[還原基本步] 重組 793 795 797 系列

睇返地圖，連翔道應該有入口入中九龍幹線？
我估計唔到改行中九龍幹線會快幾多，但如果夠穩定，其實循環方式仲可以係佐敦道 - 彌敦道 - 左轉大角咀 - 連翔道咁行一個圈；
而如果暢通過觀繞嘅話，深水埗經南昌上路行中九龍幹線，似乎亦有可能快過直行界限街/太子道西

我估你應該係睇左小弟建議 793 食埋 797, 放棄偉業街去油尖咀, 睇埋其他線既改法其實成個 package 係幾好, 不過有以下幾點留意到:

1. 795X 依家半邊做到大角咀, 回程返將軍澳做唔到, 而小弟之前建議 793 總站放維港灣, 都係想做到全日奧運大角咀, 因為果頭依家係一架去將軍澳同九龍灣商貿區既巴士都冇, 如果用你建議既 795X 新走線, 小弟認為應該搵返 793 補位擺去維港灣, 而你建議既 796C 就行返成條長沙灣道, 蘇屋個位直頭可以放棄

2. 796C 去長沙灣荔枝角一帶, 改行太子道西 / 界限街一定會比行亞皆老街, 加士居道快, 不過快幾多就真係好難講, 太子道西路況可以留意朝早 296P 同 795X 去到荔枝角站個時間, 其實 296P 快唔到 5 分鐘, 795X 0740 清半開, 去到將天大約 0750, 而 296P 尚德就開 0745, 296P 早 5 分鐘開但快唔到 5 分鐘到荔枝角即係仲慢過 795X, 當然落九龍灣係有影響, 但亦都證明行太子道西就算係飛橋冇站都唔係快得去邊, 回程界限街相當冇咁塞車, 時間上應該都會比行亞皆老街同加士居道穩定地快小小既

3. 藍塘傲一帶近唐賢街站位唔靚, 又出唔到客, 睇 796P 客量都略之一二, 如果有得揀, 小弟會揀條線係去程經播道書院一帶既將南同將廣之後直出, 起碼果邊人口多過藍塘傲一帶, 走線可以係咁, 調景嶺開照經彩明街唔係問題, 因為只會影響到調景嶺站既客, 播道書院後經 Donki 再出返將廣都係比依家多大約 3, 4 分鐘, 如果 Donki 係出到客既可以一試, 至於回程可以用返依家 796C 出九龍既行法, 去調景嶺既時間其實唔會太慢

4. 797 將軍澳特反而要經尚德, 因為果邊除左朝早一班 296P 之外係冇其他車落九龍灣商貿區, 走線可以好似小弟上一點提出既走線, 調景嶺開, 經彩明街, 尚德, 至善街, 將廣上將隧

你既建議係幾好, 最重要係大區同大區之間既服務係冇少到, 又多左特快服務, 不過現有路線同建議走線既行法好唔同, 特別係深水埗長沙灣一帶, 795X, 796C 既站幾乎唔同哂, 基本係大刀闊斧咁改, 而且屎水一心想做既市區特快流水服務都做唔到, 肯唔肯改就睇下屎水有冇決心唔做市區客, 做返好吸引返將軍澳客搭

10598C 發表於 2022-5-24 10:32
緊記一點：屎水唔係曾經財大氣粗嘅公司，而家佢哋係蝕到入肉，唔係話隨便開線都有客嚟坐，冇客嘅就應該真 ...

東行係可以海寶路入中九龍幹線，所以 795P 佐敦道行到盡頭轉右，就入到中九龍幹線。我當然知道 98C 下繁深水埗出到客，咁其實都間接證明班客唔太介意行埋旺角。

善水而家一味 cut 車，但講到明要加強將軍澳服務，795P 收到 $13.4，仲貴過長一截又要比西隧錢的 970 970X，港島路綫係冇可能收到呢個價錢，半全日只要有 30 客都唔會蝕錢，係開源的好主意。

將南走線其實係有幾多討論空間，但最基本係統一出城站位就可以了，但我對 796C 調景嶺開車佢地肯唔肯搭有保留，市區快少少但區內慢太多。

不過呢個框架下，係釘死左 796P 796X 要繼續入環保區燒油，以及 795P 全日化，而環保區日後就只得一條要兜九龍灣的 793 直出市區，對比 797 落尖沙咀加 795P 的重組方向，某程度上係將將南唔想要的 793 格硬塞比環保區，自己就有兩條全日直出，一條旺角油麻地，一條深水埗長沙灣。

最後就係，與其放棄市區流水，善水係要諗下會唔會捨棄尚德會有著數啲，如果計劃中的 793 肯唔兜將天尚德，將南之後行調景嶺直出，將南車程都係幾唔錯的，出城方向由得 296C 做飽佢，反正將天站都冇乜競爭力，收費又貴。

2076 發表於 2022-5-24 19:14
東行係可以海寶路入中九龍幹線，所以 795P 佐敦道行到盡頭轉右，就入到中九龍幹線。我當然知道 98C 下繁 ...

小弟唔認同將軍澳 796 系重組要捆綁埋 795P 處理

1) 795P 將藍通車後會改行將藍，依家亦都冇停將隧，唔會其他經將轉既路線有協同效應。即係，如果 795P 夠客，咪可以調整服務做半全a甚至全日，唔會影響其他路線，其他線亦都唔會影響到佢，成件事其實要分開黎睇
2) 中九龍幹線預定要到 2026 年先通車，依家仲有成 4 年時間，到時真係通車根本可能連 796 系都要黎個大重組，起現有框架下將 796 系重組，到時中九龍幹線通車再全盤去睇其實完全冇問題

再講，795P 改行中九龍幹線根本唔會由美孚走到落去佐敦道尾先入中九龍幹線啦，頭站去到入中九龍幹線都已經要行超過半個鐘，咁美孚長沙灣一帶唔會有競爭力，要做返現有 795P 服務既地區再改行中九龍幹線係好難搵到一條理想既定線。從呢個角度去睇，中九龍幹線通車之後無論係 795P 定其他 796 系都一定要大執，如果係咁，要考慮埋依家 795P 既定線去重組 796 系就似乎講唔通

你講既將南直去調景嶺個行法即係 796P 既行法？呢個走線 catchment 太少。。。行得快但做得唔多客，未必有著數，而尚德人口夠多，叫屎水放棄尚德未必真係肯喎

ben2004 發表於 2022-5-24 15:41
我估你應該係睇左小弟建議 793 食埋 797, 放棄偉業街去油尖咀, 睇埋其他線既改法其實成個 package 係幾好,  ...

多謝師兄賞識
係，成個建議係參考師兄 793 合拼 797，不過進一步修改部分路段，最主要係將部分路段簡化，滿足到一啲麻煩位後，將其餘客源最大化

1. 我贊成做唔到大角嘴的確唔太好，但蘇屋同青山道正正就係其中一個麻煩位，未必咁容易飛走

加上 RDP 入面 793 要做返深水埗至九龍灣流水，大角嘴止步有一定難度
而且康城去深水埗都有人搭，我希望康城有一條 "將軍澳傳統 C 線" 去齊旺角深水埗

2. 795X 個時間好視乎紅隧口生唔生性，而且深水埗搭長沙灣，以及旺角搭油麻地，兩條線客量會平均過 795X 咁分

3. 我建議中新 796C 會選擇調景嶺 - 至善 - 將軍澳站 - 尚德走，一來係做返彩明街麻煩位，二來係未來藍塘傲附近會有入境處
而且上車位來講，將軍澳站 PTI 對將軍澳市民都算方便，相反兜去停寶康路將軍澳運動場比較遠離主要住宅區
當初 796C 都係計畫行將天走，但後來發現將天有新 795X 頂，索性將新 796C 改停尚德尾站順便搶客

我覺得屎水唔好搞太多噱頭，專心做返好基本服務先
不過原有唔少路段如青山道返將軍澳，都唔係冇服務，只係要係隧道口轉一次車
最起碼旺角至將軍澳原 796C（建議中交比 795X）幾乎冇影響

2076 發表於 2022-5-24 19:14
東行係可以海寶路入中九龍幹線，所以 795P 佐敦道行到盡頭轉右，就入到中九龍幹線。我當然知道 98C 下繁 ...

係wor... 一直都留意唔到東行可以佐敦道後經海寶路入中九龍幹線
但要碌佐敦道，吸引力始終有保留，而且環保大道條走線都係唔順
當然，可以考慮將軍澳隧道同觀塘繞道後去中九龍幹線

當然，呢個 plan 我冇考慮到 795P 未來去向
應該過幾日我會再寫一篇 base on 797 要繼續留觀塘偉業街，以及 795P 全日嘅計畫

呢個建議入面，793 雖然要兜九龍灣但九龍城飛橋，整體出來效果應該又不至於太差

至善要兜尚德都係 5-7 分鐘內就上到公路，反正寶邑路上環保大道要塞多一段，倒不如尚德後經寶順路去巴士專線打尖
至於如果一條線要改將軍澳區內走線，而調景嶺係總站，無可避免一定會慢啲
但後段加快，加上做埋彩明街麻煩位，又搶埋尚德，個人覺得已經功德圓滿

10598C 發表於 2022-5-25 08:27
係wor... 一直都留意唔到東行可以佐敦道後經海寶路入中九龍幹線
但要碌佐敦道，吸引力始終有保留，而且環 ...

795P 行中九龍幹線要碌佐敦道的同時，都代表 795P 可以食正佐敦，比起 795X 做多左佐敦客，拉上補下，就算對旺角吸引力差少少，都可以靠佐敦客補返。
另外就係行新路可以比 TD 有理由去比新巴天降資源提升服務，TD 對新路的新服務一向都係來者不拒。至於環保大道走線唔順的問題，其實本身如果行將隧出入，去將工都係要入去康城站自轉一圈先，回程亦都停唔正首都門口，而我啱啱都度過一下里數，發現 觀繞-將隧-康城站-峻瀅-將工 vs 觀繞-茶果嶺道-將藍-首都-康城站-峻瀅-將工 的里數係一樣，但係就唔駛塞同寶林/坑口車一齊鬥塞將隧的同時，來回程都停到首都門口，未來如果環澳路加到站，就更加理想。

797 要留偉業街的話，主流重組方向都係同 796X / 796P 整合，做埋 偉業街 <> 紅磡/尖沙咀 的客，比 796X / 796P 縮返去將站。但咁樣做就注定 793 / 795X / 795P 組合做旺角，如果走線一定要對稱的話，調景嶺出旺角一定會慢左，所以我諗法係比 796P 出市區方向調景嶺直出，反正尚德冇客，調景嶺去佐尖快左，補返去旺角慢左，就算數了。P.S. 如果走線可以唔對稱的話，一定係搵 795X 去美孚方向入九龍灣，始終佢要塞理工一定係慢，不如繼續拖慢佢...... 但係去將軍澳方向，就搵 793 入九龍灣好啲，因為 795X 行東九龍走廊快過塞旺角道，加上站位就腳好多。

793 九龍城要飛橋，其實都係做少左 青山道 <> 九龍城 的流水客，雖然佢地可以搭 2A / 6D，不過新巴又會唔會放手......
至於將南直出，我強烈反對用 寶邑路 -> 環保大道 走線，日日塞車塞到喊，當然經尚德或者調景嶺先出好過，做多批客的同時，將南冇慢到。不過相反方向就可以考慮搵線直入將南，只係唔知新巴同 TD 點睇不對稱的走線。

10598C 發表於 2022-5-25 03:02
多謝師兄賞識
係，成個建議係參考師兄 793 合拼 797，不過進一步修改部分路段，最主要係將部分路段簡化， ...

1. 如果將你建議既 796C 走線, 荔枝角方向全程行長沙灣道去到尾, 將軍澳方向經長沙灣道, 左轉興華街, 右轉青山道行返現時 796C 路線, 換返 793 去大角咀呢 ? 796C 呢個行法就絕大部份現有既站都冇影響 (除左蘇屋最後果幾個站, 不過佔整體既客應該少之有少), 當然, 咁樣行既話 793 一樣做唔到深水埗 <> 九龍灣流水, 屎水如意算盤又打唔響, 不過如果連深水埗 <> 將軍澳調景嶺 既乘客都可以搭返 796C, 至少現有既客就連轉車都唔使轉
換個角度睇, 無論你既建議定小弟建議既 793 都係全新服務, 做新既客源, 用佢黎去試未有服務既區係冇問題, 個人覺我只要基本盤夠大, 行車時間合理就唔會無客
但如果舊有路線改動大, 影響主要既客, 就會有流走既風險, 例如屎水版既 793 加經九龍灣, 雖然車程只係差 5-10 分鐘, 但就要全部將軍澳既客都要一齊兜, 好難估計呢個改動對於現有乘客既影響有幾大, 從而去估計會流失幾多客, 你既建議將現有 796C 深水埗去將軍澳既客改成要搭 793 去將轉轉車, 流失幾多客同樣都難以估計, 青山道同荔枝角道距離咁遠, 你建議既 796C 亦都未必補到呢個位

3. 將軍澳走線要點樣要做到將來既入境處真係要一個好頭痛既問題, 因為行得寶邑路近新入境處大樓果頭, 就意味住要放棄尚德, 除非用 290X 行法, 不過呢個行法得失太大, 快果邊既客會搶到, 慢果邊既就幾乎流失哂

至於點解會行近將軍澳運動場一段寶康路呢, 其實唔係要做果邊既客 (因為根本冇乜), 而係想做返原有至善街出九龍既站位, 亦都唔使比唐俊街果幾支燈影響, 行外圈肯定會比依家快好多

講真, 呢個板咁多個建議都一定要比屎水方案好, 793 同 797 合拼, 或者其他方案, 都係要搵方法養住條 797 做駁腳, 班次合理康城人自然會搭, 點做駁腳就有兩種方向, 一係就令到條線多d人搭, 可以做返一個合理班次又唔使蝕錢; 一係就最消極既方法, 縮到用最短既路線用最少既車, 就算蝕都唔會倒太多車落去蝕

2076 發表於 2022-5-25 09:27
795P 行中九龍幹線要碌佐敦道的同時，都代表 795P 可以食正佐敦，比起 795X 做多左佐敦客，拉上補下，就 ...

小弟唔係好同意你話寶邑路直出將隧會慢過調景嶺上, 呢個行法, 將南起計只係早繁最塞車果 1 個鐘會有機會慢過調景嶺經寶順路出, 其餘時間只要將隧未塞到落去環保大道迴旋處, 最基本都會同調景嶺經寶順路上將隧既時間打個和, 甚至會快過佢, 因為環保大道上將隧係可以全程行中線去到隧道口先 cut 返入慢線, 呢個行法會比寶順路 keep 住慢線上去快好多, 其實將南上將隧仲有個行法既, 就係行寶康路轉入靈實, 再出寶順路打尖上將隧 (796P 行法), 不過早繁塞得最勁既時候, 靈康路轉出去寶順路打尖都要排隊
如果要經尚德或者調景嶺上將隧, 將南都要行返一段區內既路先去得到, 呢度都要時間啦, 就算將隧塞到落環保大道迴旋處都唔會慢過寶邑路直走啦, 再講, 行得將南就走既都已經起其他區兜完, 又要返尚德或者調景嶺冇乜意思

講返轉頭, 點解要試將南直出, 因為就係得返將軍澳站同將南呢個area未有直出既巴士線, 將軍澳站一帶加埋至善街一帶既將南人口唔會同調景嶺差好遠, 調景嶺直出出到客, 將南直出只要走線合理都會有, 要試新客搵將南直出亦都合理

ben2004 發表於 2022-5-25 17:02
1. 如果將你建議既 796C 走線, 荔枝角方向全程行長沙灣道去到尾, 將軍澳方向經長沙灣道, 左轉興華街, 右 ...

如果用回程兜青山道，都尚算有機會過到地區意見
但我個人覺得本身將軍澳方向停荔枝角道會好過青山道/大埔道，所以改新 796C 行荔枝角道，反正青山道要綁九龍灣流水
而大區計其實深水埗唔係冇車返將軍澳，班客多數都係黃金/西九龍中心出黎，只係由行去青山道/大埔道，改做行去荔枝角道
當中又有一班客係搭開 296C，知荔枝角道有咩車搭
唔想行就有得繼續轉車

相反班客其實對車程幾敏感，所以我盡量避免亞皆老街條線兜入九龍灣

其實最主要係廢物利用 797，反正有啲死位冇得飛
不過剩低嘅餅仔點分先係重點