建議開辦 87 循環來往筲箕灣及百福道，重組 2 27 85

106116_1023 發表於 2024-5-18 21:54
咁你咪當一車做哂中碼去炮北同電車路流水囉，但西行北東去老銅只有2A同疏8H，仲有大坑去灣中。
但你覺得8 ...

中碼去炮北搵條西隧線加番分段處理
西行講到尾都係執雞，加番車比2A就得啦。何況2行怡東，本身吸引力都唔大啦
87最大問題係搞完一大輪都對巴士公司同乘無著數，純粹為補而補，咁點解要搞

2076 發表於 2024-5-19 01:00
之前提出過唔同重組方案，不過成條 2 殺的觀感真係好差，甚至提出過中碼去炮北由 A11 頂左佢就算，結果比 ...

A11 加番分段既話，我又唔覺得太大問題

87問題係搞到成個重組極為複雜，百福道個位又唔係用現有路線去補

P.S. 2 就擺明係屎水既眼中釘啦，不過要郁條2就注定要拉好多線補位，所以屎水先一直唔搞。不過唔重組唔代表可以繼續留番6部車係手，屎水一樣可以玩減班，30郁到35，甚至40分鐘都唔出奇。

KU_7002 發表於 2024-5-21 13:39
中碼去炮北搵條西隧線加番分段處理
西行講到尾都係執雞，加番車比2A就得啦。何況2行怡東，本身吸引力都唔 ...

事實係邊度有西隧全日線去到炮北？
咁多獨市位如果呢度果度要加車補位，咁同保留番2無乜分別，而且條西隧線密過半個鐘成本咪仲大！
難道你又想講A車？以前咪講過唔work，成本仲大，又嚴重拖慢車程。
西行有愛秩序灣、大坑去上環獨市位，
2唔行行怡東仲可以點？清風街上有18，入怡和街有2A，大坑出黎唔上橋仲可以點？仲有內告都站站有落，行怡東無問題。
87建議根本就係太FF，有幾多唔認識同偏見先諗得出，巴士路線係以人為本，唔係為鬥氣！

其實除左減班
2路線計劃基本上都無佢份
仲要好多年

反而2未死有堆線死晒
好似5 23A 25C 529
不如諗下上面個堆線要死
18都差D要釘蓋
2點解無佢份

個真正分別係邊
解得到就唔會再輕易再搞2

KU_7002 發表於 2024-5-21 13:39
中碼去炮北搵條西隧線加番分段處理
西行講到尾都係執雞，加番車比2A就得啦。何況2行怡東，本身吸引力都唔 ...

A11就不了，要成堆機場+珠橋客陪你一齊兜中碼，係咪嫌條線而家仲未夠爆

其實好奇仲有邊條全日西隧線可以一次過兜中碼+拉去北角碼頭? (如果要補中碼去炮北，條線至少要去到北碼)

106116_1023 發表於 2024-5-21 16:32
事實係邊度有西隧全日線去到炮北？
咁多獨市位如果呢度果度要加車補位，咁同保留番2無乜分別，而且條西隧 ...

愛秩序灣去上環有720，去大坑先係得2

其實2都殺唔到，7X又話開唔成，不如2同5x重組？放番2西行行軒尼詩道應該解決到大坑需求，可以殺5x(西區再諗點補償)

bryan_KW1792 發表於 2024-5-21 20:26
愛秩序灣去上環有720，去大坑先係得2

其實2都殺唔到，7X又話開唔成，不如2同5x重組？放番2西行行軒尼詩 ...

我意思係愛秩序灣區內有獨市位同大坑去上環有獨市位...
2唔係無客，有佢價值，本身就唔應該郁。
2同5X一條流水線一條快線，性質又同，中灣銅又唔同路，完完全全係兩回事，唔係話合就合，
行軒尼詩道又會跟2A 25走得太埋，東行又cover唔番中碼，合併最基本係唔影響原有路線，好似85/529咁，
而且點樣定價都成問題，拉到堅城又做水街直飛巴公捨得唔加咩，但貴過現有收費又達唔到原有流水效果，所以肯定行唔通。
點講都係唔郁好過郁！

KU_7002 發表於 2024-5-21 13:51
A11 加番分段既話，我又唔覺得太大問題

87問題係搞到成個重組極為複雜，百福道個位又唔係用現有路線去補 ...

百福道之前話用 41A 補結果唔 work，87 就真係一條佢地有用的路線，只不過係嚴重唔夠客咁解。

巴士公司誘因都係非繁可以收起兩部車唔駛行 27 蝕大本，以及減少 722 非繁被 2 搶客的問題，假日冇星期一至五 office hour 車長，但 B3X B7 B8 都要車要人，2 部車都幫到手。


連 2 北碼來往港碼都唔開，用 A11 解決的話，你都見到下面點樣投訴話唔可以拖慢機場去炮北。

而家港島巴士困局，唔單止係東區，就係城巴唔夠人唔夠車去開口岸線，港島路線想重組慳車又係咁比人反對，結果就係有客又較為密少少的線 2A 2X 10 720 970 970X 比人瘋狂收車。西區 1 5B 5X 都已經減到冇眼睇，係就係仲有好多流水選擇，但其實都係唔實用。

不如咁講，如果城巴目標係假日非繁要拎 5 部車去 B7 打仗，佢成個網絡就會有 5 條線每條各收一部。重組慳車的好處，就係減少重疊令資源浪費在執雞身上，明明班客都唔係非搭 2 來往中西區同東區不可。

kay 發表於 2024-5-21 19:18
其實除左減班
2路線計劃基本上都無佢份
仲要好多年

2 堆短途獨市位冇有效 BBI 或者雙向分段去做，但 2 縮短 + 87 組合其實係處理到。5 補位的 5X 其實咪一樣係加左價，5B 其實又只係隔一條街，先至殺到。23A 就拉左 12 做西摩道獨市位，但到最後都係冇埋。25C 反而炮台山上山焗人行去坐 25 27 85，529 事實上係 85 食左獨市路段。

bryan_KW1792 發表於 2024-5-21 20:19
A11就不了，要成堆機場+珠橋客陪你一齊兜中碼，係咪嫌條線而家仲未夠爆

其實好奇仲有邊條全日西隧線可 ...

西隧線唔加至少兩部車去唔到北碼，基本上 A11 係唯一選擇。

不過你都唔同意 A11 兜碼頭，咁其實都冇得搞，留返 2 仔去北碼都可以係一個短期選擇。