九巴43X減班

henryfung1515 發表於 2024-4-21 22:18
有錢賺邊個唔想做。市區路况塞車咁嚴重，收得幾蚊未必賺好多甚至蝕。之前有版友po過80年代蝕錢線，有好多 ...

80年代：大埔道 加 獅隧
如版友所講、新市鎮發展會帶嚟交通需求增加、某程度上沙田有需要因應新市鎮持續向外發展 而定時規劃新嘅主幹道、先有後來規劃嘅T2同T3＋T4等

90年代：陸續有 城隧 同 大老山
同時因為有呢兩條隧道、部份路線改路後塞少咗車、行車時間亦縮短咗，成本減低嘅效果下、重組後營收的確有改善。

00年代：青沙
青沙本來有疏導作用、但欠缺周邊完善嘅連接路、變相效果大打折扣。然而00年打後嘅巴士線狀況，亦都唔似90年代出現城隧同大老山時、比舊有路段更方便同快捷、路線重組/改行新路同時改善咗塞車問題。


今時今日變相好似286C咁、改去行青沙仲慢過本來86C行獅隧嘅時候、試問下又點樣可以改善路線蝕錢問題？九巴Hea做係一回事，更大主因係沙田嘅道路規劃、呢20年近乎冇進展過，連傾咗最少20年（連埋上世紀倡議起T3同T4討論、係50年都嚟緊）嘅T4連接路、到今時今日都仲未傾掂數 批錢動工，沙田堆巴士線盤數要改善、至少最基本係沙田啲道路網要配合得到今時今日嘅發展、先有資格講賺蝕。

RyanPun 發表於 2024-4-21 23:03
80年代：大埔道 加 獅隧
如版友所講、新市鎮發展會帶嚟交通需求增加、某程度上沙田有需要因應新市鎮持續向 ...

T4咁多年的阻力係來自邊度?T3即係現時咩路線,thanks

hadboy5 發表於 2024-4-22 00:29
T4咁多年的阻力係來自邊度?T3即係現時咩路線,thanks

T4路多年來都是因為景觀、噪音問題而拖延，初期影響的是蔚景園，後期則是溱岸8號。

T3路即是沙田區內一段青沙公路。

RyanPun 發表於 2024-4-21 23:03
80年代：大埔道 加 獅隧
如版友所講、新市鎮發展會帶嚟交通需求增加、某程度上沙田有需要因應新市鎮持續向 ...

286c收貴你1蚊已經係誘因。改善唔到行車時間，成本減唔到，唯有諗方法收貴啲增加收入。所以出現286c打特快收貴你1蚊。
唔只沙田，全港塞車情況係比以前勁咗，但道路網無大改善。
九巴hea做就係因為無賺，點解無賺，就係路面情況惡劣搞到成本大增，甚至有人會因為咁而唔搭巴士。塞車其中一個原因就係道路網，根本所有野都環環相扣