元朗區鄉事派要求改善251A服務

12Lane 發表於 2024-1-2 10:01
251B真係可以同77K拍埋一齊比喻？咁點解係加77K唔係54？咪係因為77K做到好多54同251B做唔到嘅位。
所謂橫 ...

當然有一兩條村得77K做到
但單講橫台山251B站位並唔算差
問題係77K去錦上路站車程快過251B，又密啲，變咗少人去251B站位等車

根本成條251B定位都有問題
轉鐵又唔夠54/77K密同快
轉巴士又疏又慢，毫無吸引力
搵251A兩邊連埋佢，食咗251B，又節省資源，轉車效果又好，何樂而不為？

你話錦上路班次不穩，就更加有啲搵來講
251A宜家正正就係長途循環，一轉足足50分鐘
如果飛走錦上路站轉雙循環，個圈反而短咗

castanopsis 發表於 2024-1-5 09:02
當然有一兩條村得77K做到
但單講橫台山251B站位並唔算差
問題係77K去錦上路站車程快過251B，又密啲，變咗 ...

其實我就完全唔知你所謂「兩邊連埋佢」同「雙循環」係講緊啲咩，不如唔好成日當呢度F1，無人係你心入面條蟲。我就一直以為251AB一條順轉一條逆轉，兜番錦上路站，咁嘅scenario底下我會質疑錦田公路路況影響「下遊」錦上路客 & 冇針對解決錦上路客問題 係好合理，而且錦公路面窄得多。

淨係251A唔做番西鐵站已經有問題喺度唔駛再討論落去啦，64K一斷纜基本上死梗。如果要錦田市搭一條經錦上路先到橋底嘅車，咁而家251B行錦河路肯定快過你條新251A到，仲衰過而家。而我都唔明你咁執意講橫台山做咩，佢佔成個圈嘅客只係好少數，地理位置本身就焗限左班客係會優先轉西鐵。

kay 發表於 2024-1-4 19:26
但無需要將錦田八鄉上村玩大循環
因為無人會錦田市經上村錦上路去八鄉路
八鄉路以東錦上路亦唔會兜大圈經 ...

唔使諗得咁複雜
251B派緊4架車行
但實際上251A本身已經行曬大半個圈，得 錦田市-上村 呢段無行
飛走錦上路站，接埋兩邊變雙循環，加2部車就搞掂

無論錦田公路有無客
成個改動，即刻收走2部車
鍾意開64K/251C錦上路站短棍又得，兩部車夠開 江夏圍<>錦上路站 10分鐘一班
鍾意收走去其他區都得

所有原本搭緊251B去欖隧既乘客，車程都快咗
錦田市去欖隧，唔使再入錦上路站兜圈
橫台山去欖隧，可以向南經上村走

成件事係百利而無一害

12Lane 發表於 2024-1-5 09:20
其實我就完全唔知你所謂「兩邊連埋佢」同「雙循環」係講緊啲咩，不如唔好成日當呢度F1，無人係你心入面條 ...

八鄉路開車
一條順時針，一條逆時針，唔入錦上路站
咁講會唔會清楚少少？

另外
你一句"251B行錦河路肯定快過你條新251A到" 講到言之鑿鑿
但實際上 錦田市>錦上路>八鄉路，係快過251B 錦田市>錦上路站>錦河路>八鄉路
唔信可以打開ETA望下

其他幾點上面講咗唔重覆

castanopsis 發表於 2024-1-5 09:39
八鄉路開車
一條順時針，一條逆時針，唔入錦上路站
咁講會唔會清楚少少？

你用一個唔公平嘅情況去比較，要比較點解唔係用番兜錦上路站/同樣飛錦上路站嘅情況去比較？掟雙循環幾隻字出黎，原來唔講仲要飛西鐵站，仲要唔講原來仲要開短棍清錦上路客。
要喺大家不明所以情況下做比較仲要話人地錯，至厚面皮真係你。
已經講過，冇人會喺唔夠資訊嘅情況下去完全理解你啲F1建議架喎，要詳細討論不如多去F1。

而家個標題係講緊251A沿線車太疏，我就真係睇唔到飛去講橫台山同錦田市點樣令到251A錦上路變密，從而呼應番個主題。

12Lane 發表於 2024-1-5 09:48
你用一個唔公平嘅情況去比較，要比較點解唔係用番兜錦上路站/同樣飛錦上路站嘅情況去比較？掟雙循環幾隻字 ...

251A宜家載客率，九巴怕且麻麻地滿意
251A/B錦上路站班客完全視乎64K/54/77K位置，唔係一個穩定既客源
如果搵唔到方法谷客，唔好話改善，分分鐘班次再cut都有份

251B客量唔好
但八鄉路差極都有十幾二十個客，繁時叫做排長龍
谷曬呢班客落251A度，係咪會比較大機會維持到班次/加密？

YellowWorksheet 發表於 2024-1-4 23:14
下層會坐滿到又新街，咁叫運吉？

上繁坐滿下層？

上星期六中午又新街都係下層兩三人咋，定係運吉真係要吉到一個人都冇？係嘅話 20A 都唔叫運吉

其實可唔可以咁改:
1.251C 改經蒙養小學>江大路一段錦田公路>錦上路>江夏圍
2.251A 改為八鄉路右轉錦上路>上村>八鄉警署調頭
3.251B 改為八鄉路Shell 左轉去錦上路站>東匯路>錦田市>八鄉警署調頭

咁會唔會比較服務到多少少人?又行得順少少?
八鄉警署>上村一帶居民要去錦上路站沿途仲有其他奴線/交通工具替代 呢批客應該影響不大

其實錦上路多客過錦田公路
點解要 251A 251B 雙循環？

錦上路，八鄉路以東既客唔會想兜八鄉路去錦上路站，所以八鄉路以西一段不嬲無貨交

FD_8592 發表於 2024-1-5 23:20
其實可唔可以咁改:
1.251C 改經蒙養小學>江大路一段錦田公路>錦上路>江夏圍
2.251A 改為八鄉路右轉錦上路> ...

八鄉警署唔夠轉，掉唔到頭。

其實宜家有 251C 新資源，想像空間大左唔少。

251A 八鄉路以東冇人搭去錦上路站，本身就係浪費資源。我自己會諗 251A 八鄉路之後經錦河路直飛錦上路站，善用載客空間。251C 拉去八鄉路，兼經停錦田市中心，將八鄉路以西的客比晒 251C。251B 就可以飛走錦田市中心，專心做錦田公路，加快回車。

其實 54 都係一條營運狀況幾差的路線，但獨市位執唔到。