每年牌費等等

你話因為巴士地鐵車費貴而改為渣車，其實渣車成本咪仲更高

ATENU135 發表於 2022-1-3 02:20
宜家唔起停車場仲衰 度度都違泊度度都塞 宜家啲人寧願違泊都要揸車 倒不如正正經經起停車場啦 如果有心想 ...

其實起停車場作用有限
有好多自私駕駛者就係貪一時方便，成日用入便利店買一買嘢做藉口去維護自己違泊行為

真正要對付違泊，一定要將罰則提高，而罰則亦要同影響程度掛勾，仲有就係要令市民可以容易舉報
例如港島區有Whatsapp報狗(但單純泊車罪行係唔得，要雙黃線違泊呢類先有得用)
九龍新界都應該學習