東鐵綫本周六起加強週末及假日服務

TA7343@N241 發表於 2024-3-16 21:06
當日係星期五，所以都多咗客放工放學後北上過周末。

或者我對爆嘅見解有少少分別，嚴格上北行過咗大埔， ...

北區唔係無客，但真係有限數
17:30咁啱地盤收完工去到車站，但又要睇17:20同17:40前後呢啲時間又幾多人
繁時計，集中喺某一點爆嘅客量，或者某一班車爆多客，龜多數唔理，係去到持續兩三班車都清唔哂嗰陣，就會考慮攝加班車

遲啲又睇下17:45沙田特後後車如何，如果火炭都係繼續留後，或者畀到理由重檢下繁出車安排
但嗰班車唔多爆甚至有鬆動嘅話，就唔太推得郁龜做野

Ricky403 發表於 2024-3-16 22:13
北區唔係無客，但真係有限數
17:30咁啱地盤收完工去到車站，但又要睇17:20同17:40前後呢啲時間又幾多人
...

北區有排起，遲下喺北區返工嘅藍領只會越來越多。
古洞北同粉嶺北先起緊第一階段，剩低階段合共109公頃下個月會收地，而剩低階段規模係大過第一階段。
和合石嗰邊又會起七幢公屋。
起完樓都唔係完，因為仲要搞裝修，過幾年隨時日日幾萬個地盤同裝修工人喺北區返工。

同我自己唔係做地盤，但屋企附近多地盤，自己目前又唔係固定返office hour，唔多唔少略知一二。
返放工同其他行業差唔多，開工時間通常會sharp，但放工時間唔會好sharp，一般過17:00做完手頭嘢埋尾就收工。
做到18:00嘅唔算多，當然有啲搏／趕工嘅可能過18:00，幾年前見過有地盤真係打樁打到18:59，因為到19:00就唔打得。
如果17:30多地盤放工客嘅話，前後十分鐘相信分別唔大，始終每個地盤位置唔同，每日做完手頭嘢時間又唔同。

TA7343@N241 發表於 2024-3-16 23:49
北區有排起，遲下喺北區返工嘅藍領只會越來越多。
古洞北同粉嶺北先起緊第一階段，剩低階段合共109公頃下 ...

再之後就係，當地盤完工後，又如何？

如果地盤起既：

係工商設施，即係加重朝北夕南既逆通勤負擔，只係到時逆通勤既，唔係地盤/裝修工人。

係住宅，就更唔使多講，進一步加重根深蒂固既朝南夕北負擔。

兩者都不見得地盤完工後，負擔會減輕。

還有某些民粹所要求既粉嶺高球場改建公屋呢？

所以新界東北綫是否應只來往粉嶺至香園圍呢？

mckhgc 發表於 2024-3-17 13:00
再之後就係，當地盤完工後，又如何？

如果地盤起既：

地盤完晒工係講緊起碼十年後嘅事。
雖然古洞北同粉嶺北規劃主要係住宅，尤其公屋，模式同其他新市鎮分別唔大（粉嶺南有版睇），其他起緊嘅樓又多數係公屋，但十年後亦同時面對緊勞動力下降嘅問題。
粉嶺繞道亦會好快起好，鐵路外出大埔／沙田／市區會有多個選擇，當然未知成效係點。
十年後話唔定好多人會北上返工返學。
所以到時朝南夕北嘅通勤問題會唔會進一步加劇，其實係個水晶球問題。
唯一肯定係，短期（幾年內）往北區嘅逆通勤客量會持續上升。

TA7343@N241 發表於 2024-3-16 23:49
北區有排起，遲下喺北區返工嘅藍領只會越來越多。
古洞北同粉嶺北先起緊第一階段，剩低階段合共109公頃下 ...

真係要下繁頭段大埔墟以北加車嘅，北行上水、南行太和做到有兩班留後再算
甚至你話既然早10分鐘、遲10分鐘分別唔係咁大，咁其實龜可以同你拗咪做多20分鐘野去捕17:50上水起載架羅湖貨場出廠車🤭

屯馬綫󠄁大西北客主流方向咪又係日日畀佢咁玩
上繁天水圍頭班特車51要08:09先開出，之前都已經積緊客，朗屏錦上路上車嗰班焗住夾硬逼
下繁又係美孚18:40前車疏到成日留後積客，要班客夾硬逼上車

Ricky403 發表於 2024-3-16 20:16
咁東鐵綫繁時同非繁班次個差距又無咁大，當然假設係無甩班

坦白講，照有時撳ETA睇燈個經驗，唔太認同你 ...

好認同17:45沙田特真係垃圾到極點 ，而且呢個安排係去年2月6日開始，即係成一年幾，龜鐵都唔覺有問題？

呢幾日龜鐵有「聽你所想」乘客意見調查，雖然都知係廢既多，不過希望多D人去反映下，睇下有冇一線希望啦

3月21日 大圍
3月25日 旺角東

5:00PM-8:00PM

(之前去過九巴既同類活動，完全係假到冇得再假既垃圾公關show)

mckhgc 發表於 2024-3-20 20:56
好認同17:45沙田特真係垃圾到極點 ，而且呢個安排係去年2月6日開始，即係成一年幾，龜鐵都唔覺有問題？

...

根本方便自己車務運作，而唔係以客為先。
沙田特對服務逆通勤客有幾大幫助？
沙田站一帶除咗得少量政府寫字樓外，連埋大圍得極少量工廈同寫字樓，返工人數唔多。
城河以東（小瀝源同石門工廠區），好多用晒屯馬直出九龍。

TA7343@N241 發表於 2024-3-20 21:10
根本方便自己車務運作，而唔係以客為先。
沙田特對服務逆通勤客有幾大幫助？
沙田站一帶除咗得少量政府寫 ...

咁可以中間落墨嘅e.g.成個下繁提早12/24/36/...分鐘或HTD改哂大埔墟起載向南走
龜可能本身都唔打算做嗰兩班車南行生意i.e.只打算18:00前keep 15-17 tph，只係出廠既然經過沙田至金鐘就唔好嘥
一開頭疫情減班表直頭全部沙田起載南行添，大學已經死逼爛逼，火炭更加唔駛上
都係過海後先撥番一半班次走上大埔墟起載

不過假如龜轉用屯馬綫「乞式攝車」玩法，唔係而家拉勻沙田南行每3.2分鐘一班，而係拉勻上水南行每4分鐘一班
出廠車就攝中間，變咗2/2/4/4/4/2/2/4/4/4，唔知觀感會唔會好啲呢🤭

Ricky403 發表於 2024-3-16 12:34
屯馬綫󠄂都畀人嘈咗好耐非繁keep住6或7分鐘一班啦，明明全通後方便咗客係多咗
東鐵綫斬走嘅頭或尾三卡， ...

屯馬線非繁忙時段班次真係太疏，咁多人搭無可能成6－7分鐘一班，真係唔明點解依家通晒關都仲可以咁疏，搞到每次搭車都要睇住個eta做人

GIJOE 發表於 2024-3-21 10:06
屯馬線非繁忙時段班次真係太疏，咁多人搭無可能成6－7分鐘一班，真係唔明點解依家通晒關都仲可以咁疏，搞 ...

星期六上繁後個零鐘整咗個短嘅5.5分鐘一班時段🤭
星期日就真係係咁疏🤣