建議 2 / 6 對調走線，18 / 46 / 241X 重組，取消 45

2076 發表於 2023-4-15 00:33
241X 可以食返一堆 18 的南昌客，而且南昌返青衣中南都係最佳選擇。預期 241X 主力做深旺道特快客，留返  ...

南昌要車要整慢條241X嚟找數
點講都講唔通

天空之神 發表於 2023-4-15 00:58
大角嘴道無啦啦又要交線出黎無陰功

大角嘴道真係冇計，南北行堆燈陣加違泊都好惡頂，如果計大角咀成區，其實 241X 係成條新線，去紅土都有用，分分鐘快過 2E。

kmb71k 發表於 2023-4-15 01:00
南昌要車要整慢條241X嚟找數
點講都講唔通

241X 本身都唔係賣特快來往旺角，有 41A 已經做緊呢個市場。深旺道去青衣本身好近但一直都冇乜好選擇，加上對何紅土去青衣快左少少，都係有用。

殺 41 做 241X 其實已經令何文田交通差左，用 241X 去補返 18 的填海區用途，放返資源去做新版 18，日間有返 20 分鐘一班來往深長荔，叫做對何文田有交代。

Tobychow 發表於 2023-4-15 01:15
彌敦道quota咁緊拙
點都唔會老人區廢線46用啦你嚟搞笑？

本建議唔需要額外彌敦道 quota，反而係用少左佐敦至旺角北行本身 46 的 quota。

6 本身開緊 10 分鐘一班，2 本身開緊 15 分鐘一班。一個鐘夾埋 10 班車用 quota。

重組後 2 同 46 各 20 分鐘一班，6 開 15 分鐘一班，啱啱好係 10 個 quota。

其實你當 46 係 2 的延長版去睇，成件事就一清二楚。46 重組後的定位根本係青山道及蘇屋來往尖碼的流水，荔景山只係搭單做埋。

2076 發表於 2023-4-15 00:22
8 作為何文田最平路線，加轉乘加比佢正路。當然，如果 241X 可以加雙向分段就更簡單。

8 轉 12A 建議轉 ...

何文田去深旺道要兜紅磡、土瓜灣、太子道?你加8<>12都唔使行咁大個圈喎10就唔上大角咀道嗰邊，覆蓋唔哂，所謂嘅大角咀似富榮一帶
與其加咁多奇怪轉乘，241X加雙向分段已經搞掂

6X都唔使加$0.5，唔入旺角就話收特快，已經市區線收新界價仲要㩒住搶
老九作為慣犯，$5.2就$5.2，依家45收$7.3咪又係削到25-40
收得貴就有班次保證?並沒有

2076 發表於 2023-4-15 04:50
241X 本身都唔係賣特快來往旺角，有 41A 已經做緊呢個市場。深旺道去青衣本身好近但一直都冇乜好選擇，加 ...

本身唔係
但係即將係囉
41變241X就係想拉番啲客返嚟提升客量
你就為咗南昌補位
將241X改慢
繼續趕走青衣客

況且
青衣山上有41A咩？

1181174166 發表於 2023-4-14 23:35
好呀魚蛋論啦，6C加唔加到$8.9先?
有人豪氣唔代表收費合理喎
如果有人搭E21A深水埗落係咪收得$14?

魚蛋論? 我聽唔明...
收費如果唔合理嘅話條45自然冇人搭
就好似以前條A33咁載空

既然有一批人用腳投票接受俾7.3
咁你又點可以無視佢地選擇話唔接受呢?
注重價錢嘅一早就唔係41/45現有客群入面

KW2523 發表於 2023-4-15 13:22
魚蛋論? 我聽唔明...
收費如果唔合理嘅話條45自然冇人搭
就好似以前條A33咁載空

41夠有人搭，係咪要收夠$8.9先?
依家唔行就焗畀架啦，焗畀就合理?
我用腳唔撐45咁我都有權講唔接受啦喎

回歸最基本問題，路線大幅削減路程，無咁長嘅路程就唔好收咁高嘅車費，收$7.3無$7.3嘅服務你畀$7.3唔去荔景係你嘅事，你畀$14唔入東涌亦都係嘅事，新18畀$7.3入唔到美孚打後係巴士公司收貴咗
如果要繼續做貴價流水就唔該有返咁大嘅服務範圍，而唔係無市區線焗上新界線就合理化短途車程要捱貴價
另外45取消，由18取代，咁搭18落山嘅係咪唔使理先?又點解唔係跟18嘅收費先?

1181174166 發表於 2023-4-15 13:59
41夠有人搭，係咪要收夠$8.9先?
依家唔行就焗畀架啦，焗畀就合理?
我用腳唔撐45咁我都有權講唔接受啦喎

其實用 18 呢個編號而唔係用 45，主要係想比返果堆 18 的轉乘優惠，用 45 就真係渣都冇。不過個人都唔反對用 45 名義的。

巴士車費係由車費等級表控制，新 18 里數最高可以收 $8.6。我又唔同意路線平貴對服務水平冇影響，你見紅土陰乾的都係 $5.4 路線，$6.2 的 26 28 5C 6C 全部都肯死保。如果你話 $7.3 太離譜，最下限都只可以收 $6.8，再平九巴唔會同你加密返何文田去長深荔的班次。

至於平價補償的問題，241X 加到何文田站往富昌邨 $5.2 雙向分段就緊係最理想。不過九龍市區雙向分段冇先例，所以保險起見都係寫成堆 8 仔平價補償。如果真係要留平車做轉乘，會係用 1 部車開 18A，柏景灣來往循環，去何文田經窩打老道，去柏景灣行亞皆老街，補返 18A 轉 2E / 12 的轉乘。不過新 18 就可能最密得 25 分鐘一班。