[配合241X] 建議 6F 及 18 合併，轉型為 QE 社會責任線

castanopsis 發表於 2023-3-11 01:52
我唔排除短視既九巴會用241X斬18
但斬完之後，241X就攬住一個無乜客既獨市位過世
條線定位本身模糊同仲有 ...

其實重點有啲錯左，6F 18 合併就正正係用來塞住議員把口，用 5 部車解決晒成個九龍西的醫院線問題，放返重組空間比 30X、6C、12A 等路線，根本唔係用來改善何文田的服務。如果議員/地區意見可以 ignore，6F 邊駛兜出富昌邨，30X 又邊駛整回水機，6F 亦都可以直接殺唔駛補償，6F 沿線，荔枝角道(麗翠)同富昌邨都冇車去 QE，而 QE 亦都係得 30X 來往黃埔。九巴現時對市區的態度根本就係 cut 車而唔係改善服務，只係諗下有乜方案係 cut 到車而唔會對現有乘客影響最大。18 班次唔穩定根本唔重要，正如 2D 脫到 2 個鐘都冇車都冇人會 care。18 重組之後叫做係擺何文田，出城的班次係會穩定左，亦都做到夾時間搭車去黃埔的行街客，以及由何文田去 QE 的覆診客，回程有購物專車，以及覆完診唔駛準時回家，變相班次不穩唔重要。而 18 做到去何文田方向脫晒班正是希望做的事，如果唔係逼唔到旺角落紅磡的客走去坐 6C。

241X 的問題其實好睇九巴內部的取態，在現時我見唔到有青南青北反轉走線再直插尖沙咀入紅土的可能性，可能九巴都係諗住比佢做全日大角咀特快算。講得出 6F 18 合併，其實前提就係九巴唔諗住再大改 241X。

其實搭得 18 落旺角的，好多都係老人家，後生的一早行晒落去或者上晒小巴。無論 18 做得幾好，都只係得執雞之用，倒不如放棄落旺角的市場，$2 客願者上釣 45 / 241X 算。

再諗深啲，如果 45 + 46 真係想玩 45 飛旺角 + 46C 的組合，其實宜家都已經可以直接做，6F 18 的重組根本無關，因為來往旺角仲有條 241X 頂住。不過我對於長深荔客會死等 45 特快唔樂觀，45 + 46C 的組合，九巴只會肯各開 30 分鐘一班，因為底線係麗瑤祖堯一個鐘只能有 4 班車。要 45 開到 20 分鐘一班，其實得殺 46 先可以做到，但係殺 46 就一定要 45 做埋旺角。咁我會寧願 45 開 20 分鐘一班，用最少資源做麗瑤祖堯來往油尖旺。45 冇 46 咁廢的主因，係因為 45 的長深荔路段都執到客，但係 46 係完全執唔到的。另外咁樣做，其實都係犠牲左荔景山來往深長荔的客，由原本 15 分鐘一班車，變成得返 30 分鐘一班的 45 。

42 本身做唔到荔景來往長深荔的角色，因為轉短車唔夠載，兜上麗瑤祖堯同時倒走晒成個葵青劇院的客倉，唔建議麗瑤祖堯用呢條做得還可以的 42 去做，綁死 42 的潛力。

6C + 46 的車再拆一半班次比 46C，青山道落去紅磡剩返的客硬食疏車，都唔係好的方案，同埋 46C 荔景山加美孚跑西廊去紅磡，美孚有屯馬綫，去紅土連車都唔駛轉，美土紅 van 20 分鐘都坐唔滿 16 人，又點會有客肯等 30 分鐘搭 46C。九龍西來往紅土的市場，自從屯馬全通之後，已經萎縮左好多，九巴有車，開 X6C 搶客先啱佢口味。未來重組方向，只係諗點樣可以 cut 車 cut 得冇咁難睇，將啲車諗辦法借荔景山/何文田過橋，實際上係做緊其他有潛力的市場。

至於 2 / 6，我都諗漏左仲有條 31B，咁其實對調走線都冇大問題的，至少效率真係提升左好多。6 改行興華街出荔枝角道，2 改行青山道，其實就完成。2 同 6 唔會一齊擺蘇屋。至於 6C 本身貴過 6，盈暉臺又有 45 去紅土，緊係會留 6。不過盈暉臺去青山道的問題，就難搞少少，可能要將 42 / 46 擺入去青山道先搞得掂。

2076 發表於 2023-3-11 03:09
其實重點有啲錯左，6F 18 合併就正正係用來塞住議員把口，用 5 部車解決晒成個九龍西的醫院線問題，放返 ...

覆完診唔需要趕返去唔代表要喺巴士站日曬雨淋下話?到最後都係嘈
如此定線當人傻嘅咩

而18落旺角畀小巴搶客，有嘅都好多老人家
地獄啲講，落旺角街市唔一定畀$2，但係要由何文田搭車去QE更接近全車$2

反建議新18由黃埔/紅碼開出->何文田->旺角街市->跟#1走線至QE後返回總站
開多架8H何文田->黃埔->QE->何文田
只需要多一架車已經皆大歡喜

1181174166 發表於 2023-3-11 15:25
覆完診唔需要趕返去唔代表要喺巴士站日曬雨淋下話?到最後都係嘈
如此定線當人傻嘅咩

拆 8H 出來，如果開 60 分鐘一班，其實就唔駛加車都得，因為 18 理順走線，由黃埔開車可以減 1 部車出來，而 8H 走線一個循環連休 60 分鐘搞得掂。


8H 我理想的走線係 何文田邨 --> 愛民 --> 紅磡 --> 黃埔 --> 紅磡灣 --> 紅磡站 --> 加士居道 --> 彌敦道 --> 窩打老道 --> 愛民 --> 何文田邨。

只係黃埔去 QE 肯唔肯得返 60 分鐘一班車呢個問題。可能你所講的加 1 車，係加比 8H 開 2 部車。

不過開 8H 仲有個好處，就係兜埋廣華可以再研究放返 8 出來。

2076 發表於 2023-3-11 23:53
拆 8H 出來，如果開 60 分鐘一班，其實就唔駛加車都得，因為 18 理順走線，由黃埔開車可以減 1 部車出來， ...

關於拉埋8落水，有諗過九龍站上何文田改經衛理道，但係就到廣華......
反而仲有條7B未諗

1181174166 發表於 2023-3-12 00:06
關於拉埋8落水，有諗過九龍站上何文田改經衛理道，但係就到廣華......
反而仲有條7B未諗 ...

8 其實我係想佢改 九龍站 <--> 尖沙咀 <--> 尖東 <--> 紅磡 <--> 何文田 循環，廣華佐敦比晒 8H 去做。唯一盲點位就係廣華返紅磡。8H 做無限循環就解決到問題。

7B 最正路都係縮短去愛民轉循環，直接擺爛。至於九龍塘學校區來往紅磡，我會諗 2D 同 12A 交換總站，https://www.hkitalk.net/HKiTalk2/thread-2164782-1-1.html，12A 改上去澤安，經學校區，紅土來往南昌一帶，用 12 / 241X 去做。

2076 發表於 2023-3-12 00:13
8 其實我係想佢改 九龍站  尖沙咀  尖東  紅磡  何文田 循環，廣華佐敦比晒 8H 去做。唯一盲點位就係廣華 ...

油麻地<>何文田靠8H?要多幾架車好喎
九龍站去何文田經尖沙咀慢好多

1181174166 發表於 2023-3-12 00:38
油麻地何文田靠8H?要多幾架車好喎
九龍站去何文田經尖沙咀慢好多

將 8 理順返走線，何文田又只係行一次，其實慳到好多車比 8H。

九龍站去何文田，8 差唔多獨市，慢少少都冇辦法。

2076 發表於 2023-3-12 00:46
將 8 理順返走線，何文田又只係行一次，其實慳到好多車比 8H。

九龍站去何文田，8 差唔多獨市，慢少少都 ...

並沒有
只係左手交右手，8過8H，但係一樣30分鐘一班
唔改好過改

1181174166 發表於 2023-3-12 01:11
並沒有
只係左手交右手，8過8H，但係一樣30分鐘一班
唔改好過改

不過 8 的營運效率低，其實都係要整頓...... 何文田去尖沙咀個個走晒去搭小巴 8 了。

2076 發表於 2023-3-12 11:53
不過 8 的營運效率低，其實都係要整頓...... 何文田去尖沙咀個個走晒去搭小巴 8 了。
...

就唔係九龍站開出兜尖沙咀，而係諗尖沙咀同何文田之間加快車程
或者咁諗，如果擴大8H營運範圍做埋漆咸道南⋯⋯