堅決反對合併成793

其實講咁耐，成個 793 既重組方向既問題癥結係除左價錢牌加左價外，所有人都冇得益，因為：


1. 796C 變 793 令原本將軍澳既客要加經九龍灣，比起原本 796C 車程更慢
2. 793 拉長去將工唔會令環保大道一段多左客，可以起 796X. 796P 兩線既客量分佈可見一斑，結果 793 用多左既車好大機會只係用黎起環保大道燒油，仲要同 796X, 796P, 797 一齊燒
3. 康城直出旺區以及將南一帶直出既路線冇透過今次加落 793+795X 果 10部 8 部車而被解決

基於以上原因，小弟認為重組方向應該再拉埋 797 落水，用返 797 果 8 部車開一條將工康城站直出線，經觀繞去九龍灣，九龍城，亞皆老街飛哂兩條橋去旺角，再起附近例如維港灣做總站。用呢條新線（暫且都叫佢做 793) 做埋旺角 <> 九龍灣既流水，而 796C 應該考慮改做將南一帶直出，開拓更多潛在潛在客源，再加一條繁時線做新 796C 將軍澳走線+ 797 九龍走線，九龍灣調頭返將軍澳，呢個重組有以下好處

1. 新線做得返 797 最主要既客源 (eg. 康城<> 九龍灣），又放棄比較 minor 既客源（偉業街，新蒲崗）換一條可以直出旺角既線，797 原有受影響既客基上好少，換到返黎既野更吸引
2. 796C 唔使經九龍灣，只係調景嶺由尾站變頭站，而將南將廣一帶一直以來都冇直出線（796P 回程將軍澳頭站係富康花園都勉強算係既），亦都係可以算係新既服務
3.  新繁時線由將軍澳去九龍灣可以補返 797 取消而冇左既服務（偉業街一帶既觀塘商貿區），對將南調景嶺一帶而然亦都係新既服務
4. 新 793 都可以做到旺角<>九龍灣流水，屎水算盤可以繼續打而又唔影響現有將軍澳 796C 客，當然打唔打得響係後話啦

其實小弟建議既 793 個概念有小小似 296C, 九龍區走線做幾個大區，中間d 細站盡量 skip, 而將軍澳走線都唔再兜來兜去，即使九龍區走線長，都可以用直入康城既走線慳返時間，平衡左九龍區內流水同將軍澳去九龍各區既時間，個人估計就算塞車旺角到康城都係 45 分鐘左右，呢個時間係相當有競爭力，至少肯定好過依家 RRP 版 793 先

另外，795X 走線概念上其實真係冇乜問題，佢補到依家荔枝角，油麻地去將軍澳既空白，而且有左將轉，795X 將軍澳既潛在客源唔只係 795X 既走線範圍，康城，寶林, 坑口一帶都可以受惠，當然大前提係 797 (或者係小弟建議既 793) 同 798 班次都唔可以太離譜啦

成個重組既大 picture 之前小弟起 F1 板提及過，入面有更詳細既建議
https://www.hkitalk.net/HKiTalk2/thread-2140056-1-1.html

10598C 發表於 2022-5-14 00:29
真係跟 287X 行就放棄長沙灣，直接係帝柏海灣後循環返轉頭啦
否則回程油麻地/佐敦入中幹線要係麗翔道入， ...

20 完全食唔正油麻地/旺角，單靠大角咀又點會好過795X走線啊

ben2004 發表於 2022-5-14 00:45
其實講咁耐，成個 793 既重組方向既問題癥結係除左價錢牌加左價外，所有人都冇得益，因為：

大致上贊同，尤其新 793 係九龍城飛橋可以追返少兜九龍灣嘅時間，而環保大道直出旺角深水步又可以進一步插旗搶 298C 客

另外 796C 如果改將軍澳區內走線，建議調景嶺開，兜彩貴閣掉頭入至善街，再經將軍澳站同將軍澳天主教小學，做曬啲麻煩飛唔走嘅位
回程直入尚德再轉入唐俊街 Donki，之後再沿至善街去調景嶺，又可以同 296C 爭客入尚德
不過咁樣一改，調景嶺去九龍城車程會延長唔少，最好都係留 796X 唔好飛橋

同埋既然有新 793 做蘇屋至九龍灣流水，就可以抽走 796C 蘇屋至大埔道段，延長去長沙灣一帶同行荔枝角道，進一步搶 296C 客

而 795X 始終顧及加士居道路況，個人覺得點都要調整
一係經太子道天橋直飛去男拔，再沿彌敦道南行同加士居道東行循環返將軍澳
一係索性配合中幹線通車 "利用新路"，係觀塘繞道後經中幹線去佐敦，沿 287X 走線逆時針循環，順便做埋大角嘴

至於改做繁時嘅 797（無論將南班次抑或康城班次），改行跨灣大橋同將藍隧道，再延伸去啟德，提供幾班啟德往返觀塘及九龍灣商貿區嘅服務

dennis28a 發表於 2022-5-14 00:45
企？油麻地、旺角其實好多人落車轉車。

你再望下條 93K 文明里個站？

你確定放工時間有得坐？

KU_7002 發表於 2022-5-14 01:04
20 完全食唔正油麻地/旺角，單靠大角咀又點會好過795X走線啊

20 行唔正彌敦道，但窩打老道一樣做到油麻地囉

10598C 發表於 2022-5-14 00:29
真係跟 287X 行就放棄長沙灣，直接係帝柏海灣後循環返轉頭啦
否則回程油麻地/佐敦入中幹線要係麗翔道入， ...

都啱，油麻地位置太尷尬，夾邊區都唔順路/會有重疊

ben2004 發表於 2022-5-14 00:45
其實講咁耐，成個 793 既重組方向既問題癥結係除左價錢牌加左價外，所有人都冇得益，因為：

但 795X 荔枝角上車會否有點慢？對比荔枝角，會否795X做大角咀一帶更好？
而 795X 做 寶琳 坑口 康城 轉乘 呢個目標始乎過於遠大，798 A29 797 三線班次...... A29再多個價錢問題

795X 比人嘈都係去蘇屋方向要塞東九龍走廊，奇想諗到另一款行法，就係 795X 去蘇屋方向跟 796C 入亞皆老街，但飛晒橋飛晒站，然後轉左彌敦道南行，經眾坊街、上海街、甘肅街上西九龍走廊去美孚，咁樣做就會比 796C 更快到旺角，同時做得番油麻地同美孚，行車時間又唔差。但問題係做唔到單向大角咀，不過 795X 好似停唔到帝柏海灣？

10598C 發表於 2022-5-14 01:17
20 行唔正彌敦道，但窩打老道一樣做到油麻地囉

窩打老道出到客既話，20就唔會搞到今日如斯田地啦。

214P_world 發表於 2022-5-14 01:21
但 795X 荔枝角上車會否有點慢？對比荔枝角，會否795X做大角咀一帶更好？
而 795X 做 寶琳 坑口 康城 轉 ...

朝早通常0835就到荔枝角，回程1857就到調景嶺，都唔算太慢啦。