九巴安排雙輪椅位巴士時有冇咩特別考慮？

如題。

官方解釋話多數安排行醫院線，實際係另一回事，啱啱79K出上水連出三部雙輪椅位車，之前某星期日見94都係連出三部雙輪椅車，而醫院線好似14H,32H唔係班班有雙輪椅logo。

以上79K同94兩條都係比較多行李客搭嘅線，係咪因為咁個原因出雙輪椅車機會比較多？（當然唔係一種正式做法，亦唔可以由九巴口中講出嚟）

其實咪等同水塘車

94派雙輪的確係當水塘車有比露營客，至於通勤路線真係冇必要派咁多雙輪，不過而家啲車派完行唔到中午已經套到七國咁亂，唔甩班已經好好

講明醫院線﹐一到紅日﹐醫院(非急症)都唔開門﹐輪椅客仲係唔係咁高需求?

調去更需要水塘車的路線好過。

ne2059 發表於 2023-11-26 22:36
94派雙輪的確係當水塘車有比露營客，至於通勤路線真係冇必要派咁多雙輪，不過而家啲車派完行唔到中午已經套 ...

座位變企位可以塞多兩條魚
營運角度上真係有裨益

九巴部份V6X/E6X已經有雙輪椅位，而且大多數投放在屯門路線。雖然雙輪椅可以企多d人，可以幫到九巴B1線的龐大需求。（大家都知B1需要放行李啦）

假日放雙輪椅車去郊區線同過境線係方便輪椅人士結伴出行的一種良好手段.

tommy14D 發表於 2023-11-26 19:28
其實咪等同水塘車

Exactly

講真，城巴我覺得係有需要全線12/12.8 基本配置做雙輪椅+車頭行李架（flyer除外）；再按需要額外配置行李架，始終流水線較多，班次又疏，俾雙輪椅都係保障真係有兩架輪椅都起碼上到。

九巴始終車隊大，應該分返邊啲車雙輪椅轉做流水線或者區內線；單輪椅就俾58x/59x 呢類長途而班次相對密嘅路線用

ky927 發表於 2023-11-27 00:56
Exactly

講真，城巴我覺得係有需要全線12/12.8 基本配置做雙輪椅+車頭行李架（flyer除外）；再按需要額 ...

一大朝早搭車返工，成堆新既招標線走去派架雙輪椅出黎，
而家櫈都無埋，根本已經違反人性做法。

雙輪椅本意係比流水線用，黃巴要玩跳飛機係完全不宜咁做，
走去支拎全線雙輪椅咩玩法？

dennis28a 發表於 2023-11-27 02:46
一大朝早搭車返工，成堆新既招標線走去派架雙輪椅出黎，
而家櫈都無埋，根本已經違反人性做法。

跳飛機玩咗咁多年，以前 511-535 批大水塘大部分時間都鎖到係堅城
唔覺得真係去到唔啱間公司

但全世界都雙輪椅就不明所以