今日老龍又又又爆TA！

因交通意外，龍翔道(往觀塘方向)近天馬苑的部份行車線封閉
截至0850時，龍尾已到呈祥道近青沙公路
市民請留意電台/電視廣播的最新交通情況。
市民請留意九巴服務會受影響。前往九龍東一帶的市民請考慮使用其他公共交通服務，例如港鐵服務。
現時上址交通非常擠塞。

（Source: 香港出行易）

綜合各交通消息，單單今日早上龍翔道到觀塘共有最少5宗交通意外

頭先見到城巴E22A車長急到中途落車去廁所

據香港出行易消息
相關意外已於早上近10時已清理好，相關行車線亦已解封

九點半左右連帶三幹連翔道南行都非常塞車

十點先清完，勤工獎都比人扣晒了


老龍條路好難行咩，一炒就雙飛三飛，上次上車前睇google map加ETA都無事，上左車後老龍就炒車了，真係吹漲

Toz 發表於 2023-3-9 00:45
十點先清完，勤工獎都比人扣晒了

真係有勤工獎﹐返工就應該保鐵啦。
保鐵都出事﹐就大X把人陪你﹐比公司扣都抵啦。


真係坐巴士行龍翔道﹐上車前睇交通消息趨吉避凶係常識
雖不能百份百保你安全(上車後才有意外)﹐但起碼幫到你8-9成安全無事。


至於條路係唔係咁難應對...... 的確係有幾個熱門出事位的﹐都係同cut線及巴士站有關的。

kei_hk 發表於 2023-3-9 09:39
真係有勤工獎﹐返工就應該保鐵啦。
保鐵都出事﹐就大X把人陪你﹐比公司扣都抵啦。

上咗車先睇到出事的話，有月票都可以捱到畢架山過對面搭南昌街落山車再轉。
最緊要識執生，跳船改路走定繼續塞邊個快都好睇判斷……

toyl 發表於 2023-3-9 09:51
上咗車先睇到出事的話，有月票都可以捱到畢架山過對面搭南昌街落山車再轉。
最緊要識執生，跳船改路走定 ...

有無月票都可以用這一招﹐但問題係你畢架山落車都要行一段路﹐多數人都唔會優先考慮。

其次﹐你部車去到畢架山﹐其實都過左一兩個高危意外位﹐即係你可能已經塞完﹐都唔駛想其他方法了。

係囉 去到畢架山既話  呈祥道都過左 仲跳咩車？