兩鐵合拼後開通的新路線邊條做得最成功？

mckhgc 發表於 2023-6-29 22:03
- 大西北人不滿紅磡站無位坐，結果反而有人回流返260X

呢點唔係第一次聽，我又唔明，香港經過咁多次鐵 ...

南昌站都一條屯門元朗天水圍巴士線都冇 點回流？ 當時又未有v walk樓上同成堆海x邨  要回流既客都應該係東涌綫黎嘅客？

最後連半條52X都走埋 有咩可以回流？

但我就真係有”不滿”南昌站冇位坐而轉軑....

lsc04d11 發表於 2023-7-13 19:18
南昌站都一條屯門元朗天水圍巴士線都冇 點回流？ 當時又未有v walk樓上同成堆海x邨  要回流既客都應該係 ...

當時過海客仲可以轉投尖東轉車坐倒頭車

我覺得係A B

觀延轉唔到東鐵、南港得一個市區站、屯馬鑽石山冇跨月台、東鐵金鐘止步+9卡

1372mm 發表於 2023-7-14 15:28
我覺得係A B

觀延轉唔到東鐵、南港得一個市區站、屯馬鑽石山冇跨月台、東鐵金鐘止步+9卡 ...

A：成個海港城站無起，得返條差少少先到廣東道嘅行人隧道去尖沙咀同尖東站
B：放棄咗同南港島綫（西段）做跨月台轉乘，西區成堆位於人流熱點嘅出口預留位無用到

你呢句「南港得一個市區站」真係得罪好多人，南區一向都係市區，幾時變咗唔係？

1372mm 發表於 2023-7-14 15:28
我覺得係A B

觀延轉唔到東鐵、南港得一個市區站、屯馬鑽石山冇跨月台、東鐵金鐘止步+9卡 ...

「因為 C D E F 有什麼缺點，所以 A B 就成功」，你啲邏輯思維錯晒。
不如你研究下東鐵金鐘開咗之後，分流效果有幾強先再講。

觀延係成功嘅，因為連過海客都搶到一大堆
西港島綫除咗HKU因為走線南移明顯受惠外，其他區都係遲咗三十年先有鐵
電車路更加係步行距離大大增加，不過真係貪鐵路夠快夠穩定嘅，唔會介意
南港島綫都係麻麻地，金鐘站設計同埋走線感覺都係縮得就縮，灣仔跑馬地一個都唔整，塞爆港島綫，不過未至於好差

至於成個沙中線project，最成功係九龍南綫同東鐵過海，但亦出咗最差嘅屯馬直通
駁通屯馬個時機同埋紅磡廠設計，令佢變咗失敗之作，將九龍南綫得黎嘅優勢一炮過送番走
一直以黎龜鐵各線無得加班原因都係缺車或其他硬件到上限居多，屯馬綫係第一條因為缺人而無得加班嘅路線

tonyng 發表於 2023-7-15 12:36
「因為 C D E F 有什麼缺點，所以 A B 就成功」，你啲邏輯思維錯晒。
不如你研究下東鐵金鐘開咗之後，分 ...

其實東鐵本身都累積左一班要轉巴士或者係紅線過海(2004-2009 更甚) 過海客
一通即爆效果好明顯

講吸新客嘅能力可能九龍南線最高
東鐵綫過海比起吸新客，更多係減低荃灣綫嘅壓力，同埋你公司可以食埋最肥美嘅過海車費
但沙中線 project 本身就真係最失敗，鑽石山無咗跨月台轉乘唔在講，工程大幅延誤、嚴重超支，剪鋼筋事件等等

我都係懷疑而家無晒防疫措施通埋關，「全面復常」之後不論繁忙、非繁忙時間、星期六日屯馬綫都有無真係分流到大圍-九龍塘 18% 客量

tonyng 發表於 2023-7-15 12:36
「因為 C D E F 有什麼缺點，所以 A B 就成功」，你啲邏輯思維錯晒。
不如你研究下東鐵金鐘開咗之後，分 ...

我意思係我搵唔到A、B有咩缺點，所以A、B成功，而唔係C、D、E、F有缺點，所以A、B先成功
當然你都可以指出A、B嘅缺點嚟反駁我

hokachung 發表於 2023-7-14 23:12
A：成個海港城站無起，得返條差少少先到廣東道嘅行人隧道去尖沙咀同尖東站
B：放棄咗同南港島綫（西段） ...

西鐵定位係中長途鐵路而唔係短途市區地鐵，假如設太多站會拖慢成條線，正如佢都冇喺大角咀設站（即係奧運站）

不過我都認同尖東站偏遠，假如唔考慮技術問題，九鐵尖沙咀站大可盡量向文化中心方向移動，從而方便乘客前往天星碼頭、海港城一帶

至於港島綫西延⋯講真南港島綫（西段）起唔起得成都係一個未知之數，而且我個人會比較偏向於港島綫直接由堅尼地城直接延伸

最後南港島綫呢⋯我承認講得唔係幾好，我諗改成「只有一個轉車站」會比較好