紅館晚間大型活動港鐵廷遲尾班車可行嗎？

https://www.hkitalk.net/HKiTalk2/thread-2142812-1-1.html
馬拉松18500-70000人，港鐵都提早頭班車；昨日張敬軒12000人演唱會過時，港鐵不廷遲尾班車，探討紅館晚間大型活動港鐵廷遲尾班車可行嗎？

原先冇預佢會encore咁鬼多嘛。時間表就全部要提前寫嘅，所以冇可能當日先決定延遲尾車，打亂哂班次安排同埋一早預定嘅各項工程。

馬拉松有得提早，係因為運吉每逢呢啲大型活動都會整個plan出嚟協調好哂各類型交通服務、運輸安排。好明顯，演唱會只係動用到巴士公司，而冇叫到黨鐵。冇乜valid reason黨鐵都唔會郁到佢嘅服務時間。

當然啦，如果個演唱會係政治嘢嚟嘅，黨鐵實肯同你延長尾車嘅，不過都要提早講定囉。

AVBWU291 發表於 2022-5-30 20:12
原先冇預佢會encore咁鬼多嘛。時間表就全部要提前寫嘅，所以冇可能當日先決定延遲尾車，打亂哂班次安排同埋 ...

你咁講我諗起當年5R/205R
巴士加班疏導本身都係事在人為

俾返D機會巴士公司搵錢啦⋯⋯
都咁夜仲港鐵轉轉轉咩？

如果我無記錯﹐九鐵年代就真係試過為一位歌手演唱會超時而加開特別尾車。
印象中係許冠傑﹐又好似同倒數活動有關﹐詳情唔太記得。

當時主辦機構有無預先同九鐵夾過就不知了﹐但當年應該未有節日通宵服務。


但係正常情況下﹐一句講晒 : 唔好打亂我(鐵路公司)已經編定的收車後的檢查維修。
唔好寄望可以突然間同你開多幾班車﹐仲要係唔知幾點才開車。

我又唔覺政治嘢龜龜會特事特辦，今年1月1日晚都無因為西九活動加班啦，同埋演唱會就更難，好似張敬軒咁每晚都唔同，就算有固定都唔代表唔會因各種意外早完或延遲。

個問題係，你想個規模幾大先？要全個network同你extend又唔符合成本效益，淨係TML同EAL又唔可以轉到其他車，不如俾哂巴士食哂好過了

但問題係邊個會知佢幾時完先？
如果去到點半先完，係咪要其他站嘅職員等到兩三點先收得工？
仲有平日嘅保養維修工作點搞？

作為觀眾自己亦有責任睇下12點後走有冇車，
即使演唱會overrun亦唔代表要坐到最後一刻。
除非紅磡站堆N車返到屋企咪玩耐啲囉

其實應該星期五六日都延遲尾車去到2點, 好似英國night tube 咁, 方便市民

唔應該理的士小巴團體反對