為何背景類似的E11系列和269/8B再鐵路通車後命運不同？

PF2802 發表於 2023-1-31 23:11
唔使講經，比個數字我

btw我覺得搵你會專業過搵顧問公司

https://www.legco.gov.hk/research-publications/chinese/1920issh05-land-based-cross-boundary-passenger-trips-20191101-c.pdf

2018-2019年透過9個陸路口岸出入境為2億3600萬人次，當中有2%係使用港珠澳出入境，計番出黎，係四百七十二萬人次，而呢個數字亦涵蓋至2019年（立法會秘書處刊出日期為2019年11月）。
同時，晌呢個數字節錄嘅時期，經港珠澳同高鐵呢兩個口岸出入境嘅比例同為2%。

而晌2019年上半年，反修例運動初起嘅時候，用港珠澳嘅客量冇明顯變化，就算去到2019年6月及7月，即反修例運動白熱化時期，港珠澳用量亦由一百六十多萬人次，上升至一百八十多萬人次。而文件中亦表明，到2030年預期嘅日均客流量係12萬6千人次。

另一幅圖去睇，透過9個陸路口岸旅客出入境嘅旅客來源地，有62%係香港居民。


https://www.hongkongairport.com/tc/media-centre/press-release/2019/pr_1321

我節錄出黎：

香港國際機場 2018 年交通量錄得持續增長，三項航空交通量均創下年度新高。年內，機場客運量為 7 470 萬人次，飛機起降量達 427 725 架次，分別按年上升 2.5% 及 1.7%。貨運總量亦同比增加 1.5% 至 510 萬公噸。


至於三跑系統完全落成後，會發生咩事？中聯辦為此就寫左好大篇野：

http://www.locpg.gov.cn/jsdt/2022-11/28/c_1211704903.htm

你可以唔理佢點樣打飛機，但佢講到嘅數字係：

2024年預期客運量1億2000萬人次，貨運量可達1000萬公噸

當然，撇除按年下滑嘅出入口貨運，淨講客運量，佢嘅預期係比2018年多4000多萬人次，而除非你假定大陸嘅不明朗因素仍然要持續到出年，經濟潰敗繼而影響本身果36%大陸旅客數字，可以嘅，只係我唔知你可以點樣推敲啦，甚至乎，所謂Hong Kong is back你係點理解囉！

而且，2024年，即係出年，我當政府打得響，真係所有野都復常，三跑又攪掂，我又當機場增長嘅客量唔多，7000幾夢變9000幾萬，你敢保證堆巴士線唔會出問題？

da93 發表於 2023-1-31 23:47
https://www.legco.gov.hk/research-publications/chinese/1920issh05-land-based-cross-boundary-passeng ...

我重複我嘅問題：

請你講吓***受到你所講嘅情況影響嘅旅客***，個數字係幾多

PF2802 發表於 2023-2-1 00:29
我重複我嘅問題：

請你講吓***受到你所講嘅情況影響嘅旅客***，個數字係幾多

如果以立法會俾出呢個數字睇，統計期內，因港珠澳口岸啟用而大受影響嘅人，其實係三個經水路連接嘅口岸，就算只講日均用量，即65000人次去睇（每月平均值則係165萬-222萬）被港珠澳瓜分出黎，即原由水路改用港珠澳出入境嘅人次，單以信德中心同中港城，跌幅各自為28%-29.4%（與2017年同期比較），亦即係話，城巴呢堆A線嘅客量增長，其實絕大部份就係呢班人轉投而出現，你想像下個別一兩條巴士線無啦啦需要處理多接近三成客，你會點？

就算我話將佢獨立分拆一條巴士線去做，三成客係佢基本盤，其他嘅問題，就係你香港仲有幾剩餘價值吸引人訪港了。


而機場果度，我簡單d啦，7400多萬除番365日計，每日講梗大約20萬人次，每日港珠澳就65000人次，到底誰影響誰？不言而喻吧！

樣樣你都唔想知，又保證唔到，即係點？

da93 發表於 2023-2-1 00:54
如果以立法會俾出呢個數字睇，統計期內，因港珠澳口岸啟用而大受影響嘅人，其實係三個經水路連接嘅口岸， ...

小弟不才，完全唔知你講嘢之間有咩關連，更加唔知你想表達乜嘢
可否簡短咁比個實際數字我？
先唔計你勁好笑咁假定嗰班客去哂「個別一兩條線」
當你計嗰三成客喺大橋通車後18-19出現，
嗰陣A線有冇死？邊個影響到邊個？
旅客訪港價值跌成點？機場有冇清零？

另外唔係由我保證冇問題，而係由你保證有問題
同你講耐啲都覺得自己有少少白癡
一條巴士線兜多個port都可以比你講到什麼訪港價值

PF2802 發表於 2023-2-1 01:18
小弟不才，完全唔知你講嘢之間有咩關連，更加唔知你想表達乜嘢
可否簡短咁比個實際數字我？
先唔計你勁好 ...

攪清楚，我係冇將疫情呢個時期計算入去，係以整個市面及經濟完全正常下去睇呢條數，所以唔會存在你講A車客量有冇清零呢個問題。如果你詳細睇過立法會果份文件，應該唔會咁樣問我的。

而信德中心同中港城呢兩個水路口岸，所在之處不正正是城巴機場網絡所在嗎？

同埋講左咁耐，只係用作解釋2018年至2019年上半年間，即你所講嘅「有客」呢個時期，到底客從那裡來，你想要嘅數字，不如我簡單d計啦，港珠澳晌統計期內，佢個平均值大約193萬，壟統咁去計番28%同29.4%，其實大約數字唔難估計吧？

當然，你可以爭議以前用呢兩個水路口岸嘅人，本身唔一定係由港島出發，亦唔一定用到城巴嘅服務，呢點我同意的，但屯門跨境碼頭亦跌左大約19%。

同埋，機場交通本身就係旅客接觸一個地方裡面，首要接觸嘅事物，如果唔係點解咁多年巴士公司都要強調佢地個機場服務？唔係淨係講架車有幾靚，係講成個形象同體驗，不論巴士，定係鐵路系統，以至轎車酒店車，全部都係咁講梗佢地個品牌形象，以至旅客體驗。

當然，或者晌你嘅角度講，機場個用途咪又係攞黎出入境，其實大概整到羅湖商業城咁一樣可以做出入境功能的，駛乜咁靚咁重視旅客使用機場嘅體驗？

而作為公共政策嘅其中一環，如果旅客唔黎，俾唔到經濟效益香港嘅，你巴士公司仲可以點從中取利先？不正正講梗「有客」同「冇客」嘅問題嗎？

去到2023年嘅今日丫，旅客訪港價值跌成點？你睇由0+3，去到0+0，香港機場計，香港居民出境外遊人數仲高過訪港旅客人數，農曆年間計大陸旅客分佈，澳門日均四萬香港萬幾，其他野真係仲要我講落去？
最後，想講嘅係，如果你企晌巴士迷，或者巴士公司角度去諗，有客加車，冇客唔俾車落去，當然好簡單，但就唔會見到更深層嘅問題。

da93 發表於 2023-2-1 01:32
攪清楚，我係冇將疫情呢個時期計算入去，係以整個市面及經濟完全正常下去睇呢條數，所以唔會存在你講A車客 ...

唔好講經啦，數字呢？我一直講緊冇疫情嘅情況喎。我講清零係回應緊你講到呢樣嗰樣有咁多負面影響之下，點解仲未清零。既然你知仲有鐵路酒店車等等選擇，咁你係點得到三成客去哂嗰一兩條線嘅定論？就算兜大橋又點影響訪港訪客體驗？我去尖沙咀要兜海麗邨有冇影響訪港旅客體驗？入選到全球十大最佳旅遊城市嘅條件係咪要機場巴士夠直接？排第一嘅奧克蘭有咩過人之處？你覺唔覺得自己好好笑？


回歸起點，其實你講幾多廢話都改變唔到睇一睇機就知道多客少客呢個客觀事實㗎啦，一味打論文托咩

PF2802 發表於 2023-2-1 02:03
唔好講經啦，數字呢？我一直講緊冇疫情嘅情況喎。我講清零係回應緊你講到呢樣嗰樣有咁多負面影響之下，點 ...

你可以話多出果三成客唔用巴士嘅，或者唔用城巴嘅服務，但如果係咁，又點解釋前面有人講到「巴士公司已不斷派車做特別班次處理大橋龐大客量」呢一點？尤其是當時佢講嘅亦都係針對梗城巴當時個安排而講。

睇機代表乜野？代表果日巴士公司做左好多客？但睇機會唔會話俾你聽旅客來自海外定大陸？

人地入選十大最佳旅遊城市當然有佢個人之處啦，但如果講十大最佳機場呢？攞黎出入境嘅野選黎做乜？

da93 發表於 2023-2-1 02:06
你可以話多出果三成客唔用巴士嘅，或者唔用城巴嘅服務，但如果係咁，又點解釋前面有人講到「巴士公司已不 ...

應該由你證明返比我睇，呢堆特車只服務你口中嗰三成客量，或者嗰三成客量只揀A線嚟搭

屎水做到咁差搞到冇客嚟說唔到香港故事，搞到香港個朵臭哂，間接違反國家法，幾時上門拉人封艇？

入選十大包唔包巴士服務做計算指標先？你講到可以影響訪客體驗咁嚴重，唔講仲以為香港搭車搭到好似印度咁坐車頂

PF2802 發表於 2023-2-1 02:17
應該由你證明返比我睇，呢堆特車只服務你口中嗰三成客量，或者嗰三成客量只揀A線嚟搭

屎水做到咁差搞到 ...

嗯，咁市區過港珠澳，尤其是上環同尖沙咀，巴士路線計除左A車還有甚麼？
我晌上面亦同你講左一個可爭議而我又不能反對嘅地方就係，以往用信德中心同中港城出入境嘅人，佢地可以並非由港島出發。

普通一部巴士嘅三成載客量其實都講梗四十幾人，更遑論果d用作A車用途，咁豪裝嘅巴士載客量冇普通巴士咁高

而，最佳機場投票時，的確需要就公共交通評分，而佢亦都同的士分開左。


仲有，好簡單咋嘛，如果一個旅客唔止黎香港一次嘅，你話機場巴士令佢有唔良好嘅體驗，冇錯，的確唔會令佢從此唔再黎香港，但佢再黎香港時，仲會唔會選擇機場巴士出市區就係另一個問題囉（話時話我前面N版都係講梗呢樣野咋喎）

da93 發表於 2023-2-1 02:06
你可以話多出果三成客唔用巴士嘅，或者唔用城巴嘅服務，但如果係咁，又點解釋前面有人講到「巴士公司已不 ...

你拎返特車出黎講就啱
點解巴士公司主打係開特車唔係直接加編定班次甚至拆線？

唔洗你答我，麻煩你睇埋我前幾頁講咩，唔好引一半唔引埋剩底果節