路線招標制度，是否應該以地區招標取代？

12Lane 發表於 2022-10-20 12:09
正正就係每間巴空公司都各懷鬼胎。不如以後開標就大家三口六面傾好條線，傾埋停站先去招，公平競爭。唔駛 ...

咁傾得，就不如索性玩澳門（？）/新加坡/倫敦運輸局果套，
全部巴士服務由官方，又或者整間類似港鐵嘅“港巴”策劃，
巴士公司只係出人出車。

如果係“港巴”去辦，佢同港鐵及其他交通嘅競爭可以幾大？
未必脫離到今日嘅框架。甚或同鐵有較大競爭嘅路線會比今日更少。

如果係官辦，未“完善”前嘅政府，
對服務真•完善嘅誘因又唔強。
或者好似英國國鐵咁，巴士公司除佐投官方設定嘅服務外，
仲可以有限度咁開“open access operator"嘅服務？

更大嘅問題係，若非封關，巴士尚算有利可圖。
開拓新服務雖受限，但自由度點都會比以上任何一個框架大。
巴士公司會否輕易讓利？

s3n370 發表於 2022-10-21 18:34
咁傾得，就不如索性玩澳門（？）/新加坡/倫敦運輸局果套，
全部巴士服務由官方，又或者整間類似港鐵嘅“港 ...

應該學台北NT$1280定期票可搭多間公司，然後統一跨公司加鐵路轉乘，再用路邊停車收費補貼公共運輸。

S3BL100 發表於 2022-10-20 21:57
無錯，呢個正正係小弟的構想

巴士公司唔係下下都有充份參與。將荃固然根據當日傳聞，係運署以厹區域重組 ...

問題係運署招標嘅目的係增加合理競爭，但以地區嚟招標會唔會減少甚至令競爭減少？而且衝突都會有，就好似你舉咗天北嘅例子咁，九巴中咗天北專營權但城巴中咗天水圍西隧線嘅專營權。咁喺你嘅諗法下應該係要俾九巴、城巴定再拎出嚟招標？會唔會同樣出現一水平過一水，同區附近新線都係無用食嘅情況？

運署劃線唔一定係好係事實，但運署要開線事前都係經顧問評估去唔同地區嘅需求。當然呢啲評估有幾準係另一回事，但亦都防止咗巴士公司為咗中標而開太多無謂嘅線。城巴可唔可以透過「重組」港島路線，開幾條經九龍去港島嘅線，去贏支標返嚟再拆線？

既然係要增加競爭，咁規模大嘅公司理應係無咁著數。因為路線多，成本有得攤開比較低，自然喺 BBI、價錢、路線重組下嘅派車更高分，因為呢啲都係應分嘅，咁樣又係咪變相向一區相對比較多線嘅公司傾斜呢？例如 78X 咁，喺你講嘅理想下，就算厹將條線改行觀塘道，但只要佢喺所有九龍線同北區線抽一部車，都會贏過城巴行全日巴士線都唔多兩條嘅偉業街？

當然相信無人覺得而家新區情況係好理想，兩間公司日日喺度打晒大交。而諗好條線轉頭就俾人拎出去招標都好似唔太合理。但如果以增加競爭嘅角度嚟睇，暫時喺度都未見到一個更好嘅方法。

s3n370 發表於 2022-10-21 17:52
歸根究底，招標嘅目的係引入競爭。

如果招標係如是計分，考慮資源整合，

所以我提出新區成區招標，比另一間公司開條接駁線（有限制），
區區有兩間公司行之餘又唔會影響中標果間既利益，
又吾使再左閃右避開d四不像出來

Choi 發表於 2022-10-21 14:36
如果開90A就唔好兜廣黃一城，應該經碩門去大學站甚至科學園/白石角做兩水客。 ...

閣下提議幾好

起碼當係開拓新市場（將軍澳來往白石角）

cruisesnet 發表於 2022-10-21 22:18
所以我提出新區成區招標，比另一間公司開條接駁線（有限制），
區區有兩間公司行之餘又唔會影響中標果間 ...

係，咁樣將南同啟德呢兩個屎水完全獨大就唔會再出現

天空之神 發表於 2022-10-21 18:07
90 290 290A 290X

90全日先算啦

290系行隧道先算啦

現階段=要黨鐵駁腳

ahken 發表於 2022-10-22 05:41
90全日先算啦

290系行隧道先算啦

290 坑口直出 ，直入隧道 同 山上山下觀塘道大戰唔講喇


90 唔會全日架啦咁平
旨在插旗避免對家 798 系進一步插入去

根本好似皇后山呢個情況， 78A 278A 78X 79X  都應該全部由城巴經營，現在就俾小氣狗搞亂檔

s3n370 發表於 2022-10-21 17:52
歸根究底，招標嘅目的係引入競爭。

如果招標係如是計分，考慮資源整合，

問題正正係而家路線招標制度，引入的係惡鬥而唔係競爭
如果前提係要畀巴士公司更多空間去理順，路線招標制度本身就為巴士公司發揮空間帶來極大局限，亦令有心搶線的巴士公司有晒門路可以捉，只要不惜工本就可以達到目的。然後運署又可以透過招標路線定線，甚至後續管理，例如唔批准對家個別路線加強服務，變相偏幫某一巴士公司，並且提供保護網。雖然暫時睇到最終結果係惡鬥，但距離真正做到相互制衡，似乎仍然好遠

當然我提出既諗法尚算相當初步，但點樣做得更好，點樣盡可能減少衍生的問題，正正係應該討論既課題。亦極同意師兄所言「係關乎運輸署响引入新公司後， 點樣去做好監管、把關、平衡嘅角色。 呢點絕對係藝術而非科學矣。」上面 cruisesnet 版友提出，對家唔中標都可以開辦一條符合某D限制既接駁線；呢個諗法，係有一定可取之處

而個人同時認為，如果採用地區招標制度，將「對周邊地區服務水平影響」納入計分標準，有助促進競爭之餘，亦可以減少因新區招標而令舊區被忽略甚至變豬頭⻣情況（我諗到既其中一個例子係安達臣接連開兩條尖咀線，令康盛翠林到今日依然無全日尖咀線）