膠液廣場吹水料之九世發篇

鴨脷洲黃竹坑海公，搭鐵入荃灣又快又方便。

近荃西嘅就東鐵加屯馬，葵芳葵興大窩口荃灣市中心嘅，紅色線一直過。

雖然係站站停，逼人，但係車程快，價錢平 (南荃線冇乜可能收地鐵價$14.3掛？)，班次密，覆蓋範圍廣，南荃線唔駛諗入呢啲區域，只係燒油。

冇地鐵覆蓋嘅香港仔，華富，薄扶林，首先香港仔搭小巴落黃竹坑轉鐵仲快；且南荃客流集中在繁時。我相信繁時靠瑪麗港大 (或者可考慮入埋數碼港) 可以打爆南荃，但我唔信非繁呢條線有幾大作為。因為沿路比起南荃吸引嘅交通甚多。

城記做，一日四班限時限刻，純粹方便唔想轉970X、想全程舒服有位坐嘅乘客，城記做只係為左保住個地頭，冇乜新客增長。

九記做，雖然戰略意義好似好大，殺入薄扶林道插旗，方便月票黨；但係九記做都唔敢做大，因為繁時以外，呢段路好難湊夠客去荃灣。情況就好似971咁，一種食之無味棄之可惜嘅矛盾。

九記或者會較願意開多啲班次，入薄扶林道插旗；但係九記唔係傻，開全日真係得不償失，因為中段隨時開一班蝕一班。如果中段開30分鐘或者1個鐘一班，亦都難以吸客，不如我快快手搭970系轉車仲好？

所以九記做嘅話，都唔駛太高期望，我諗呢條線，都只係FF下繁時九記派十班八班車去薄扶林道就算，佢應該唔會癲到開全日燒自己油。

le914 發表於 2022-10-29 09:36
鴨脷洲黃竹坑海公，搭鐵入荃灣又快又方便。

近荃西嘅就東鐵加屯馬，葵芳葵興大窩口荃灣市中心嘅，紅色線一 ...

本身唔招標的話，城巴可以收盡 $22.3，咁就有誘因搞全日 upgrade 瑪麗轉車客，順便綁死佢地搭 952 962 967 969 入大西北。(提供轉乘)
宜家玩招標，城巴收唔到 $22.3 的話，就好肯定會係繁時止步。

九巴搶到，其實好大機會要落足轉乘，結果都係冇乜車費收入，但係綁到班客轉 960 961 968 978 入大西北。(月票)

dennis28a 發表於 2022-10-29 03:30
最後要低價搶標反而係對家。

雖然日日鬧黃橙巴蠢，根本一早就開左佢咪唔洗搶標，

我反而想紅巴投到，南區人不滿意黃橙巴服務很久，找紅巴救救南區，同時方便月票客好過。

2076 發表於 2022-10-29 09:46
本身唔招標的話，城巴可以收盡 $22.3，咁就有誘因搞全日 upgrade 瑪麗轉車客，順便綁死佢地搭 952 962 96 ...

北行Upgrade左瑪麗轉車客，但南行西隧口轉970/X/973果班蝕番晒…
講真，喺班客而家都唔怕西隧口比八蚊上970嘅前題下，所謂香荃對巴士公司誘因唔算大。就連自己城記西隧線轉番973/新記970都唔肯比額外優惠，要做優惠一早西港島通車就做左，擺明就係唔肯斷條財路。

2076 發表於 2022-10-29 09:46
本身唔招標的話，城巴可以收盡 $22.3，咁就有誘因搞全日 upgrade 瑪麗轉車客，順便綁死佢地搭 952 962 96 ...

屯門、元朗、上水過薄扶林南區客，其實就算係唔係九記做南荃，佢地買月票搭960/961/968/978，再比錢轉970系，本身已經平過唔買月票一截。

呢批客要買月票本身已經買左，所以九記做南荃，只係令佢地多左個唔駛補錢都可以到南區嘅option，但唔見得會多好多人再落入月票綑綁。

對九記而言，呢批客嘅南區段，無論搭南荃定係970，本身已經都係咁賺，唔會對月票銷情再增加幫助。

南荃對城巴而言，只為保住地盤；對九巴而言，只為插旗，增加南區服務話語權，但唔見得有好大著數。

le914 發表於 2022-10-29 09:36
鴨脷洲黃竹坑海公，搭鐵入荃灣又快又方便。

近荃西嘅就東鐵加屯馬，葵芳葵興大窩口荃灣市中心嘅，紅色線一 ...

站站停/轉兩次車都叫又快又方便，唔係呀嘛
同你喺隔離帖對795X睇法分別都未免太大
你後面話班客都係由970/970X轉車出黎就有啲道理
但唔影響九巴入去插旗爭客，甚至可以話製造誘因

LN9267 發表於 2022-10-29 11:02
我反而想紅巴投到，南區人不滿意黃橙巴服務很久，找紅巴救救南區，同時方便月票客好過。 ...

其實南荃對九巴有戰略價值
既有救世主個格去爭取支持，又可以喺匯達全攻新區嗰陣火燒後欄
只不過要睇運署究竟肯唔肯畀九巴喺荃灣市中心開過海線啦

12Lane 發表於 2022-10-29 11:18
北行Upgrade左瑪麗轉車客，但南行西隧口轉970/X/973果班蝕番晒…
講真，喺班客而家都唔怕西隧口比八蚊上9 ...

條973個價錢牌都大把客原價上西環落，但係去埋荃灣又唔係可以收雙倍價錢，可以話誘因大極有限。973自己都會睇住無客時段係咁CUT，就算九巴入都未必想全日。

Ricky403 發表於 2022-10-29 12:33
其實南荃對九巴有戰略價值
既有救世主個格去爭取支持，又可以喺匯達全攻新區嗰陣火燒後欄
只不過要睇運署 ...

好奇如果九巴開叫乜號碼？940：荃灣至香港仔（經華富）？

Ricky403 發表於 2022-10-29 12:26
站站停/轉兩次車都叫又快又方便，唔係呀嘛
同你喺隔離帖對795X睇法分別都未免太大
你後面話班客都係由970 ...

哦，好簡單：

795X旺角油麻地出發，行東九龍走廊觀繞直入將軍澳；地鐵就向石硤尾黃大仙鑽石山果邊先兜一個圈，地理上冇795X咁直接嘛。

同埋795X係用新走線去吸客嘛，旺角油麻地一直得條特慢流水線93K咁方式入將軍澳，依家一過山谷道就上跑道；但南荃，無論城記定九記做，只係將原本930X (唔知南荃嘅荃灣段點行) 轉970X嘅客，變成一條過一氣呵成服務，但行嘅路線冇變過嘛。

南荃線，我假設黃竹坑出發，先兜香港仔薄扶林山道天橋 (假設佢唔落水街) 入西隧，跟住先過海快速路段到荃灣；地鐵就直出金鐘過海，然後九龍段站站停。

屯馬又好荃灣線又好，地鐵行嘅路線直接簡單嘛，衰在繁時人逼，打節扣囉。但巴士就向西兜左1/3個港島，可能要去到華富果邊，先開始比地鐵有時間優勢。

我同意南荃線，薄扶林瑪麗繁時需求大嫁，不過全日就真係唔好攪城巴九巴喇。搭巴士嘅有970轉西隧線，搭鐵嘅小巴轉黃竹坑 / HKU站，非繁時間乜都夠做。