建議九龍市區路線特快化(1) - 慈雲山/黃大仙/彩福(2F 2P 3X 9 9X)

2076 發表於 2022-8-4 02:17
的確有諗過 2F 兜埋竹園解決 2B，但呢度得 4 部車會拆唔到 2P，而 2F 班次對竹園來說亦過密，而且最大問 ...

始終覺得咁改條2F有啲到喉唔到肺

或者我會揀斬2F開2P，11架車用1架加落2B度加密班次，慈雲山去石硤尾就可以3C轉2B或者2P逆向轉2B（免費轉乘）
然後2P做循環，長沙灣之後直上呈祥道，咁樣長沙灣商業區就會搭，下繁照計會頂閘，我唔知咁樣要用幾多架車

3C同9嘅部份，我會將9改成9X咁，做返10-15分嘅班次，唔知95改唔改得西行行亞皆老街，可以就補個95同203E嘅轉乘去旺角，唔得就203E算
最後3C同3X用埋淨得2F嘅車，平均分咗佢做聯合班次同埋一齊泊中港碼頭

1181174166 發表於 2022-8-4 07:23
黃大仙值得商榷，浸大都係嗰句，條2F都改到行太子道
就咁睇9/9X同7有啲地方疊住，part 1重組之後都係疏， ...

7 實際上行窩打老道，同 9/9X 的重疊位就只係 油麻地 一段，加上 7 本身主力係做 尖沙咀 <--> 廣華/萬基大廈 比較多，其實本身 7 同 81C 的重疊位就更多。不過樂富有 1 7 9 油尖旺，所以 9 的建議班次就較疏落了，彩福 <--> 黃大仙 本身用 9+9X 去做，都唔係疏車，至於 彩福/黃大仙/富美街 <--> 旺角，非繁 25-30 分鐘一班都唔係話唔得，始終有 2X / MTR 等大量替代品，9 變相只係比班行唔到的長者客去用。

9X 走去啟隧，幫 13X 提速都唔係咁理想，始終 啟業 <--> 秀茂坪 流水點都係要做，九巴亦都冇得 upgrade 乘客搭 213X，變相誘因不大。

m1210h 發表於 2022-8-4 10:05
始終覺得咁改條2F有啲到喉唔到肺

或者我會揀斬2F開2P，11架車用1架加落2B度加密班次，慈雲山去石硤尾就 ...

2F 你當佢係慈雲山去石硤尾同黃大仙的接駁線。

2P 其實長沙灣經青山道大埔道有足夠客源之餘，對現有搭開 2F 的乘客而言比較容易適應，影響亦較細。相反，改循環，蝴蝶谷上龍翔道就變左深水埗要兜長沙灣先上跑道，有欠理想，無謂為了下繁放工客而放棄全日客源。長沙灣去慈雲山搭 2P 經青山道大埔道，其實已經遠比現時要遊 2F 好得多。

2B 加 1 車都係開唔到 20 分鐘一班，30 變 25 其實真係同冇加過冇分別，慈雲山去石硤尾咁短距離其實唔應該推人去轉一架 25 分鐘一班的 2B，轉 214 會合理少少，不過另一想法係可以拉 2D 上山，都只係加 1 車就可以做到慈雲山去石硤尾。

至於 3C/3X 問題，主要係唔夠車去就咁拆兩條線，所以先至要拉 9 去幫手填左 3C 的雞肋獨市位，3X 亦都擺唔到中港碼頭，因為出站去唔到廣東道南行。

9X轉循環線係咪一件好事呢……

7/9/9X呢部份，個人會傾向用類似樓主9號行法食晒成條7仔
i.e. 南行經太子道西入旺角，北行經窩打老道擦邊做旺角；總站跟7仔擺尖碼
有9X/208/81C搶錢，新9號可以開非繁30，最多考慮調低271南行分段補返窩打老道南行流水
大方向係9X拉返直唔入黃大仙，做彌敦道特快對三彩更有好處

如果東行一定要補九龍醫院返龍慧樓，揀無可揀惟有考慮拉203E，順便當回應地區人士及某板友相關訴求
又可以拉返新9號回程停黃大仙轉車站，方便三彩居民用新9號轉新界線
下邨西行就惡搞少少，拉95補唔到九龍醫院，拉203E就拖慢斧山出油旺車程
全局睇可能要執2-3部車爆條黃大仙區H線出嚟，雙向經九龍醫院、廣華

至於2F/2P呢組，如果要做2P全日深水埗特快，似乎2F縮短轉循環係難以避免嘅lesser evil
至少轉循環仲保得住福華街上客站

流星☆雨 發表於 2022-8-4 16:42
9X轉循環線係咪一件好事呢……

7/9/9X呢部份，個人會傾向用類似樓主9號行法食晒成條7仔

關於 9X 循環線行法，其實就同好多啟隧尖沙咀線一樣，都係只停北行彌敦道，而本身都行之有效，一來慳 quota，二來避開越來越塞的南行彌敦道。
新 9 要食 7，最大問題係 9 北行同 7 北行係唔同價錢，合併會產生價錢牌問題。7 北行的改動空間真係好少，所以傾向繼續減班陰乾算數，九巴一向的策略都係陰乾平線，等班客一係死等平線，一係見到同路貴線可以照上，而 7 的同路車有超貴的 208 81C 270A 271，$2 客等唔到 7 上左 270A，九巴就剩袋 $6.2 補貼差額，而且 7 仲有杏林街、多實街、廣華醫院 3 個麻煩位。不過 part 2 我會講下 7 7B 8 18 208 的重組，主要係 208 我會覺得佢有特快掠水潛力，亦都同意佢可以拉去竹園/翠竹，提供一個比 1 快的方法去尖沙咀，本身呢區長期靠 1，去 MTR 又遠，208 拉過去的確有得諗，仲可以順勢重組 7，亦都可以有理由由 1 抽車。

如果真係玩合併，南行我都係傾向行亞皆老街入旺角，反正太子道西有 2F，盡量減少對乘客的影響。而北行行窩打老道最大問題係先達冇車返黃大仙下邨，呢個問題都大，拉番 10 入黃大仙下邨亦都不可行，因為循環線行車時間已經爆晒，冇得再加，203E 入就有富山減速問題。

當然，如果 9 做返尖沙咀，9X 唔駛補 黃大仙-尖沙咀，但仍然有亞太醫院區來往黃大仙下邨的問題。而且中港碼頭來往旺角得番 238X，又係價錢牌出事。用 2 部車開黃大仙 H 線絕對唔想做，等同揼 2 部車去咸水海冇分別。

2F縮短轉循環有 3 大好處，一來係保住最重要的福華街北行上客位，深水埗客可以唔駛行上去九江街上 2P，二來係做到深水埗東部及太子雙向來往慈雲山同樂富的新客，順便補 3C 太子段，三來係維持到 樂富-深水埗，以及 黃大仙站-慈雲山 的班次密度，班客仍然可以叫兩飛的同時，唔駛保留 2F 欠效率的元州街/青山道段。

2076 發表於 2022-8-4 14:43
7 實際上行窩打老道，同 9/9X 的重疊位就只係 油麻地 一段，加上 7 本身主力係做 尖沙咀  廣華/萬基大廈  ...

疊開就唔爭在食多少少套多幾部車出嚟，9本身都不似人形，拆9X出嚟，3C供車都救唔到幾多
車程快唔到幾多但班次更趕客，唔睇好9X呢個組合

2076 發表於 2022-8-4 19:54
關於 9X 循環線行法，其實就同好多啟隧尖沙咀線一樣，都係只停北行彌敦道，而本身都行之有效，一來慳 quot ...

208改特快有濃濃嘅燶味......
不過呢set有興趣睇下

2076 發表於 2022-8-4 00:36
最簡單當然係 3X 2P 9X 齊齊半全日，但宜家 3C 9 2F 的班次已經抽無可抽，慢線快線都要 30 分鐘一班，在市 ...

淨係想講最後一樣，
紅隧南行影響紅繞嘅時間應該比師兄所講為嚴重，
起碼成個上晝都會慢車，
但的確同時段冇更加快嘅路係真⋯
(屈忠孝街落紅磡食燈食到傻，但何文田-尖沙咀快線應該咁行而唔係落公主道）

至於其他都幾好，2F改循環係意料之外，真心改得靚，
但既然服務到深水埗嘅客倉，2P有冇空間都行循環，
令長沙灣都有快車返去？

2076 發表於 2022-8-4 00:36
最簡單當然係 3X 2P 9X 齊齊半全日，但宜家 3C 9 2F 的班次已經抽無可抽，慢線快線都要 30 分鐘一班，在市 ...

咁我同意 F1 版發文係可以嘗試觸碰多少少底線的，畢竟就算係 RPP 都會有試水溫建議，運署有時甚至會畀一D明知過唔到既建議擺上去，等巴士公司死左條心。但亦唔可能完全脫離現實

其實而家就咁睇，3X 半全日似乎已經取代左 5X 屯馬全通後半全日既計劃，始終前者做到更多野。問題係有無方法執車去做到 3C 3X 齊齊廿分班

9X 的尖咀特快其實只對亞太區有用，彩虹道本身有 5 再加兩味 5P 5X。而彩福雖然有 2X 去太子旺角，但都係 30 分一班基本班次。如果 9X 做埋旺角、旺角至太子之間同 2X 同路，做到既野似乎會比起尖咀特快更多，尤其是而家尖咀需求都跌緊，好過兜埋黃大仙既四不像

我唔知師兄你有無參考過九巴網站行車時間數據，但如果 2P 你預一單淨行車時間 45-50 分既話，根據現行準則，已經唔太可能一轉連休 120 分搞掂，畀 130-140 分就差唔多。當然 2F 2P 呢個 idea 係有唔少可取之處，但我同時會著緊技術細節

1181174166 發表於 2022-8-4 20:09
疊開就唔爭在食多少少套多幾部車出嚟，9本身都不似人形，拆9X出嚟，3C供車都救唔到幾多
車程快唔到幾多但 ...

9 已經係社會責任線咁滯，整到條 9X 比黃大仙同彩福已經係好過冇。

9X 車程真係快唔到 9 幾多? 估計來回各快 10 分鐘。雖然唔係話多，但我覺得好過無。始終 尖沙咀 <--> 亞太醫院區 <--> 黃大仙下邨 呢段，係 9 的獨市路段，基本上都冇得點搞。

加上 9 南行直行龍翔道，對彩福駁新界線，以及去旺角的車程，都係有正面幫助。