譴責九巴沒有加車行走948E，導致多位乘客無法登車

樂仔〞 發表於 2022-9-1 01:54
平時見 948E 尾車都係坐滿咁上下 ...

主要睇吓出12米定12.8米

如果出12米會企一堆人

Waiyin12 發表於 2022-9-1 12:44
其實，搭巴士係先到先得，任何人不論乘車動機，只要比咗錢就可以上車；就算係下繁特快，絕對唔係 "有需要 ...

但今次唔係突發
係預早安排派架車落去
明知會多一堆客唔預早安排就比人插硬

WR309 發表於 2022-9-1 08:43
理論上可以咁講, 出12800無問題, 亦應該係恆常動作㖭
實際上睇吹水會, 班街坊開咗兩篇post (一個係正常居 ...

948系依家日日出事咁滯

話說尋日由新巴負責的08:40 翠怡起載加班車無故消失，結果08:30長安開嗰架好似又載唔哂，所以呢期948日日都收唔少投訴

12Lane 發表於 2022-9-1 10:50
九巴大把巴迷喺入面做線眼啦。
果時唔知係咪3ASV尾日呢度直頭有版友一早出晒行咩線同幾點開車啦，最後又 ...

巴士迷如果係俾足錢姐而且係程車到冇搞事嘅話其實冇問題，亦都唔應該怪罪喺佢哋嗰度。公平啲講，大家都係乘客，點解人哋早啲上車搞到你冇得上車就要鬧佢地。當然我都理解居民嘅心情，佢哋都係想有車上返到屋企。但係呢件事我覺得好明顯係巴士公司嘅錯，係一條爆煲嘅路線仲派呢啲車預咗死㗎啦，倒不如將你架車派去一啲本身就唔滿嘅路線，既唔會好大影響日常居民嘅出入，又可以比巴士迷追車，自己又可以cap水，三贏fat fat

ATENU135 發表於 2022-9-1 13:10
巴士迷如果係俾足錢姐而且係程車到冇搞事嘅話其實冇問題，亦都唔應該怪罪喺佢哋嗰度。公平啲講，大家都係 ...

我冇話巴士迷有錯，佢地都係作為乘客比錢搭車，我只係覺得，好多野都係一環扣一環。前提係巴迷又鍾意睇特見，咁出少D鑊，巴士公司都自然放多D水，大家都happy。有D野，係要大家互惠互利、互相配合先做得到，好明顯今次就出左事，咁你話之後巴士公司對於呢類特見會唔會更謹慎處理？最終咪一拍兩散，雙輸。
繁忙時間，車都已經難搵，資源已經緊拙，仲要應付呢類額外需求。就算部車拉去其他12.8路線，都難保唔會留後，都有乘客要等多班，唔好彩在佢係948E姐。

12Lane 發表於 2022-9-1 13:24
我冇話巴士迷有錯，佢地都係作為乘客比錢搭車，我只係覺得，好多野都係一環扣一環。前提係巴迷又鍾意睇特 ...

我相信巴士公司手頭上一定有數據可以知道有邊啲線未必係爆到瀉嘅係可以有多餘嘅空間塞埋啲巴士咪落去 當然我都明白咁樣可能會令到佢派更上有困難 或者一環扣一環影響埋其他線 但係我諗呢個就係車務部嘅作用 要派到啲線用合適嘅車。不過都係對呢間野冇期望㗎啦，反正多人嘅先用細車都唔係第一次，呢啲已經出咗12.8我諗佢都唔會點理，做成三輸嘅局面(居民日常出行受到影響、巴士迷有機會俾人責怪/扣印象分、巴士公司因為載唔哂而倒走啲客)

Waiyin12 發表於 2022-9-1 12:44
其實，搭巴士係先到先得，任何人不論乘車動機，只要比咗錢就可以上車；就算係下繁特快，絕對唔係 "有需要 ...

返工客大部分都唔得閒留意乜車乜車
九巴派車亦唔會好似掛八/落三咁樣，畀人預早知道需求會大幅增加/運載力會減少，而要考慮後備方案
一個看似平常嘅黃昏無啦啦上唔到車，仲要係尾班車，咁九巴同巴士迷梗係畀人鬧
就算唔同你計較「被霸位」呢啲觀感上問題，班客企咗喺個站幾分鐘，黎架比平時坐多咗三十人嘅「高載車」，白等班上唔到嘅車，已經足夠令人燥狂
正如點解呢度日嘈夜嘈啲E6M同低載直梯亂派，係因為真係會搞著返放工客，坐位變企位都事小，好似948E呢個bad example咁尾站上唔到尾班車就大檸樂

ATENU135 發表於 2022-9-1 13:10
巴士迷如果係俾足錢姐而且係程車到冇搞事嘅話其實冇問題，亦都唔應該怪罪喺佢哋嗰度。公平啲講，大家都係 ...

起碼應該派落密車線
就算有客上唔到車都唔會辣著咁大火頭

以前D特見迷影相多
依家見新車坐埋一份
睇黎都係計漏左新車因素

Ricky403 發表於 2022-9-1 13:47
返工客大部分都唔得閒留意乜車乜車
九巴派車亦唔會好似掛八/落三咁樣，畀人預早知道需求會大幅增加/運載 ...

太古坊堆放工巴士好多人等
正如960B(以前)+968X, 四個字之前已有人等, 排到上天橋, 結果仲愈開愈早, 不停開暗盤加班,
呢個站以往都有呢類貼文, 不詳述

948E頭車開1805, 事實上1745已經開始有人等, 有啲寫字樓係開早放早, 熟客搭開都係話條綫直接同快,
兩巴養到呢班客其實係成功, 證明係有得做, 亦希望當局聯同兩巴真正審視返個需求

[以下嘗試代入一般居民/乘客, 用第三身角色去理解吹水會個貼文朋友嘅諗法]

(居民A諗法)
尋日件事, 舉個例, 當居民A喺北官/模範邨等10分鐘車先發現上唔到,
再行長長地鐵站通道碌落地底, 果處冇5分鐘, 再去迫地鐵搭40分鐘, 返到青衣或葵芳先轉車先返到家,
如一程直車都係45分鐘去到青南, 由合理期望返家食飯, 跌到落谷底多半個鐘通勤時間,
居民勁嬲其實冇錯, 人之常情, 都算


再睇返街坊吹水會有人講叫居民A轉搭102駁41/42A/44 [唔好玩啦, 紅隧兩繁塞完, 仲要彌敦道長沙灣道由頭搭到尾],
又喺度反問返居民A點解唔早啲出門等車要搭948頭車返工 [人地返工時間點大家可以控制?],
之後阿社區主任出埋嚟講叫新巴派埋6090 [估計居民睇到解釋都知又係啲巴士迷眼中怪獸車],
居民A加居民們一睇就起火, 回"居民只著重服務夠唔夠載, 班次準唔準", "唔會理你地派乜車",
最終居民A今早講到明已落投訴

(居民B及C在另一篇回文)
居民B: 直頭用"X你班巴X,傻的嗎" 八個字去形容
居民C: "見到咁長嘅人龍,我搭党鉄算"

(某社區主任回文)
某社區主任最後知道自己可能失言, 就講話 "如有需要, 樂於用邨巴模式為居民開方便之門"
[吓,非法邨巴係違法喎!?運吉唔會批囉]