北港島線 東九龍線 最新項目進展

mak5052 發表於 2023-3-14 18:13
如果鑽隧道的話, 或者東九龍線即使用雲巴亦仍然可以入將軍澳? (沿將隧並排興建一條向下斜的隧道, 利用將 ...

無錯，甚至連康盛和翠林都可以各自整一個站

交椅洲接駁港島鐵路　當局考慮於堅尼地城站增轉乘站

https://news.rthk.hk/rthk/ch/component/k2/1690134-20230302.htm

「交椅洲綫」傾向加建堅尼地城轉車站，絕口不提任何自港大站東延的方案，可見港島綫其餘各站擴建成轉車站的機會甚為渺茫

如是者，「交椅洲綫」通車後，早䌓時段，來自內地、北都、新界西、交椅洲，數以十萬計的乘客必定於港島綫首站打爆每班列車，來自東涌綫、荃灣綫、東鐵綫於中環、金鐘轉車的乘客，只能在「交椅洲綫」乘客下車後空出的夾縫中迫上車，情況甚至比北角站更為嚴峻，咁樣「東將綫」分流港島綫的作用就更為重要，不得不與「交椅洲綫」同步興建通車

helloabc 發表於 2023-3-18 13:16
交椅洲接駁港島鐵路　當局考慮於堅尼地城站增轉乘站https://news.rthk.hk/rthk/ch/component/k2/1690134-20 ...

交椅洲三島人口預計有五十萬 (規模接近沙田區), 自己反而諗西部外走廊會不會頂唔順? (交椅洲島內線, 西北區以至往返廣深沿江地區的客都會坐西部外走廊入港島)
或者青洲過海通道應該要四軌化? (交椅洲島內線由港島線 / 北港島線延伸至交椅洲三島取代 (西部外走廊不在堅尼地城設站))
另外, 昨天在東涌參觀交椅洲人工島展覽時已經寫了份意見書, 建議西部外走廊深入港島中區, 以及重新考慮深水埗至交椅洲通道
附: 自己 FF 過的港島線+交椅洲島內線 (圖一) 及西部外走廊深入港島中區之構想走線 (主要參考沙中線維園方案)

helloabc 發表於 2023-3-18 13:16
交椅洲接駁港島鐵路　當局考慮於堅尼地城站增轉乘站https://news.rthk.hk/rthk/ch/component/k2/1690134-20 ...

唔知0066係咪睇中咗西環邨塊地起上蓋？話哂西區無乜大型倒模商場，又少有咁大塊地。

堅城站北面嘅市政大廈同南面嘅觀龍樓都唔年輕，咁啱係時候要重建都唔出奇，如果改做雙島式月台過對面轉港島綫，都係幾方便嘅選擇。

交椅洲綫走線咁方便，洪水橋站出發，只經屯門東、欣澳、兩個交椅洲站，共四站直達堅尼地城，有機會同層跨月台轉乘港島綫，仲要係首站上車可能有位坐，然後十分鐘內到中環金鐘，唔使行香港轉中環站通道，咁樣一定吸引大批西鐵以至東涌綫沿線(屯門至元朗段、東涌西至青衣段)，同埋搭開西隧過海巴士的乘客轉搭，加上前海大灣區過境客，交椅洲島上居民，唔知交椅洲綫同港島綫係咪要開到一分鐘一班先至夠載

helloabc 發表於 2023-3-19 16:28
交椅洲綫走線咁方便，洪水橋站出發，只經屯門東、欣澳、兩個交椅洲站，共四站直達堅尼地城，有機會同層跨月 ...

而家屯馬綫掃哂屯元天再搭荃灣西，過海去香港站需求只係12-15分鐘一班八卡車嘅程度
東涌綫東涌欣澳兩站就直頭係20+分鐘一班八卡車先會單靠過海客都可以塞爆
除非屯門北嶼有大量人口增長兼夾西區大量新增就業，否則夾埋都只係7分鐘一班八卡車先塞爆

helloabc 發表於 2023-3-19 16:28
交椅洲綫走線咁方便，洪水橋站出發，只經屯門東、欣澳、兩個交椅洲站，共四站直達堅尼地城，有機會同層跨月 ...

東涌線轉一次, 欣澳轉交椅洲線轉1次, 去到堅城再轉1次,

你真心認為好有吸引力咩？

leo_ku 發表於 2023-3-20 17:12
東涌線轉一次, 欣澳轉交椅洲線轉1次, 去到堅城再轉1次,

你真心認為好有吸引力咩？

吸引度係其次，分流同resiliency都係考慮因素
例如青馬一死就可以轉落去ELM過海

巴士的膠 發表於 2023-3-19 15:27
唔知0066係咪睇中咗西環邨塊地起上蓋？話哂西區無乜大型倒模商場，又少有咁大塊地。

堅城站北面嘅市政大 ...

重建事小，點樣由KYC個條海底隧道上返明挖隨填嘅KET先係問題
會唔會太斜上唔到？

10年前顧問方案講緊係觀龍樓西南面地底起島式車站，再用轉乘通道連接KET

eternalflame 發表於 2023-3-20 18:25
重建事小，點樣由KYC個條海底隧道上返明挖隨填嘅KET先係問題
會唔會太斜上唔到？

我覺得起唔到堅城站仲好，中途少得一個得一個站，呢條線成唔成功分流到大西北出港島，時間因素好關鍵。
希望佢洪水橋去港大可以20分內搞得掂。港大可以行紅磡式上下轉乘就最正。