有內地網民搭九巴 62X 未能以支付寶付費 投訴車長威脅

tommy14D 發表於 2023-5-5 14:24
但係坐過咁多次新城車 佢哋個電子支付真係 勁快感應到又唔會成日壞，司機又唔洗較分段，九巴首先嗰個感應器 ...

城新科技, 係連八達通感應器都快過科技最劣而聞名嗰間公司, 所以其他支付系統出問題並不感意外.

有些巴士車長(不限於支付車費問題), 郁d就搵全車乘客做人質, 用群眾壓力去應對佢心目中嘅麻煩乘客, 此種行為只係反映緊該些車長應對突發事情的能力不足.

s20131417 發表於 2023-5-5 12:47
講起e度嘟
曾經見過師傅轉完分段
但係e度嘟一直出緊全程收費

經常發生...

今朝搭嗰架66M就係咁，
八仔顯示$4.4，e度嘟係顯示$8.9。

追翻呢個公眾號，可以搵到事主住邊，在邊度教書。

Man@MFHK 發表於 2023-5-5 13:23
不嬲八仔機壞都係話由佢啦，點解另外果部機壞就要人用其他方法俾錢？咁多種收費方式擺係度班客就預你正常 ...

但係而家似係個客唔滿意服務搵成車人出氣
換個角度嚟睇，你唔滿意服務，你可以去投訴，可以上社交媒體鞭佢屍，可以搵東張西望唱衰佢。佢唔係香港政府唔係只准唱好。
但係一搵其他客出氣就變咗係你唔啱。

sunhoo 發表於 2023-5-5 14:44
追翻呢個公眾號，可以搵到事主住邊，在邊度教書。

其實無咩人想知佢既背景😂

不過更大問題係兩部機根本成日對唔岩價，睇價選擇唔同車費都得

天空之神 發表於 2023-5-5 15:09
其實無咩人想知佢既背景😂

不過更大問題係兩部機根本成日對唔岩價，睇價選擇唔同車費都得

九巴招標緊新一代收款機，一部機做曬所有嘢，唔會再對唔啱價

題外話﹐我覺得大型公共交通用咁多乜pay物pay跟本係多餘﹐收現金同八仔就夠。

呢啲乜乜物物pay都係在線交易，即係要連網做實時確認交易，但係你唔能夠保證網絡100%在線，就算機冇壞但係架車咁啱接收唔到網絡訊號，冇得確認交易企咗喺度咁點算？
撇除網絡穩定性呢個問題, 確認交最少都要超過一秒，八仔離線交易設計嘟一嘟半秒唔駛完成交易簡單快捷幾多。鐵路還好，因為閘機唔止一部而且係行固網，但係巴士成車得一部機，上每個客全部等多幾秒等佢交易完成你都咪話唔和味。

p.s.雖然八仔有時都會拍唔到卡

北歐暖男洛基 發表於 2023-5-5 15:32
題外話﹐我覺得大型公共交通用咁多乜pay物pay跟本係多餘﹐收現金同八仔就夠。

呢啲乜乜物物pay都係在線交 ...

雖則﹐部機真係即時upload番交易資訊去server﹐用最短時間去處理。
但你真係覺得 "驗證" 真係online mode而非offline mode?

實情只係查驗個code是否有效﹐之後就會 "放行"。
放行之後才做番upload data的後續工作。


正如你所講﹐總會有一些死位﹐係接收唔到網絡。
接收唔到網絡﹐唔單只乘客會有此方面的問題﹐巴士公司都會面對相同問題。
如果設計上唔係用offline做驗證﹐設計者一定係白痴。

sunhoo 發表於 2023-5-5 15:23
九巴招標緊新一代收款機，一部機做曬所有嘢，唔會再對唔啱價

嗰部機係咪仲要車長撳掣去轉分段🤭

tommy14D 發表於 2023-5-5 16:36
嗰部機係咪仲要車長撳掣去轉分段🤭

我估係