九巴48X、86A減班

dubbies 發表於 2022-12-8 12:51
新發展區巴士公司ff下有新出行模式可以搶客 舊區固定甚至比鐵搶佢冇得出聲 最多話佢地唔夠主動 ...

係根本唔會諗辦法挖番舊區啲客返黎，覺得同搶新發展區客比係白費力氣
早年未有咁多新發展區嗰陣，施將軍做咗好多野寫哂成堆KPI，去嘗試救番盤數同班客
但係一到安達臣招標大獲全勝之後，就開始淨係掛住搶新區或對家客

da93 發表於 2022-12-9 00:20
慢就冇得減，快就要加，即係公字你贏字就我輸呢個道理，咁咪正正解答到點解今日越黎越多人捨棄巴士囉
...

其實有啲揸車/搭的/uber班人係收入多咗/公司有得claim所以搭
佢地唔係因為巴士服務削減而轉出行方式，掉番轉係因為公事周圍走可以claim或者有錢想買舒服而唔再搭巴士，所以巴士服務焗住削減

你用公共交通/服務嘅概念去營運，好自然係唔會serve到呢一班人，無論收$2又好$22都好
當然，反例唔係無，934非繁算係少數做到少少呢類客嘅線，但係海庭 (以致呢度部分站友) 支持佢開足成個日頭去方便班客咩？

顯外話
以沙田的情況來說,
舊邨人口老化係一個問題, 東鐵/馬鐵延長令到乘客改搭港鐵, 甚至令到一些看似不相干的路線客量也下降(例如49X)
總體巴士需求下降,但改線又似乎對應唔到問題(道路網問題,如埔公沙田段的樽頸),
有些天然盲眼位要補位(如:富豪花園)也阻止合理提速

區內走線合理又唔見得有客(現在的86A,縮線前的89B,客量走下坡的89)
最後自然諗縮數,用減班/變相加價解決問題

沙田區巴士線好似有明確分工, 不過受制於道路網和屋邨分布, 區內行車時間長,
馬鞍山線,廣黃為起點的城隧獅隧線,甚至是80,87B和286X都有依個問題

觀塘 荔枝角 九記認為返工客輸左比鐵 九龍城就更唔駛講 反而真係獨市流水客先係市區王道 白田 澤安 黃泥頭等無奈

Ricky403 發表於 2022-12-9 11:02
其實有啲揸車/搭的/uber班人係收入多咗/公司有得claim所以搭
佢地唔係因為巴士服務削減而轉出行方式，掉番 ...

我所指嘅亦包括晒如鐵路小巴等交通工具。
反而對的士/Uber等呢類，唔係我想表達嘅主要意思

arfung 發表於 2022-12-9 10:16
272P不夠快，但收費對比272E真係合理和平民化好多。其實當年272E開線收到咁貴，唔知點解區議會都過到關(對 ...

272E開線時攪優惠嘛

272P其實當年係快，當年基本上架車點兜，條路都唔會塞

Ricky403 發表於 2022-12-9 10:54
係根本唔會諗辦法挖番舊區啲客返黎，覺得同搶新發展區客比係白費力氣
早年未有咁多新發展區嗰陣，施將軍 ...

根本而家呢班唔當施將軍當年嘅方針係咩一回事，自然唔會去諗當中點解要咁做。佢地要以自己嘅方法做嘛，咪做堆屎出黎囉

一朝天子一朝臣嘛。

da93 發表於 2022-12-9 14:32
我所指嘅亦包括晒如鐵路小巴等交通工具。
反而對的士/Uber等呢類，唔係我想表達嘅主要意思

小巴其實都係狂加又經常欠人收車
同巴士大致係叮噹碼頭
喺荃葵反而令到部分頹嘅區內線重要性上咗

鐵路有政府錫住，可加可減又唔會考慮0066盈利，淨係用人工同通脹計，點會夠佢打
沙田呢啲區通完屯馬綫之後變成雙鐵，左右包抄，加埋人口老化夾擊，巴士都唔易應付
荃灣市中心同樣有雙鐵，不過勝在商業活動集中，發展密度高，所以好似30X咁就算同鐵路較多重疊都交到貨，沙田個規劃就較難咁做
反正有新發展區，難做咪唔做囉

Ricky403 發表於 2022-12-9 14:41
小巴其實都係狂加又經常欠人收車
同巴士大致係叮噹碼頭
喺荃葵反而令到部分頹嘅區內線重要性上咗

你小巴之所以狂加，係因為佢受物價帶動嘅影響的確比巴士來得犀利。

你專營巴士，尚有各項稅務豁免，小巴可以話乜都冇，而當一個小巴佬人工上到接近$600日時，佢推到咁已經係佔成本一個唔細嘅比例，但當然，人地比佢出手更高時，佢一樣難請人。

所以呢d就真係結構問題黎。

一條808，疫情前一日搵6萬，而家唔見大約三份一，但呢舊錢係靠廿幾架車搵番黎，其實計收入，唔好得過你巴士。

Ricky403 發表於 2022-12-9 10:54
係根本唔會諗辦法挖番舊區啲客返黎，覺得同搶新發展區客比係白費力氣
早年未有咁多新發展區嗰陣，施將軍 ...

同新發展區比，舊區直情係服務過剩