平日日間非繁應否加班？

今日星期三下午1:45 過咗九龍塘落黃埔方向，過九龍塘迫過繁忙時間，到石硤尾撞正放學時間，學生客死迫爛迫先上到車，好多學生要等下班

到太子轉荃灣線，觀察咗係開緊正常隔3.6分鐘無延誤，後面幾班埋太子站啲車全部逼爆，然後轉荃灣線又係繁忙時間感覺，深水埗長沙灣大量乘客落車，搭咗咁多年平日從未試過咁恐怖

以前日間非繁觀荃兩線行4分鐘都夠，近年人口老化越來越嚴重，見到車廂大量老人家同師奶，估計係要搭車覆診，或是覺得平日消費平啲多咗出街玩，下午迫過比星期六日同一時段，而家觀荃線3.6分鐘一班都唔多夠

唔清楚其他港島東鐵東涌屯馬情況係咪都咁，至少個人認為，觀荃兩線平日中午至下繁前要加到2.75-3.1分鐘先夠

逼爆咪啱，而家能源咁貴

你話長沙灣道三站落咗大量客，即係打後就夠載有餘啦
得荔枝角<>九龍塘逼爆又點夠支持兩條線全線加班呢

學生客迫爆都冇肉食。放學又唔講時間，上唔到咪搭下班，反正你唔會轉會。佢使乜為咗呢堆客嘥錢

Quanta 發表於 2022-9-8 10:41
學生客迫爆都冇肉食。放學又唔講時間，上唔到咪搭下班，反正你唔會轉會。佢使乜為咗呢堆客嘥錢 ...

上年年中又真係有特登喺晏晝開架加班車嘅
估計而家唔開係關能源成本事

Ricky403 發表於 2022-9-8 12:31
上年年中又真係有特登喺晏晝開架加班車嘅
估計而家唔開係關能源成本事

能源成本﹐就真係吹水居多。

之前都係配合半天上課﹐所以相關時段稍稍加密班次。

而家﹐大家都未摸清新學年的放學時段。
有些半日課﹐有些全日課﹐再加埋新學年首星期未必係正常放學時間。

所以﹐起碼多幾星期才會睇得出有無需要在中午前後稍稍加密班次。

但係﹐有需要 同 有必要係有唔同的。
非繁忙時間即班上唔到﹐咪下一班車囉﹐反正只係少數車站才出現此情況﹐管理層就未必認為有必要加密班次。

kei_hk 發表於 2022-9-8 14:20
能源成本﹐就真係吹水居多。

之前都係配合半天上課﹐所以相關時段稍稍加密班次。

但加班對市民有裨益, 橫掂港鐵有錢賺, 加班係無害有益喎
而家疫情又嚴峻, 開多D車, 就唔使人貼人啦

Ricky403 發表於 2022-9-8 10:25
逼爆咪啱，而家能源咁貴

你話長沙灣道三站落咗大量客，即係打後就夠載有餘啦

其實深水埗長沙灣嗰幾個站多人落又多人上，過咗葵芳先唔洗企人

kei_hk 發表於 2022-9-8 14:20
能源成本﹐就真係吹水居多。

之前都係配合半天上課﹐所以相關時段稍稍加密班次。

嗰時係兩班中間攝一班，大約係3-2-2咁開，中間個2係加班，其餘冇變依然3.6分一班

尋日下繁前（四點左右）再搭返過觀塘線嗰邊，觀塘線一樣好迫，一樣大部分老人家加部分學生/小朋友，同埋唔只中午前後，而係中午到下繁前時段感覺一年迫過一年，學生客始終未係多數，好明顯睇得出baby boomers退休後周圍去玩/買餸/覆診

以尋日晏晝開文嗰時情況，係同早排未加班前嘅星期日紅日晚6分鐘一班差唔多，死迫爛迫先上到車，前幾晚6分鐘加到5分鐘一班後一樣係迫同多人過星期一至四晚，咁平日非繁呢？

gsrc0525 發表於 2022-9-8 17:00
嗰時係兩班中間攝一班，大約係3-2-2咁開，中間個2係加班，其餘冇變依然3.6分一班

尋日下繁前（四點左右 ...

觀塘綫一加就要加好多，唔係會大幅削減黃埔站列車服務

timewater 發表於 2022-9-8 16:08
但加班對市民有裨益, 橫掂港鐵有錢賺, 加班係無害有益喎
而家疫情又嚴峻, 開多D車, 就唔使人貼人啦
...

啲錢係靠賣樓賺，唔係路軌賺