新巴全線約700輛巴士已全數過戶至城巴名下

服務港人25載的新巴下月1日起與城巴合併。為迎接合併，新巴全線約700輛巴士已全數過戶至城巴名下，並正逐步換裝，在經典的橙白綠色車身顏色貼上城巴標誌。巴士公司表示，兩巴合併有利整合資源，日後車隊、人手安排更具彈性；長遠重組或開辦巴士路線，班次頻密亦能提高服務網絡效率、改善服務質素。                                                

城巴新巴約一年前開展合併籌備工作，有份參與的項目經理（專營權合併）鄧兆傑分享，城巴今月初公布新品牌標誌後，公司已逐步安排新巴巴士返回車廠，在車身四周貼上印有新標誌的貼紙，料全線車隊有望在今周六合併前，搖身一變成為城巴。他指，貼紙是過渡安排，巴士公司稍後敲定新車身塗裝後，料全線巴士可望在2025年中前更新車身。                                                
                                                
鄧兆傑續分享，除了車身，俗稱「電牌」的巴士電子顯示屏亦要更新，每部新巴的內置系統需上載新品牌資訊等，至今逾半巴士已完成有關程序。至於硬件配套上，全數以新巴名義登記的巴士，其「行車證」已改為城巴名下。另外，新巴前線員工亦獲發印有城巴品牌的掛繩及襟章，有待合併初期佩戴，而新制服預計今年年底完成設計並派發。                                                
                                                
城巴指，由下月1日起，全線巴士的新巴標誌將會絕迹，但對乘客並無影響；而長遠合併後的巴士網絡將更容易使用，巴士服務能得以提升。他舉例，以往受專營權所限，新巴巴士若壞車故障，鄰近閒置的城巴亦不能借調應急，需由車廠再調配車輛；合併後將再無此限制，車隊能發揮協同效應，靈活調用車隊及人手，包括安排載客量高的巴士，行駛繁忙路線等                                                
                                                
城巴今年內亦將整合南區5條巴士路線，由過往約20至30分鐘一班車，重組後班次將增至每8至12分鐘一班。巴士公司指，去年南區2條路線重組後，客量逆市升約1成，強調優化路線能改善巴士服務，增加收入，對乘客、巴士公司是雙贏；善用資源亦有利在新發展區。開辦新巴士路線。


https://hk.on.cc/hk/bkn/cnt/news ... 0626_00822_001.html

代表新巴所有巴士71凌晨4點可以原車繼續行城巴路線?

最後一段，又有笑話聽
重組完增加班次呢啲大話仲想呃邊個信?

搭單問，點解以前新巴接辦中巴之前，新巴不提前一個月在中巴車上貼上新Logo，導致當年新巴運作初期頭幾日雞車車頭仍然出現CMB字樣？而且當年的中巴在交接前全廣落廣後仍然上返中巴色及貼上中巴Logo

籌備1年，連新制服都趕唔到7月1日俾員工，仲要掛塊磁石貼去遮。真係唔好拎出嚟講，俾人笑啦。人地新世界當年5個月已經攪掂曬，9月1日員工仲有新制服著。

有好多從前不可能既屎忽數，因新城車隊互通下，變得更有可能，大家可以有更多既FF空間...

中巴當年2359開尾車唔知係咪都係原車做全程
所謂4點其實係咪應該計開車時間喺4點前

京华客车 發表於 2023-6-26 01:47
搭單問，點解以前新巴接辦中巴之前，新巴不提前一個月在中巴車上貼上新Logo，導致當年新巴運作初期頭幾日雞 ...

部車都未賣邊到你貼嘢上去

京华客车 發表於 2023-6-26 01:47
搭單問，點解以前新巴接辦中巴之前，新巴不提前一個月在中巴車上貼上新Logo，導致當年新巴運作初期頭幾日雞 ...

合約所限，直至 23:59 30/6 啲車仍屬中巴

KE7066 發表於 2023-6-26 02:34
部車都未賣邊到你貼嘢上去

1998年8月中巴的冷氣全廣車落廣，包括A20廣告車，連剛剛修復的VA60、63都上返中巴色及有中巴Logo，其實唔應該上返中巴色及貼上logo，而係最好上返全白色及唔上Logo，就好似油麻地小輪民興號咁，方便新巴接手

SPkent 發表於 2023-6-26 02:43
合約所限，直至 23:59 30/6 啲車仍屬中巴

不過1998年8月31日晚上開始可以在總站預先貼新巴logo，返了車廠的中巴反而沒有貼，包括了VA63