[香港夜繽紛] 港鐵推出「玩夜啲 賞你搭」優惠

Ricky403 發表於 2023-9-15 10:03
屯馬綫西行尖東2245前6分鐘一班，上完美孚都多數都未企到門口，好難再加班啦
市區線入面起碼荃灣綫要加班 ...

綠線其實都有需要，而且感覺比紅線更旺，喺太子要硬迫入去先上到車。

不過，某程度上綠線晚間非繁班次比紅線特別唔穩定，上行成日無啦啦遲幾分鐘，連相對少客嘅下行都遲埋，唔知係咪黃埔單月台，加上旺角太子兩個轉線站班次配合問題同上行時間表比較緊。5分鐘一班時段，冇遲到下旺角北行兩線夾到互轉，但太子紅轉綠要送車尾。試過太子紅轉綠送車尾，下一班車要等9分鐘。紅線上行比盡都遲2分鐘，下行跟足時間表。

Ricky403 發表於 2023-9-14 21:25
夜晚未公佈任何加班，隨時市區線5分鐘一班東涌綫10分鐘一班仲要上唔到即班，不了 ...

一至五東涌線上行2208後係10分鐘一班，去到荔景站miss咗2219班車就要等10分鐘，所以2229荔景入東涌班車係特別爆，尤其第3／4卡（對正青衣落站電梯位）。

不過，一至四隔多兩三班東涌線鬆動好多，星期五擠迫情況起碼到2300，所以星期五至少將7-8分鐘時段延長至2300，相對屯馬線相落時段嘅6-7分鐘班次，東涌線10分鐘我自己覺得對青衣東涌居民幾趕客。

kay 發表於 2023-9-15 07:05
如果定位係有遊客
之前睇過小紅書條片
教國內人如何到香港免費搭港鐵

指定要mtr mobile會員仲要連埋八達通先得
就好明顯
唔關遊客事啦

kei_hk 發表於 2023-9-15 11:35
MTR 又未公佈點為之 "有效車程"﹐但係無講同一晚只可以有2次 "有效車程"﹐只係講整個推廣最多換4次免費車 ...

派車票？ 諗多左啦肯定係要你去數碼服務站兌換嗰啲啦.......

以前真係好討厭 因為有時個數碼站又會壞 或者部機唔壞touch mon壞或八達通讀卡器壞

明明用分既禮品換領已經有八達通app領取方法 偏偏送嘅就要數碼站.....

而且今期（儲到11月頭）既分 都係車程去到1月2日到期  再加上有拍拍機game 同之前啲抽獎活動／儲分活動  我已經大把後備車程.....

lsc04d11 發表於 2023-9-16 12:59
派車票？ 諗多左啦肯定係要你去數碼服務站兌換嗰啲啦.......

以前真係好討厭 因為有時個數碼站又會壞 或 ...

完全無想多﹐係你自己理解錯。

我係講免費車程﹐只係想簡單一點表達﹐才用 "車票" 一詞代替。
自行再睇清楚。

而且﹐我都講左係在mtr apps 內派發﹐又點會真估提供一張真正的實體車票。


正如你所講﹐此公司都唔係以客為本﹐每次送免費車程/優惠車程﹐一律唔會提供經八達通apps存入八達通卡﹐係要玩班客仔。

佢又唔係無技術將免費/優惠寫入八達通﹐用分去換係可以經八達通apps存入八達通的。
所以﹐根本係佢地唔想做﹐而唔係技術上做唔到。


幸好的係﹐佢部機有改善﹐唔駛再慢慢入資料﹐開番mtr apps 去scan個qr code就可以。
但都係好X煩﹐要登意去部機領取優惠。

kei_hk 發表於 2023-9-16 17:30
完全無想多﹐係你自己理解錯。

我係講免費車程﹐只係想簡單一點表達﹐才用 "車票" 一詞代替。

因為佢唔知你邊一程想用.

當然我同意應該可以用apps換唔係限死部機度換

cruisesnet 發表於 2023-9-18 15:01
因為佢唔知你邊一程想用.

當然我同意應該可以用apps換唔係限死部機度換

可能你有誤會﹐其實唔關知唔知用家幾時使用的問題。
因為用家點都要去換領﹐換領後緊接的一程就有優惠。


由頭到尾的問題﹐你已經講出了。
就係從來無考慮過用家的需要﹐規定一律要經車站部機去換領﹐增加用家的不便。

官網

照字面解讀每個10點半後拍咭無限制有無收費，咁講大西北朋友單靠輕鐵5分鐘內入站出站不收費就話咁易零成本達成打爆4次免費車程？

toyl 發表於 2023-9-29 15:00
官網

照字面解讀每個10點半後拍咭無限制有無收費，咁講大西北朋友單靠輕鐵5分鐘內入站出站不收費就話咁易 ...

大西北真係大贏家﹐但他們點都要有金錢付出才做到(唔計月票客)。

照字面解﹐由市區返大西北﹐再轉多程輕鐵﹐會計算2程。

如果..... 有人屯門區坐輕鐵去屯門站(屯馬線)﹐坐屯馬線去兆康﹐再坐番輕鐵去屯門起點(符合轉乘的車站數目)﹐這樣咪成本 $5.1﹐但係已經計3程車?
點樣最有效率取足夠的車程去換盡免費車程﹐自己去想啦。

如果係月票客﹐就可以無額外支出做到....
去輕鐵月台拍入閘﹐有車到就坐車﹐無車到就行一個站(視乎你想唔想行及實際你所需的時間)﹐拍卡出閘﹐來回2次就已經有4程車。
自己去搵距離最短的2個輕鐵站﹐。

*送出的免費車程﹐可以將優惠給其他八達通卡使用的。





不過﹐你話 "單靠輕鐵5分鐘內入站出站不收費..." 係唔得的。

佢條款細則第3點最尾一句講明 : 於同一車站進出之車程將不被接納為「合資格車程」

點解港鐵死都唔肯加班，配合夜繽紛？屯馬線晚上8:00 夠膽開7分鐘一班