建議 2P 3X 提升至全日服務，重組 2D 2F 3C 5X 7 208

S3BL100 發表於 2023-10-16 00:09
唔同意大方向，首先唔認為有必要將 2F 3C 捆綁重組，其次 3X 亦無必要做全日

2F 3C 假假地基本班次都有 15 ...

反而個人唔係咁睇，旺角半全日特快，梅花間竹班次唔會吸引到乘客死等，又要記服務時間，又要開 ETA，倒不如落 MTR 轉 37M 或者直接跳上紅 van，隔離果條 35X 做極都係頹，3X 加時之後客量都好差，唔做多一步去逼班客搭快車，就會變左快車冇人搭，慢車又減班的惡性循環，越拆越散越趕客。2F 3C 客量唔係話真係好差，但行車時間長又收得平，始終唔好做，而且慈雲山來往橫頭磡段係 95% 重疊，另一方面 2B 2F 又係 90% 重疊，放任重疊線唔理再拆半全日線，只係治標唔治本的處理方法。3C 5C 的油尖旺來往慈雲山市佔率，分分鐘只有 10%。加上慈雲山甚至黃大仙區資源越減越少，遲啲連 2F 3C 都跌到去 20-25 的時候，其實連半全日都唔會夠車去開。慈雲山本身人口多，屬於市區兼有逆向通勤，其實唔需要半全日。反而富山/彩福呢啲孤島區，在資源不足兼客源真係單向的情況下，先係半全日的理想人選。

2F 3C 流水段用一條 2F 搞掂，騰空用車開齊 2P 3X 全日，對慈雲山而言先係一勞永逸的方案，2D 7 5X 208 都只係屬於微調。另外，3C 如果唔同 7 做聯合班次，係有條件用 3 部車開樂富來往先達循環，每 20 分鐘一班，咁樣就唔影響同其他路線重組的可能性。(P.S. 7B 方面，個人傾向 7B 11K 合併做順逆時針循環，連何文田來往下路的問題都可以解決到)

不過就算 3X 唔開全日，其實都有必要同 5X 重組，3X 北行尖沙咀段根本係白行，中港碼頭直接經佐敦道去彌敦道，尖沙咀段彌敦道比 5X 去做。

而且九巴近年來已經再冇換線呢樣野，就算係清半 796S 換 796C、石排灣 76 換 70P、將軍澳 692 796B 換 798，通通都係網絡較細的新城去做。九巴做的，永遠都係減班去到 30 分鐘一班然後開新線，TD 同地區都默許呢個做法，而且係最唔駛用腦，但咁做係絕對唔健康，亦都整左一大堆僵屍路線出來。

2076 發表於 2023-10-15 23:59
1 7 對調九龍塘/九龍城走線，然後 3X 全日，最麻煩個位係太子返美東邨同東頭邨。

有得唔開 3C 我都唔太 ...

如果3C只係因為旺角，咁樂富<>旺角循環線就好了
又承上回，如果樂富<>歌和老街<>南昌街<>大坑東<>旺角，做嘅嘢就多囉

東頭邨問題，的確要諗諗10改行東正道返彩雲

2076 發表於 2023-10-16 00:41
反而個人唔係咁睇，旺角半全日特快，梅花間竹班次唔會吸引到乘客死等，又要記服務時間，又要開 ETA，倒不 ...

咁我同意求其將堆線減到 25-30 分一班變成殭屍路線係相當唔健康，但我認為 2F 3C 未去到呢個地步，可見將來亦唔會再受鐵路因素進一步影響，胡亂重組亦可能令慈雲山往來黃大仙一段唔夠載。反而紅土成堆重疊線就真係有必要重組了

而你個方案 3X 都係開緊廿分班，雖然無左 3C 可以迫人上快車，但其實對比起我 3C 3X 各自十分一班，整體吸引力似乎係後者佔優。而且只需要做半全日，朝早同晚間時段應該可以節省更多資源。慈雲山唔係無逆向客，問題係邊度出發

龍翔道無左條 3C 往來旺角亦可能有問題。當然可以話黃大仙太多線出旺角，但各自又唔同站位打散晒。但如果畀我揀，我會搞 9 10 都唔輪到 3C

不過我同意 3X 回程行尖沙咀其實無乜用，係咪有必要改 5X 行彌敦道就兩睇

你提到 35X 個例子，個人認為定線問題影響更大

相比之下 2B 就真係變左殭屍路線，但明明有客果條叫 2F，原則上係應該搞 2B 而唔係搞 2F 的。又或者搞唔到既話，直接變兩味咪算

1181174166 發表於 2023-10-16 01:13
如果3C只係因為旺角，咁樂富旺角循環線就好了
又承上回，如果樂富歌和老街南昌街大坑東旺角，做嘅嘢就多 ...

橫頭磡來往旺角對車程幾敏感下，唔係 3C 走線幾乎會倒晒落鐵度。

其實 10 的改動空間真係非常有限，一來係行車時間已經到極限，冇得再改路幫其他路線補位，二來係改雙向線的話，點都會用多左資源，一係去左旺角果邊，一係去左窩打老道廣華果邊。

2D 其實係幾有潛質的路線，做到澤安白田來往石硤尾街市同九龍城，以及九龍城內街有站位的話，都幾乎係點改都可以。最基本係跟呢個建議，去澤安方向停一停太子站，做到的野即時多左 黃大仙 --> 太子 (取代 3C)、九龍城內街 --> 太子站 (搶紅 van 客)、太子站 --> 白田、澤安 (幫手 104 同埋搶 30A 客)

S3BL100 發表於 2023-10-16 01:24
咁我同意求其將堆線減到 25-30 分一班變成殭屍路線係相當唔健康，但我認為 2F 3C 未去到呢個地步，可見將 ...

重組計劃入面 2F 3C 的黃大仙角色交左比 2F 2P 去做，班次相比現時略減少少，但 2P 3X 真係全日到的話，假設兩線特快路段每班車搶到 30 個轉鐵客，一個鐘合共 6 班車，都分走 180 人，已經係 10 部小巴的人數。到時黃大仙上山要巴士輔助的需要，點都會少過現時 2F 3C 組合。3C 3X 聯合 10 分鐘一班，以現時 3C 用車數計，似乎有難度，逆向有可能要減到落 30。同埋旺角半全日線開幾長時段都係一個學問，以慈雲山同旺角的距離，去到黃昏都仲有唔少人會出去食飯，3X 仲有新蒲崗收工可以做。既然 3X 南行都可能要開到 7pm，做全日方便居民係相當合理。另外就係 3C 3X 做聯合班次的話，3X 去慈雲山方向基本上肯定要飛走尖沙咀，如果唔係夾唔到聯合班次就毫無意義。35X 例子，其實佢都快過 35A 10-15 分鐘去到石籬，但都冇人死等佢，個個見 35A 就上，最後就係 35A 深水埗頂閘飛站，35X 有位剩上大埔道。

3C 龍翔道黃大仙站先至最冇意義，隔離就係黃大仙站，99% 客都走左去搭鐵，剩返巴士死忠好近咁去黃大仙總站搭 9 都唔會慢過 3C 好多，在 9 號可見將來都唔會飛得走黃大仙下邨來往旺角的角色的前提下，3C 黃大仙真係可有冇無。

紅土果堆當然要重組，而且用車係收歸國有拎去口岸好過再擺返落去紅土區內......

至於 2B，其實 30 分鐘一班做歌和老街客係差唔多，而且有價錢牌問題，想 cut 剩繁時都好大阻力，倒不如留返補位，推晒 2F 長沙灣客上 2B 好過。(2B 去樂富快過 2F 10 分鐘，只係因為疏車冇人死等) 慈雲山特快來往深長荔點都重要過橫頭磡好多，橫頭磡有得出龍翔道上車又有鐵。

2076 發表於 2023-10-16 03:51
橫頭磡來往旺角對車程幾敏感下，唔係 3C 走線幾乎會倒晒落鐵度。

其實 10 的改動空間真係非常有限，一來 ...

如果要幫104，最少要落到旺角道嗰邊

3C循環旺角似乎係最好嘅改法

2076 發表於 2023-10-16 04:15
重組計劃入面 2F 3C 的黃大仙角色交左比 2F 2P 去做，班次相比現時略減少少，但 2P 3X 真係全日到的話，假 ...

3C 3X 以而家用車數目計算，當然唔夠做 3X 半全日、3C 3X 各廿分班。所以我心水方案係拉埋 11 來玩，減三部車畀 3C 3X。當然你可以話紅土過剩資源直接收起算數，但將收起既資源，一部分拎返落受影響地區，例如黃大仙區，加強其他服務，要過到既難度低好多

就算畀你搞得掂黃大仙上落慈雲山，另一個問題係慈雲山來往橫頭磡，尤其是返學時段，做返正常 3C 一定好過 3X 回程

3C 另一個包袱係 211 BBI

9 飛唔起黃大仙下邨，但呢條線無法被取代既功能係黃大仙往來亞皆老街沿線醫院、亞皆老街沿線往來尖沙咀。反而係 10 有條件可以取代 9 黃大仙往來旺角功能。心水改法係 7B 8 9 重組，7B 取消、8 變成樂富往來尖碼，經何文田、紅磡繞道，同 7 聯合派車；9 拆 9X 半全日彩福特快往來尖沙咀，半段跟 2X；9 亞皆老街後改經何文田半圈、公主道（去程）、仁風街（回程）、漆咸道南往來麼地道，再開 8B 九龍站往來何文田循環。9+9X 要加一部車，但整個方案埋單可以減至少兩部，得閒可能寫下詳細方案。重點係往來彩虹道往來旺角交晒畀 3X 203E 同半條 95，9 其實大部分路段都有替代品，拎去做獨巿位仲好

白田邨人口增長，2D 繼續做澤安往來黃大仙其實幾浪費潛力。我想將條線轉型做澤安往來觀塘商貿區。幾年前寫過一個方案，2D 10 11D 重組，用今日行車時間標準應該行唔通，細節要再執。細節位執過後，基本會係 10 縮短做黃大仙往來大角咀循環，去程改經九龍城內街，完全取代 9 黃大仙往來旺角；拆 10A 彩雲往來九龍城，喇沙書院調頭。以今時今日行車時間，埋單應該要加一部車，但以戰略意義角度計算，個人認為係值得

橫頭磡往來石硤尾、深水埗流水，畀 30 分一班 2B 食晒，一小時五班車變兩班，唔合理之餘亦收少左錢。我諗過不如將 2B 變循環，歌和老街後呈祥道直飛蝴蝶谷，埋單慳一部車。都係搞唔掂，就直接變兩味算數，始終有D線廢得來，要改都未必咁易

2076 發表於 2023-10-15 23:18
仲有 2B 來往樂富至長沙灣沿線，E22 亦都可以去到樂富同黃大仙，實際上如果要去黃大仙，city 學生去晒保 ...

其實City仲有幢教學樓叫媒體創意中心，喺則仁對面，嗰度行返去九龍塘站起碼兩個字，正常有2F就會搭返2F

S3BL100 發表於 2023-10-16 07:58
3C 3X 以而家用車數目計算，當然唔夠做 3X 半全日、3C 3X 各廿分班。所以我心水方案係拉埋 11 來玩，減三 ...

我贊成橫頭墈－深水步由一小時 5-6 班 2B 2F 變成只有 2 班 2B 應該好難過關，事實上 2B 係次，2F 先係主

不過你所講 2B 改循環反而 inspire 到小弟另一樣野，就係廢物利用 2B 比富山有全日合理車程深水步車
富山開經鳳德去竹園，之後直落龍翔道，飛起曬橫頭墈同白田，大埔道直去深水步福榮街，再經長沙灣道尾站饒宗頤，循環上返龍翔道去竹園、鳳德及富山

實際上即使延長後，新線循環一轉都快過舊 2B 來回一轉嘅時間，一車不加（維持派 4 部）都應該可以上到 20 分鐘一班；
用最少資源服務現有路網缺口

而車程上由福榮街上車去鳳德一帶，兜完長沙灣後都唔會慢過 2F

唯一問題可能 72 小巴會反對

S3BL100 發表於 2023-10-16 07:58
3C 3X 以而家用車數目計算，當然唔夠做 3X 半全日、3C 3X 各廿分班。所以我心水方案係拉埋 11 來玩，減三 ...

何文田嗰part我當無睇過

而2B，一拉去富山就搞掂價錢