外國經驗對香港巴士網絡有無參考價值？

ccchhhuuunnn 發表於 2023-4-29 00:28
以我認知
雙分機呢啲算tailor made project要揾八達通公司做開發，佢唔係八達通公司啲standard機/solutio ...

其實大家個時間軸係咪一樣？點解個討論好似變咗係兩三年前未玩站頭雙向分段機甚至雙分只限新城咁？依家時間軸上個 Project 都 tailor-made 好咗，純粹係有無空間再 upscale 咋嘛

同埋現實上套嘢似乎都唔算 tailor-made
BCP DDU Epay 全部都係現有已經 tailor-made 好嘅嘢
個 algo 隨時只係簡單到當你轉乘條 dummy route 回錢
最需要 solution 果部分其實只係駁電/電池，咁呢啲其實又唔係咩高深嘢九巴自己都搞掂咗啦

ccchhhuuunnn 發表於 2023-4-28 17:20
唔少人（特別係Sunday Driver）揸車係為咗so called私人空間，所以就算貴、排隊等入場仲慢等，而public t ...

Sunday driver假日先出動，對通勤以至貨運嘅影響同平日唔同，影響亦無平日咁大，可以另行考慮。

而佢哋唔怕慢，死塞爛塞都要行紅隧獅隧、死等爛等都要等錶位。佢地較price sensitive，措施可以從呢方面諗

之不過，參照外地嘅限車措施，行7/24嘅唔多。
假日仲極relax添

castanopsis 發表於 2023-4-28 19:49
78X逆走、33入九商
觀塘道塞車我估只係其中一個因素
相信仲牽涉到招標制度問題

唔認為係逆走同避觀塘道係招標問題。
招標未知邊個會入標、更遑論邊個中，已經係呢個走線。
除非你認為係內定啫（但咁已經有飲咖啡嘅條件）。

另外，偉業街同荔枝角道唔通唔係九巴地頭咩。
亦睇唔出對個運輸署甚至一般乘客，行是但一條路會有決定性嘅分別。

castanopsis 發表於 2023-4-29 04:02
大西北/將軍澳叫做運作大致暢順
反而想問宜家相關路線有無車上面既雙向分段收費？

聽聞過係有隱藏玩法可以拍車上八達通機
不過影響到上車乘客無必要就自然唔會公開

從來無見過落車門八達通相信係因為一人操作下好容易搏大霧拍雙向分段，唔係成本考量
你個人落咗車先拍就無辦法比你走漏洞

s3n370 發表於 2023-4-29 04:10
Sunday driver假日先出動，對通勤以至貨運嘅影響同平日唔同，影響亦無平日咁大，可以另行考慮。

而佢哋 ...

塞嘅位唔同
最大分別自然係假日排隊入商場停車場
例如荃灣西站一帶商場

KE7066 發表於 2023-4-29 04:08
其實大家個時間軸係咪一樣？點解個討論好似變咗係兩三年前未玩站頭雙向分段機甚至雙分只限新城咁？依家時 ...

八達通SDK應該唔係完全公開
印象中大概只有十數間official partner先可以做八達通solution development，並唔係阿豬阿狗可以做
新城同九龍部八達通機本身都唔同，已經係兩套solution嚟

KE7066 發表於 2023-4-29 04:22
聽聞過係有隱藏玩法可以拍車上八達通機
不過影響到上車乘客無必要就自然唔會公開

幾年前未出九巴雙分回贈機官方係有講過初步想落車門裝
呢度都曾經討論過，逃票問題甚至有人諗過裝落車門車外面

s3n370 發表於 2023-4-29 04:19
唔認為係逆走同避觀塘道係招標問題。
招標未知邊個會入標、更遑論邊個中，已經係呢個走線。
除非你認為係 ...

同意
成日有班人自以為要避走九巴
但實情係觀塘道而家VVIP根本唔會再塞車入去
唔見950要行干諾道、50要行新填地街/上海街、56要停彩園邨上水站？
新界段要避係睇得出兼正常、市區段要避就明顯冇呢件事

castanopsis 發表於 2023-4-29 03:40
咁你有乜嘢alternative？
宜家泊車難，確實discourage咗好多人揸車入市中心
如果你增加泊位，只會搞到條 ...

通勤同假日係兩個唔同問題
而住宅區同市區一樣係兩樣問題

如果講通勤＋市區其實本身就物理限制無咁多泊位
同埋泊位少確實係discourage人揸車入市中心
平日CBD其實好少見過要排隊入停車場
通勤返工你冇信心揾到個車位泊車，仲揸咩車返工？

但假日/非CBD就唔同講法

ccchhhuuunnn 發表於 2023-4-29 00:32
簡單去諗
當有privilege 嘅係巴士，有quota/限制嘅係私家車（whatever 指定道路/congestion charge/全港 ...

又咁講，香港之所以有呢個問題，好大程度係因為發展過程，令到好幾個繁忙地區都出現一條明顯比周圍更旺既中軸線，例如觀塘道、彌敦道、長沙灣道。呢種情況喺外國，或者至少我近十年去過既北美同歐洲城巿，並唔多見，人地唔會出現呢種爭議

當然而家遊戲規則係遲來者無得行中軸線，但如果想令公共交通效益進一步提高，避走中軸線未必係理想做法，尤其是跨區線；調返轉非中軸線又有空間擺返多D短途線落去，一方面帶旺周邊地區，另一方面亦減少周邊路段使用私家車誘因，尤其是觀塘偉業街呢類

而家玩法客觀效果，就係非中軸線交通需求同供應 mismatch

而另一方面，正如之前提過 top-down vs bottom-up 討論，雖然而家玩法係遲來者無得行中軸線，被迫走左去隔離人流少街道，但凱婷強行咁做，其實係最差

再闊少少，唔止係招標線，根本成個 RPP 審批制度，雖然巴士公司有好多垃圾建議，但亦有唔少便民方案最終不獲凱婷批准，然後外人好多時未必知道發生咩事

雖然把關制度係有必要，但近年已呈失效之勢。如果香港交通係私人機構主導，唔該就畀返交通營運商多少少自由同彈性，畀佢地按實際乘客需求同願望，決定點樣規劃路線網絡

如果係政府主導，好似堆招標線，好心就學倫敦 TfL 一套，政府全面主導網絡規劃，巴士公司只係外判商。因為政府要付出實質運作成本，保障巴士公司最低收入，甚至對賺蝕負責，佢地會有更大誘因真正搞好交通服務，回應實際需求，而唔係一手掐著巴士公司條頸，一方面又對私家車增長束手無策，令公共交通供應與需求進一步脫節

而家半鹹不淡，政府把關同劃招標線，賺蝕就巴士公司自理，絕對係最差做法