李慧琼：爭取降低跨境(羅湖&落馬洲)交通費

李慧琼提到，東鐵綫至羅湖或落馬洲的車費偏高，民建聯與深圳市人大和市發改委領導見面時提到有關問題，會繼續努力爭取進一步降低跨境交通費。

Link

偉大的議員係咪唔知火車靠佢兩個先可以本地線平咁多？定係唔做民建聯主席前搞到東鐵線過關減價然後本地線大幅加價，整定個炸彈畀北區肥仔勳慢慢歎？

嗰個係九鐵嘅策略性定價
而家可加可減方程式年代，羅落車費減價只係影響盈利回饋嗰堆野e.g.半價日回贈 (不過呢到有啲站友都話唔好，仲話益深圳居民，咁咪拎走佢囉)

話說，香港跨境鐵路車費都唔係深圳定嘅，李慧琼同深圳講，無用㗎喎
除非佢係枱底同龜鐵傾過想帶啲好消息畀深圳姐

而家政府咁想發展北部都會區、CBD3，唔要前朝遺物東九龍商業區，咁將過境附加費改為東九龍附加費咪得，宋皇臺－鑽石山－藍田之間出入閘每人每名收多七蚊，美其名為繁忙路段附加費

或者可以仿傚機場快線，攪即日來回優惠 / 恢復羅湖來回票？（優惠往返港深港人，令票價變相減半）

mak5052 發表於 2023-8-22 00:04
或者可以仿傚機場快線，攪即日來回優惠 / 恢復羅湖來回票？（優惠往返港深港人，令票價變相減半） ...

似益水貨客多D

其實強國人自由行﹐都有唔少即日來回的。

依家香港飲食業仲唔夠慘？減羅湖落馬洲車費只會吸引更多人消費。

如果話羅湖口岸重建，東鐵線羅湖站是深圳地鐵去代建的話咁仲有得去傾

但是關口補貼本地的不成文慣例我想很長一段時間應該唔會咁容易改變
如果話真系要兩地通勤的，可以搞月票/即日來回優惠，但是優惠最多僅限來回各一程以免被濫用

kei_hk 發表於 2023-8-22 09:42
似益水貨客多D

其實強國人自由行﹐都有唔少即日來回的。

我的建議是：
即日來回優惠：第一程須為北上，第二程南下回贈（兩程合計相當於持禁區居民特價証的來回車費），相反則沒有優惠，每日限用一次
過境來回票：適用於購票日北上，一個月內南下（一如昔日羅湖來回票），羅湖及落馬洲站不發售此票，PTFSS 適用，其售價按該站過境單程票價，上調至最接近之 $5（$30 - 65，平均每程 $15 - 32.5）

Ricky403 發表於 2023-8-21 22:10
嗰個係九鐵嘅策略性定價
而家可加可減方程式年代，羅落車費減價只係影響盈利回饋嗰堆野e.g.半價日回贈 (不 ...

如果話後面北環線皇崗站建設/東鐵線羅湖站重建是深圳方去負責，港鐵只系拎包進場的話，咁降低過境費的問題仲有得傾
不過無論點樣都好，我認為跨境附加費可以降，但是絕對唔應該取消
對於常旅客（例如跨境學童/上班族）可以憑簽註提供相比起一般遊客更大的優惠，但是仍然要保留跨境附加費