建議青衣來往中九龍及何文田重組 (41 42A 43C 44 241X 242X)

1181174166 發表於 2022-9-12 22:36
以前出站位擺車，依家唔記得仲有無
坑唔係塞唔落車，而係人
侯車位置唔太夠應付幾條線，即使係疏車

咁 7B、8、45 本身愛民都唔算多人上車去紅磡/尖沙咀/土瓜灣......

如果唔想用前面停車灣，又真係驚唔夠位比人排隊，7B、8、45 個站可以諗擺出站位。

方法就一定有，只係睇下點樣先會比較理想。

2076 發表於 2022-9-12 22:11
44 旺角段要拆返南行同北行睇。本身密車係真，但係按建議的行車路線，因為唔駛塞旺角，尤其往青衣方向要塞 ...

喺新世紀同先達點都要行嘅，會唔會變咗行落旺角站保鐵呢？

如果非要拉一條旺火線上去，寧願揀67X都好過44
起碼總站客有得搭59X轉67系，影響最細
惟一缺點係拉67X就一定要經亞皆老街西行塞車位

甚至寧願將45雙向飛走旺角，或45/67X兩者同步執行
都可能好過搞條本身客源穩定實淨嘅44

---
另一個可能觸礁位就係青衣區本身
青北能否接受41資源變成經青南走路線
考慮到現時青北冇晒民意代表，的確有機會可以偷到雞

流星☆雨 發表於 2022-9-13 04:38
喺新世紀同先達點都要行嘅，會唔會變咗行落旺角站保鐵呢？

如果非要拉一條旺火線上去，寧願揀67X都好 ...

44 係想補返青衣去何文田多過話補深水埗來往何文田。新世紀敏華門口一出就係太子道西協和小學個站。先達過去奶路臣街搭 41A 10 分鐘已經去到青衣南橋，地鐵應該去到荔景等緊東涌綫。主要係想旺角客比埋 41A，未來 41A 可以再谷密返少少，對成組線盤數都會好左。

41 青南走又唔係必要，如果阻力大，可以諗青衣路新居屋，經青康路、長宏、長安先出市區。寮肚山經長安出都唔會慢，青康路就叫做獨市去尖沙咀，都應該有少少客搭，只係吸客效果一定冇青南走咁好。

2076 發表於 2022-9-12 22:41
咁 7B、8、45 本身愛民都唔算多人上車去紅磡/尖沙咀/土瓜灣......

如果唔想用前面停車灣，又真係驚唔夠 ...

上孝民街出嚟，完

唔使搬，唔使強行調頭
109條坑同最入嗰條分別不大，都係攞位攞到唔擺得車，對面又要保持暢通
再者無咗旺角，睇怕單位數班次都難保
再唔係，繁忙時間中途起載/短途車，對何文田嚟講最多都只不過20分鐘一班

其實點解要硬逼6.8嘅人變9.4，而家係加價38%南行去深水埗都變9.4就更過份（你如何設定雙向分段定係南北行唔同價？）

結論係唔好搞44，寧願做返好少少18甚至加大轉乘上何文田

1181174166 發表於 2022-9-13 20:32
上孝民街出嚟，完

唔使搬，唔使強行調頭

44 本身又唔係話好靠旺角，所以現有班次都會保得住。孝民街果度只係細節問題，又冇乜所謂的。

HB00610 發表於 2022-9-15 17:55
其實點解要硬逼6.8嘅人變9.4，而家係加價38%南行去深水埗都變9.4就更過份（你如何設定雙向分段定係南北行唔 ...

44 往何文田方向於青衣邨商場設有 $6.8 分段。
往青衣方向於協和小學設有 $6.8 分段。現有乘客唔駛加價。

2076 發表於 2022-9-15 20:44
44 往何文田方向於青衣邨商場設有 $6.8 分段。
往青衣方向於協和小學設有 $6.8 分段。現有乘客唔駛加價。 ...

先講南行問題，你proposed 44青衣邨開個喎，即係一出總站掉頭出嚟第一個就變6.8？除咗搞到出面個巴士站亂哂之外有咩好處？

更大問題係北行，旺角焗出彌敦道搭兩架X車，強制6.8變9.4，38%加價第一。南行講真荔枝角道後走線唔靚你搞佢我個人冇乜大意見，但北行其實44除咗衰在行汝州街外問題唔算大，亞皆老街同埋旺角道一次過冇哂41同44係太過份。

仲有，41A班次係疏過44唔少，佢係食唔哂咁多人架，係唔係即係變相趕人落地底呢？

2076 發表於 2022-9-15 20:44
44 往何文田方向於青衣邨商場設有 $6.8 分段。
往青衣方向於協和小學設有 $6.8 分段。現有乘客唔駛加價。 ...

但44 咁改蝕死九巴又唔見得慳到車慳到錢，又或者會賺多左

但 43C 取消換 241X 可取
最差情況咪土瓜灣天光道，屈返上何文田

HB00610 發表於 2022-9-15 21:12
先講南行問題，你proposed 44青衣邨開個喎，即係一出總站掉頭出嚟第一個就變6.8？除咗搞到出面個巴士站亂 ...

一出總站掉頭加站同 41A 同站，青衣邨商場 $6.8，學 5 富山邨分段。希望青衣北就可以因為去何文田平左而放行。

44 北行行返亞皆老街會唔會解決到部分問題? 理論上行亞皆老街只係慢過太子道西少少。不過行太子道西原意係想停協和小學，方便 44 本身的旺東客。

事實上太子站同運動場道兩個站，本身已經覆蓋到 44 旺角北的客源，亦都唔算話係焗班客上 41A，但始終北行 41A 係快過 44 成 10 分鐘 (長安) / 20 分鐘 (青衣碼頭)。如果可以將 44 部分客分流返落去 41A，咁樣有利未來 41A 加班。