路線招標制度，是否應該以地區招標取代？

castanopsis 發表於 2022-10-25 10:53
我覺得派78A俾九巴，長途線俾城巴，創造間接競爭，以大局而言係幾好既安排
但以皇后山人口，長途線龍山直 ...

認同，只係想比某間營運商提高勝算而懶得去諗。
如果比營運商自由劃線，九巴咪搵270C同D拉長，277A入皇后山，673開繁時支線，個套路根本都已經捉到。比城巴畫，咪又係畫番差唔多走線去確保客量，最多都係停站微調少少。最終個結果唔難估就係九巴只要入標條件唔太差就轉乘網絡贏晒對家；比對家中是但一條都走出黎嘈話踩親佢條尾，運吉到頭來自己拿屎上身，重演亂局。結果冇變嘅話，政府取態冇變嘅話，點樣轉招標方式都只係一場大龍鳳，咁不如一早判晒比一間，唔駛懶係野走程序。

s3n370 發表於 2022-10-25 08:26
運輸署推出嚟嘅路線未必係理想。
但你又諗下，巴士公司只需要顧掂自己，
條線有得做、資源搞得掂已經差不 ...

大部分同意，部分不同意。

雖然贏左就有改線的可能，但一落左地先再去改，難度一定高過一開始就畫得好地地唔少，至少唔可能成個網絡推倒重來。至低限度，到時會有一班既得利益者同持份者，包括地區、乘客、其他營運商

反對理由唔一定合理，但作都作到千萬個，例如又有人要總站上車、唔想兜路、唔想無位坐，足以成為改線阻力

所以城巴 22 呢類非繁好明顯唔夠客既路線，可見將來都要繼續全日燒錢；康翠翠林畀人架空左兩次，可見將來要有全日線落尖沙咀都唔容易

好老實，如果路線招標制度真係執行得好完美、運署唔會亂畫唔合理既走線、無招惹偏幫個別營運商既嫌疑、無出現一日一班車都足以插旗阻礙對家改線既情況，都未必有必要重新檢討。但問題而家好明顯唔係咁

至於平衡唔同持份者、道路流量，諸如此類，我傾向認為，就算只列出基本要求，畀巴士公司自行發揮，亦唔係無可能做到。當然又返到去標書 marking scheme 問題，我好同意做多幾次就可能會有唔少人識得捉路

但唔代表一定有標準答案。我傾向相信，一個問題往往有好多唔同解決方法。總有一D野有瞎子摸象成份，就算對住同一堆 data，uncertainty 都足夠令 outcome 個 range 好大。但同現實入面既 science / engineering 一樣，有D野其實連數都唔駛計，只要憑少少常理、經驗同直覺，已經知道一定係唔 make sense 的

castanopsis 發表於 2022-10-25 10:53
我覺得派78A俾九巴，長途線俾城巴，創造間接競爭，以大局而言係幾好既安排
但以皇后山人口，長途線龍山直 ...

皇后山算唔錯㗎啦，衰極有78A可以揀下

你睇埋啟德同將南調景嶺？

S3BL100 發表於 2022-10-25 20:57
大部分同意，部分不同意。

雖然贏左就有改線的可能，但一落左地先再去改，難度一定高過一開始就畫得好地 ...

22 定位本來就已經係社會責任
郵輪碼頭又唔係機場密密有機到
但燒錢點解要巴士公司自己燒？

ahken 發表於 2022-10-25 21:13
皇后山算唔錯㗎啦，衰極有78A可以揀下

你睇埋啟德同將南調景嶺？

啟德區都算唔錯啦。起碼都有以下九巴線：
啟晴、德朗、工貿署：5A、5M、24、108
啟晴、德朗、承啟道：5D
跑道區、郵輪碼頭：5R

KE7066 發表於 2022-10-25 21:47
22 定位本來就已經係社會責任
郵輪碼頭又唔係機場密密有機到
但燒錢點解要巴士公司自己燒？ ...

22得唔得就唔知，但佢個仔22M繁時就真係頂晒閘仲有唔少加班車。跑道區一日唔重提輕軌，一日唔比搞村巴，22系長遠一定係有得做。講營造良好環境比城記，講真運吉做到盡啦，再做就真係太多。

12Lane 發表於 2022-10-25 22:08
22得唔得就唔知，但佢個仔22M繁時就真係頂晒閘仲有唔少加班車。跑道區一日唔重提輕軌，一日唔比搞村巴，2 ...

啲地盤工人見車就上架啦，22 22M 5R 86 全部都爆
問題係呢個境況入伙後仲頂唔頂到？

KE7066 發表於 2022-10-25 23:40
啲地盤工人見車就上架啦，22 22M 5R 86 全部都爆
問題係呢個境況入伙後仲頂唔頂到？
...

成個跑道區起晒樓人口仲多過皇后山，果堆所謂豪宅車位仲要唔係多，假設跑道區冇村巴，繼續焗人搭巴士，22M第時再生仔直行承豐道出啟德站，塞車風險又低過5R，咪成為大家口中最肥嘅最直接地鐵接駁線囉。

leefung 發表於 2022-10-21 11:26
呢D冇得比
用城隧去大西北比

263係幾乎全程特快，269D只有元朗去沙田係特快，天水圍嗰段嘅里數係廢嘅，係區內線來。

castanopsis 發表於 2022-10-25 10:53
我覺得派78A俾九巴，長途線俾城巴，創造間接競爭，以大局而言係幾好既安排
但以皇后山人口，長途線龍山直 ...

但278A皇后山仲上得多過聯和墟。。。同埋龍山直出好似受歡迎啲
278A最有優勢
但皇后山上得仲少過78X 79X