[中東沙漠] Qatar Airways B77W: Hong Kong - Doha - London/Heathrow

假期過後搭飛機返回英國，航空公司與去程同為 Qatar Airways（去程報告早已發表，link here）。

關於機型轉換之失落，於去程之飛行報告已有詳細描述；預訂機票時，我的行程為：
LGW - DOH B788 / DOH - HKG B788
HKG - DOH B788 / DOH - LHR B77W

DOH - LHR 航班數量眾多，理應有多款機型任君選擇，行程當日有 A380、B77W 及 A35K 執飛此航線，但訂票時心諗已經搭咗三程 B788，最後一程回歸平淡搭 B77W 亦未嘗不可，我亦無好大意慾再搭一次 A380，而價錢最低、航班函接最好係由 77W 執飛的航班，所以如此選擇。後來得知去程 LGW - DOH 改為 A359，來回兩程 DOH - HKG 改為 ex-CX B77W，最後一程的 B77W 反而變得冗餘；早知如此，DOH - LHR 點都選另一款機型。

QR 一般情況下可於出發前 48 小時 online check-in 並挑選座位，小弟於 HKG - DOH 一程出發前 48 小時 check-in 並選位，出奇地 HKG - DOH 一程未能選位（"seat selection not availeble" ），反而 DOH - LHR 則已可劃位；相當奇怪但亦唔意外，因去程時已經歷過；
到 HKG - DOH 出發前約 24 小時，再次登入 QR 網頁時，HKG - DOH 一程終於有提供 seat map，亦有窗口位可免費選劃，問題總算解決；來回兩程 online check-in（特別 DOH - HKG 兩程）皆遇上阻濟，可見選位系統的確有些問題，但至少呢兩程我最終都可以免費劃到窗口位，“以結果為目標” 的話，並無不妥

- departure -

HKG - DOH 一段為 red-eye flight；當晚喺尖沙咀食晚飯，之後搭 A21 去機場（出發當晚機場巴士服務尚未全面恢復，疫情前 A21 約 10 分鐘一班，當晚接近 30 分鐘一班車；當時香港已無任何入境限制，往返機場之交通亦理應回復至正常水平，惟 HKG 之情況明顯與理想有悖）


夜深時分 HKG foodcourt 仍有餐廳營業，當日晚餐已食到好飽，加上已知起飛後會派一餐正餐，所以未有喺度食離港前的 “最後晚餐”


唔知係咪有特別事發生，好早已經 final call；當晚我有朋友一齊去機場，當然唔會預早入閘；雖則我清楚 gate close 時間係起飛前 20 分鐘，但我有一件 hand luggage 一定要放上 overhead bin，亦不宜太遲登機，所以出境後基本上無多餘時間遊覽 airside。

- QR 815 -
Date: September 2023
Route: Hong Kong Int'l Airport (HKG) - Hamad International Airport (DOH)
STD - STA: 00:25 - 04:05 (8 hours 40 minutes)
ATD - ATA: 00:24 - 03:21
Seat: 64A

Aircraft: Boring 777-300 ER
Registration: A7-BOA

早前 Qatar Airways 就 A350 油漆問題與 Airbus 交涉，一度被取消所有尚未交機至 A350（及 A320）系列客機，加上疫情期間仍錄得航線增長，以及多哈 2022 年末舉辦世界盃帶來之客運量，QR 機源相當緊絀；與此同時，香港以 “動態清零” 之方針應對冠狀病毒疫情，實施極度嚴格之入境檢疫要求，CX 客運量於疫情期間直插谷底，長途機隊過剩，因此將部分 B777-300 ER 退租，後由 QR 接手（所以 CX 將旗客機乾租予 QR 之說法並不正確）；該批 B77W 於國泰服役時為 4-class（代號 77A），而當晚之客機 CX 時期的篇號為 B-KPM。

QR 同時租賃一批曾於 Virgin Australia 服役之 B77W，連同 ex-CX 之客機，兩批 B77W 之塗裝為於全白底色之機身噴上 QATAR AIRWAYS 字樣及 logo（A7-BOC 則噴上 1997 年之 retro livery），與一般 QR 客機之 “上灰下白” 底色有別。


而 QR 將此批 B77W 投入服務前，未有將之改成 QR 自家 B77W 之配置，而是保留了 CX 的客艙配置（直至執筆之時，亦未見任何改艙之計畫）， 所以客艙內絕大部份硬件（包括所有艙等之座位、IFE 螢幕）皆與 CX 77W 相同，部份細節（如 J / PEY 座位之頭墊紙改為 QR 色、機上繁體中文字樣改成阿拉伯文等）除外；


但呢班係一班機係 100% operated by Qatar Airways（絕非 sharecode 由 CX 執飛），所有軟件（全體機組人員、飛機餐、娛樂系統內容、機上備品）均依照 Qatar Airways 標準；希望以上可以釐清近一年來（以及不久的將來） QR 香港線上 “出現 CX 航機” 的異象。

登機時 IFE 上展示多哈之地標


機上備品：白色枕頭（外觀不及 DOH - HKG 一程之枕頭上印有傳統花紋）、毛毯、貼耳式耳機


可以拎走的兩樣：hygiene kit 及 amenity kit


hygiene kit 內容：乳膠手套一對、酒精消毒液一瓶、外科口罩一個（機上配戴口罩與否為 optional）；
乘搭時全世界已走出疫情陰霾，但 QR 亦有提供防疫用品供乘客自由使用；唔知係貼心之舉，定疫情三年訂下太多存貨？
（呢張相係上第二程機前喺 Doha 機場影，我當時想拎個口罩出嚟用，所以背景有別）


amenity kit 由於以即棄紙袋包裝，未有拆開研究，估計內容物與 DOH - HKG 一程相同
https://att.hkitalk.net/HKiTalk2/data/attachment/forum/202307/30/150835zzxh5stmcm52lmsn.jpeg
無論如何，2023 年仍在經濟艙提供 amenity kit 之航空公司並不多，QR 為其中之一；且此程機飛行時間僅 8 小時多，嚴格來說可作 mid-haul flight；QR 的 offerings 已超越唔少航空公司於 10+ 小時 long-haul flights 的備品
（as a point of comparison，2019 年搭航程相若之 Emirates HKG - DXB 直航，並未有提供 amenity kit 或於廁所擺放相關用品）

Qatar Airways B777-300 ER safety card


QR 之 safety demonstration 以旗下世界各地之航點為背景，亦有多個繪畫之場景，節奏較慢


ANA B767-300 ER；同年 7 月搭過一程，flight report link here


China Airlines A330-300


Emirates A380-800（“Destination Dubai” livery）


HK Express 已換新色之 A320-200


Ethopian B787-8


兩部泊 outer bay 的 GBA B737-800


departure from HKG


青衣西北交匯處：汀九橋、青馬大橋（及屯門公路）


昂船洲大橋、葵青貨櫃碼頭


香港島西面海岸，薄扶林一帶


之後飛出公海，我亦閉目養神；下圖攝於海南島西岸、四更鎮一帶上空


由於係半夜起飛，升空後直接派餐；但呢程機上派餐效率欠佳，收到個餐時已經係起飛後 1.5 小時；加上實際機程比預訂時間短近一小時，兩餐之間的休息時間相當短

今餐選了粟米魚柳飯，配南瓜沙律、菠蘿慕絲、香草麵包及樽裝水（完整餐牌將於文末以附件形式上載）；飲品要了 Baileys w/ ice 及紅莓汁


前菜南瓜好硬、調味正常，主菜魚柳油炸後淋上粟米蛋花汁、配以大量蔬菜，味道同喺香港陸地上食到的唔差好遠，但以飛機餐而言，調味非常清淡；如果我搭機當天身體抱恙，有個清清地的主菜係唔錯，否則其實唔太提得起食慾；唔少研究指出，人類喺機艙環境味覺會比於地面時弱，因此飛機餐一般會較為濃味，但呢個餐似乎未有跟從；甜點話係 “mousse” 但食落接近液體且比較甜，出品中下
（一般慕絲會加魚膠粉，但喺 Qatar 機上食到的 "幕絲" 都係液態居多，如果唔係 menu 咁寫我會以為自己食緊一兜 cream）

Qatar Airways 標準及 ex-CX 之 77W 均為 3-4-3 排列（機尾較窄所以收縮至 3-3-3），亦可見座位與國泰 77W 並無分別


食飽就瞓（但都唔係好多時間），瞓飽就食第二餐；早餐降落前約 2.5 小時開始派，今餐同樣選了中式，主菜係雞粥（配幾塊油炸鬼），配水果、牛角包及藍莓乳酪，亦有如第一餐時隨餐派發清水一枝；飲品要了威士忌加冰（早餐配烈酒係咩事？）


今餐粥品嘅調味仲好過第一餐的粟米魚柳飯，但粥入面有小弟唔鍾意的薑；粥同兜乳酪一樣比正常濃稠，亦唔太啱口味；油炸鬼浸喺粥入面必定變諗，如果可以提供獨立包裝、類似零食的油炸鬼配粥，相信效果會好好多

收餐盤時要了杯熱咖啡；呢程機的機組人員只有派正餐時有主動提供飲品，餐後收垃圾時要提出 request 先有飲品，同另外三程機上的服務有別


lavatory tour


QR AVOD 之電影、電視選擇眾多，節目遍佈世界各地；圖為港產片 “過時過節”


IFE 內配置 interactive flight map，可以自由調教角度


亦有駕駛艙、左/右側窗戶等特別視覺


Gulf of Oman 阿曼 Suhar 一帶之海岸線


杜拜市郊上空；如果搭 Emirates 就會在此降落、旅程完結，但 Qatar Airways 飛多哈遠少少，所以未落得機住（但都就快到）


離開杜拜，飛出波斯灣


Al Samha - Khalifa Industrial City, Abu Dhabi


比預定時間早近 40 分鐘抵達多哈，圖為 Al Wakrah 一區及其海岸線


全程飛行路線


Qatar Airways 並未有設置 Premium Economy 這一艙等，QR 將 ex-CX B77W 內之 PEY 座位定位 "Comfort plus"，economy 乘客可加錢選劃（QR / Oneworld 部份高階會員可獲豁免收費），機上服務則與一般 economy 相同


business class 為 1-2-1 反魚骨式座位，就係 CX B77W 上的 product


經 door L2 落機，只能遠觀 1-1-1 排列之 first class，product 亦無異於 CX B77W（77A）之頭等座位；QR 有提供獨立的頭等艙（自家機隊僅 A380 設有 first class），HKG - DOH 亦有出售 first class 機票


同去程飛抵 DOH 時一樣於 outer bay 落機，要搭接駁車返 terminal



- comments on "QR-CX mix" -

搭 Qatar Airways 返香港，遇上前（香港）國泰航空的客機，連座位配置都跟足 CX B77W，確實係一個好特別的體驗；QR B77W 有多過一個 config. - 最舊一批，business class 係 2-2-2 排法、未有 direct aisle，economy 係用非高清灰框螢幕；Economy 計，CX 個 product 唔會差得過 QR 自家的 B77W（DOH - LHR 一程正是），business class 亦確定係 long haul product（但就無望有 Qatar 旗艦 Q Suite），客觀上係確立咗一個下限 - 機上設備唔會煥然一新，但亦絕不會破舊不堪；但對於一個喺香港長大、此前亦搭過 CX 3-4-3 B773 / 77W 唔知一次的（半）航空迷，訂得 QR 係想體驗 QR 的客機，特別我訂票時 QR 815/816 呢個來回係顯示由 B787-8 執飛，如今被改成 ex-CX B77W，感覺相當無癮。

撰文之時，QR 一日兩個 DOH - HKG 來回皆由 ex-CX B77W 執飛，而同一批 B77W 亦有飛 Doha - Istanbul / Male / Kuwait City 及其他中東海灣國家；唔難發現 HKG 係唯一一個長途航點，如今被 CX 退租後以另類方式 “重返” 香港，話同上一手係 CX 呢個事實無關係，講出嚟都未比有人信；但點解要 deploy 返落 HKG 航線，就真係好難推測；
- 覺得 HKG 班客搭慣 CX 機？
- HKG 多商務客同 award tickets，所以要多 business class 座位同（QR 入面相當稀有的）first class?
- 顯示同 CX 係 Oneworld partner，關係良好？（歡迎討論，分享睇法）

體驗完兩個相對特別的航程，其中一個我腦海內的 idea 係：既然部機係 CX product，QR 同 CX 同屬 Oneworld，CX 亦曾經親自開辦 HKG - DOH 直航（同 QR share-code），如果呢程機交由 CX 營運，服務上唔知會有咩分別？暫時諗到嘅有：
- 經濟艙一定唔會有 amenity kit
- PEY 會獨立售票
- economy class 的 wine list 應該無咁豐富
- AVOD 應該會更多廣東話內容
- 晚餐甜品應該會係雪糕；但如果 CX 當係 mid-haul，第二餐可能係月光寶盒一個，或者起飛後每人一個月光寶盒、降落前派 hot breakfast? CX 唔太多航程 8-9 小時的航線，睇過其他飛行報告，略短的 HKG - Dubai / Perth 係一餐正餐 + 月光寶盒，稍長的 HKG - Sydney / Melbourne 就兩餐正餐（歡迎補充）

歡迎討論，稍後會分享轉機體驗及 DOH - LHR 的航段～

Appendix: QR 815 HKG - DOH Economy Class menu (as of September 2023)

Doha transit tour: #21
Doha - London/Heathrow 報告：#26

國泰嘅fleet唔係咁大，同埋國泰捨得中途換倉（aka奴隸化啲777），好多航空公司唔想加新config/新product，就算捨得換都等隻機6年要D-check先改倉換色，所以進度會好慢，就會出現好似QR/EK咁嘅新舊product齊集嘅情況

睇得出樓主好愛787

以前小弟正正就係覺得DOH-HKG係6-11月搭親都全院滿座嘅時候，應該要轉架大啲嘅機俾呢條線。QR佢自己都知，所以係17年10月開始轉77I (42J/316Y)，仲要表現唔錯，之後18年派埋旗艦77P Q Suite (42J/312Y)，當時亦係小弟最欣賞QR嘅時期。

至於點解咁恨佢整走晒啲788呢...
其實788 + QR red eye呢個配搭足以令你嘅行程舒適大打折扣
- seat width 16.9 inch，legroom 31 inch，張凳本身唔係闊，以1.8m高嘅人嚟講legroom亦唔算多，坐係A/D/H位嘅仲有個IFE box占左1/4放腳嘅空間
- 將凳嘅布面係訓覺期間好容易焗住啲汗，再加上紅眼航班嘅機艙溫度較高，好難瞓覺
- 787係無遮光板，就算隻窗default setting已經係最暗都好，坐係Y front cabin 窗邊6個客都有機會比機翼嘅紅綠閃燈搞到醒咗
- 當年QR係專安排新入職嘅cabin crew做788嘅航線，服務同777/A380爭九條街

至於二手機
係QR將HKG, MLE, IST, DPS, HKT轉做二手機初期，好多客都表示混淆，尤其J個班。成日貼Seat map上隔離某個英文forum到問，呢隻機嘅Business Class Product係乜。（現時QR做緊嘅航班係有高達10款唔同J product，7款自己+CX+VA+WY，應該呢個世界上無一間航空公司夠佢多，鍾意集郵嘅人嚟講應該幾開心嘅）
係年中，有唔少飛完舊國泰機嘅人都表示失望，紛紛喺嗰個forum留言控訴（小弟我亦唔例外）
都係離唔開第三世界IFE、甩皮甩骨、呻下成日上落機都係remote stand同埋服務問題
*IFE問題係前半機先會發生，樓主個位連埋IFE係國泰未退租嘅時候換過，所以無呢個問題

至於點解香港線會派舊國泰機
其中一個原因係HKG Premium真係好heavy，尤其係QR818，53J入面班班都坐40-50個，係QR816 overall loading真係差啲，而QR815有時真係無F客
另外一個原因純屬個人推測 - 係同維修有關，大家都識講架機以前喺國泰飛既，即係有啲零件係國泰先有。雖然大家都係777，廁所同機艙大部份零件理應可以共用。不過有啲嘢唔係，例如凳同埋Galley裝食物嘅金屬鐵箱（事關我見過有張貼紙寫住另一隻同類型嘅飛機registration）

少少歷史故
CX以前係有飛DOH嘅，叫做CX645/640
當年睇過flight report係派1全餐+1月光寶盒
當年QR已經係派緊2全餐，所以客會prefer QR816/QR817
後來比咗QR做，再執過啲航班編號，如果無記錯嘅話
CX645 -> QR645 -> QR817
CX640 -> QR640 -> QR818
QR816 仲係 QR816
QR817 -> QR815
再加返CX codeshare

相信而家QR 香港線咁多嘢食嘅原因係HKG-DOH最快同最耐嘅飛行時間可以相差超過2小時，加上以前cabin crew做嘢好快手，令到兩餐之間嘅時間可以長達7小時，變咗飛行期間乘客會肚餓。係未有Movie Treats之前，小弟係有個snack box帶嘢上QR817食

最後，提一提樓主
樓主有提及「幕絲但食落接近液體」呢樣嘢有啲危險，因為有可能係個雪櫃拎出嚟太耐，又同啲熱餐擺埋一齊，令到慕絲開始液化。如果仲有機會搭QR嘅話，建議一收到個餐之後先反轉個甜品杯睇下會唔會有液體流出或者成個塌咗，因為正常入咗雪櫃咁耐就唔應該塌嘅。之前搭QR817食同一款mousse，我反而覺得似食緊漿糊，食咗一啖就無食。（形容得係漿糊咁嘅質感，塌就無可能啦）

QR 應該不用魚膠粉 (多數源自豬肉)，凝膠類食品的質感不同也不出奇。

TE8311_QTR 發表於 2024-1-20 22:08
睇得出樓主好愛787

以前小弟正正就係覺得DOH-HKG係6-11月搭親都全院滿座嘅時候，應該要轉架大啲嘅機俾呢條 ...

慕絲一定唔係雪櫃拎出黎，econ tray上既嘢除左熱餐同雪糕(如有)，全部嘢包括水/ 盒裝果汁/ 餐具/ 牛油/果jam，係地下空廚已經擺好哂盤

你留意下餐車後面有兩個窿，餐車推左上飛機廚房之後果兩個窿會對應返個出風口，一直有凍風吹住入面keep住溫度，派餐俾你果陣問你食乜之後就係餐車拎個餐盤出黎，再係個爐架拎熱餐擺落盤到俾你


另外，隔離EK都用388，QR唔知做乜唔進取啲將一班轉做388

KV8948 發表於 2024-1-21 00:26
慕絲一定唔係雪櫃拎出黎，econ tray上既嘢除左熱餐同雪糕(如有)，全部嘢包括水/ 盒裝果汁/ 餐具/ 牛油/果j ...

感謝糾正

至於點解DOH-HKG唔用388嘅原因係分完俾LHR, CDG, BKK, SYD之後已經冇晒8架，本身都仲有2架入咗storage嘅，睇怕都係變零件機
就算有資源剩，佢都會優先幫FRA轉388

24年夏天完結前都仲係會繼續舊國泰機打孖嚟

24年冬天DOH-HKG暫時編咗
QR818/817 繼續用舊國泰機
QR816/815 用另一款77W (42J用minipod; 316Y)

希望唔好再轉啦

Fuk19805 發表於 2024-1-20 14:45
國泰嘅fleet唔係咁大，同埋國泰捨得中途換倉（aka奴隸化啲777），好多航空公司唔想加新config/新product， ...

其實 CX 77W 經濟艙就算係 2012 cabin (可以 recline 的 3-3-3, 9' 高清 AVOD) 都唔算舊，暫時諗到 NH 787 同 AC 777 / 787 都係同一款（但應該唔止，仲有好幾間航空公司都係同一 product）

CX 換 3-4-3 大約係 2017-18 年，當時正值 HX 擴張長途航線同較多外籍航空進駐香港，相信對 CX 票價同客量有一定影響；當時 CX 其中一個比較點就係 77A 坐得 275 人，AC 同款（high density）77W 載多近 2/3 機人

TE8311_QTR 發表於 2024-1-21 03:19
感謝糾正

至於點解DOH-HKG唔用388嘅原因係分完俾LHR, CDG, BKK, SYD之後已經冇晒8架，本身都仲有2架入咗 ...

QR香港線繼續用788恐怕唔夠載俾人投訴，疫情前試過派333/788結果唔夠載俾人投訴後轉用77W

QR航線是否使用787仲要睇客量

香港航線用ex-CX 77W除客量外，另一原因 閣下上面已經提及機艙維修問題，機艙設施維修同CX一樣，所以如果機艙設施例如座椅有問題有機會喺香港維修

今年冬季816/815是否繼續用ex-CX 77W仍然係未知之數

TE8311_QTR 發表於 2024-1-20 22:08
睇得出樓主好愛787

以前小弟正正就係覺得DOH-HKG係6-11月搭親都全院滿座嘅時候，應該要轉架大啲嘅機俾呢條 ...

無錯我係幾鐘意 787，但如果只係一程 / 一個 DOH - HKG 來回的 787 被換走，我其實唔會太在意；只係訂咗三程 QR B788 最後一程都搭唔成，當然有點失落
（唔知 QR 係咪機型不確定就會寫 B788，好似 CX 日本線話 A333，容後再改）

有點好奇 B788 座位物料同其他機種唔同？去程搭到 A359 應該係同一款凳，但唔覺話特別熱

而且我訂 QR 機票時係唔 expect 會搭到（前） CX 機，就算派部陳年 A332 比我都係咁話；如果 HKG 係 premium heavy，派 A35K (46J 281Y) 或 QR 自家 77W (42J) 都唔會咁無瘾

今程 QR 815 的 crew 表現我覺得係四程入面最差，派餐絕對稱唔上 "快手"；另外三程分別係 A359 同 B77W

個慕斯我無留意佢係咪流動 / 倒轉個杯佢會唔會塌，口感類似空口食打發好的忌廉（配蛋糕嗰啲，可能再稠少少），唔算 100% 液體但亦唔係 100% 凝固；無論係似忌廉定漿糊，都唔係一個慕絲蛋糕的應有口感
但至少四程入面我食晒咁多兜甜品，腸胃並無出現任何問題

KV8948 發表於 2024-1-21 00:26
慕絲一定唔係雪櫃拎出黎，econ tray上既嘢除左熱餐同雪糕(如有)，全部嘢包括水/ 盒裝果汁/ 餐具/ 牛油/果j ...

QR 香港線算遲過 EK，運量亦不及 EK 飛杜拜
疫情前（同現時） EK 一日兩班 A380 (一班中停 BKK)、一班 B77W，QR 高峰時都係兩班 B77W / A359、B77W 各一

而且 QR 得 10 部 A380 ，規模遠遠不及 EK > 100 部；就算 QR 要擴張香港線，應該會用單層機開 3rd daily