允許專利巴士公司租非專巴士行專利線路有無得諗？

YY487 發表於 2022-8-19 20:38
點解邨巴3+2有人肯坐？就係因為佢快可以彌補逼呢個缺點
非專行專利線要排四十架巴士入轉車站，有咩誘因肯逼 ...

可以只在飛轉車站嘅繁時班次用3+2。我本身嘅idea只係在繁時使用非專車輛，係想緩解專利巴士唔夠車，唔係想替代佢。

https://www.info.gov.hk/gia/general/201305/15/P201305140588.htm

自二○○一年起，所有專營巴士公司在添置新巴士或更換舊有巴士時，一律會採購可供輪椅上落的低地台巴士型號。

所以搵非專車行專利線路本身已經係低可行性（除非修改專營權條款允許非低地台巴士）

如果唔放寬非SLF巴士，咁就應該要批以疏導專利巴士繁時客流為目的嘅邨巴線先咁。

sunhoo 發表於 2022-8-20 00:29
如果唔放寬非SLF巴士，咁就應該要批以疏導專利巴士繁時客流為目的嘅邨巴線先咁。 ...

直接安排專利巴士加班同開辦新路線咪得,
做咩係要將簡單問題複雜化？

charlesli0104 發表於 2022-8-19 23:48
https://www.info.gov.hk/gia/general/201305/15/P201305140588.htm

根本非專乃至所有用［PUBLIC BUS］出牌嘅都應該要上到輪椅啦,
明明輪椅人士都有機會有使用由非專提供嘅員工或指定嘅接送服務,
咁現時情況其實係咪剝削緊佢哋工作機會同增加佢哋出行嘅不便呢？
但運輸署從來都好似唔會理呢啲可能構成殘疾歧視嘅問題...

不過望吓啲出入埋醫院平台啲專線小巴就明白,
咩無障礙運輸呀無障礙城市呀講就講咗十幾年,
到最後又係搵返九巴開埋啲咩14H, 32H呢啲同小巴服務重疊嘅放血廢線...

然後跟住有人話專利服務不足要求引入非專村巴疏導,
真係除咗可笑之外, 都唔知應該講咩好！

九十年代九巴租過日野行238X？

ENS529 發表於 2022-8-20 00:44
直接安排專利巴士加班同開辦新路線咪得,
做咩係要將簡單問題複雜化？

因為專利巴士唔夠車……新買嘅車交付之前用非專車輛頂住先

sunhoo 發表於 2022-8-20 11:35
因為專利巴士唔夠車……新買嘅車交付之前用非專車輛頂住先

咁運輸署安排將將近到期嘅專利巴士再續牌一年咪得...

除非﹐有車廠有突發事件﹐令到大批車不能運作(eg. 火警燒車﹐幾十部車被燒)。
否則﹐正常情況運作的情況下﹐專利巴士公司係唔會唔夠車用的。

** 人手不足﹐令到太多車等待維修﹐純粹係巴士公司自身安排問題﹐唔屬於唔夠車運作的原因。


每年巴士公司都要交來年的發展給政府審批﹐當中包括買幾多車及有幾多車退役。
政府係會睇巴士總數﹐是否符合運作需求的。
避免買過量的車 或 車輛不足的情況出現。

所以﹐原則上專利巴士公司係唔會出現唔夠車使用。
換句話說﹐根本無必要租用非專車去提供服務。(不包括嶼巴-假日支援)



當然﹐計劃幾好都無用﹐總有一些事情係預計不到的。
政府自然有方法應對﹐全部都會以當時實際情況去做決定﹐租用非專利車唔會係第1個選項。


一個例子﹐因為鐵路開通而預計要cut車輛總數﹐於是巴士公司在買新車取代退役車時﹐適量地減少數目﹐以縮減車隊數目。

但鐵路工程大幅延誤﹐每到巴士公司未能按原有計劃cut車隊數目。
舊車又夠期退役﹐會令到車輛數目不足應付服務。
於是﹐政府就安排部份車可以繼續使用﹐超出18年的限制﹐直到鐵路開通為止。

既然在需要時﹐政府可以延長18年的使用限期﹐又點會出現專利巴士唔夠車用。

ENS529 發表於 2022-8-20 11:53
咁運輸署安排將將近到期嘅專利巴士再續牌一年咪得...

咁都可以嘅