香港西九龍站4月1日時間表

既然有廣州東高鐵，廣九直通車是否正式取消？

京九和滬九直通車繼續暫停？

HR1377 發表於 2023-3-21 12:42
既然有廣州東高鐵，廣九直通車是否正式取消？

京九和滬九直通車繼續暫停？ ...

有另一主題講﹐廣州東站直通車專區已經開放給廣州西九高鐵使用。

再加埋廣九直通車要重啟﹐都應該已經重啟/有消息公佈。

相信﹐廣九直通車應該已經取消﹐只係無正式公佈這個事實。



至於上海及北京﹐day 1 有高鐵﹐我都批佢遲早取消。
事關直通車運作﹐其實都花了唔少額外資源。
單是抽車返到國內﹐會加掛國內車卡(國內本地服務)﹐因此要派人看守直通車的車卡﹐以防有乘客進出。

kei_hk 發表於 2023-3-21 12:55
有另一主題講﹐廣州東站直通車專區已經開放給廣州西九高鐵使用。

再加埋廣九直通車要重啟﹐都應該已經重 ...

我唔覺得京九/滬九直通車會取消，始終有D政治因素

廣州東-西九終於有車加停常平(雖然常平少左好多香港人)

VK4642 發表於 2023-3-21 14:03
我唔覺得京九/滬九直通車會取消，始終有D政治因素

廣州東-西九終於有車加停常平(雖然常平少左好多香港人 ...

其實高鐵有北京上海﹐都係政治因素成份較高。
國家只係想有 "火車" 通全國﹐有高鐵已經好足夠。
舊有的 "火車" 存在價值已經降低唔少﹐隨時有一天真係會淡出載客行列。


而且﹐有幾多人真係會坐足全程?
所以﹐直通車一上到大陸就會加掛國內車廂﹐做國內的營運﹐善用這一班車的資源。

高鐵受惠一地兩檢﹐在國內可以上落客﹐可以做埋 "流水客"(即係直通車在國內加掛的車箱的功能)。

既可做到政府因素﹐亦有效運用資源。
直通車的角色﹐應該已經完結了。



題外問 :
深圳站都升級做高鐵站﹐其實深圳/廣深線仲想唔想有這些直通車營運?
香港就..... 大多數人都唔想再有直通車打亂東鐵線班次。
會唔會大家一直都想KO 直通車﹐只係之前未有藉口實行?

我就希望儘快取消紅磡站過境禁區，儘快探討連同紅磡車廠上蓋空間繼續發展嘅可能性。始終市區靚地罕有，現時車廠又只係鐵皮頂，未善用市區土地。其實數年前PolyU有提出發展紅磡站同紅隧收費廣場，而家可以連同原過境禁區一并考慮。

kei_hk 發表於 2023-3-21 15:16
其實高鐵有北京上海﹐都係政治因素成份較高。
國家只係想有 "火車" 通全國﹐有高鐵已經好足夠。
舊有的 ...

如果京九和滬九直通車取消，屆時搭過夜火車只能喺深圳轉車

高鐵去桂林中午兩班連發，返黎又係呢個時間，散客真係唔多岩，感覺只係想谷高鐵旅行團
黎黎去去始終中長途都會係返潮汕普寧鄉下同去廈門玩最受歡迎，反而之前見有人報福田可以落三分之一散客有啲出乎意料

HR1377 發表於 2023-3-21 16:22
如果開北京至西九龍和上海至西九龍動臥，咁京九和滬九直通車可以取消
只不過開動臥涉調圖問題，例如動臥 ...

主要問題都係非港段車一進港會食一來一回嘅quota
動臥入黎玩臥代座肯定吉車遊街，浪費短途嗰程嘅運力
長途直通車問題大家咪繼續鴕鳥下囉，反正一開頭高鐵復運個通告都特登拎出黎分開講

VK4642 發表於 2023-3-21 14:03
我唔覺得京九/滬九直通車會取消，始終有D政治因素

廣州東-西九終於有車加停常平(雖然常平少左好多香港人 ...

紅磡大樓成個直通車牌都拆埋，部門人事都搬晒去做本地/高鐵業務，唔覺得仲會復燃返