建議 3X 提升至全日服務，10 取消循環運作，重組 1 3C 7 9 208

窩打老道近聯合道去太子旺角得返87D 281A，變相加價(6.4>7.1)，仲未計呢兩部車成日冇位

S3BL100 發表於 2024-6-5 22:53
點解搞 7 就一定要扯埋 3C 落水？
7 本身得一水客但 3C 唔係，要搞 3C 難度高好多，3C 搞得都只會係調撥 ...

老牌線唔係唔改得，當然，1 號唔可以唔做竹園同九龍城，但中間小改唔係冇可能，尤其是較少客的摩士公園路段。2 仔當年都比人拉左過去荔枝角道唔行黃金，當年的班次亦都唔差過現時 1 號好多。1 號路過樂富而唔停內街，成個樂富都用唔著 1 號，其實係浪費資源的一種，而且傳統上，竹園同樂富當同一區做係冇問題，1 號好多年前亦都係做過橫頭磡。

3C 問題主要係開左 3X 之後，佢對慈雲山的價值除了輔助 2F 做黃大仙 BBI 之外，就得返來往九龍塘呢個小眾需求，我又唔認為接駁黃大仙 BBI 25-30 分鐘一班好大問題，因為有 2F 包底，同埋據自己觀察，轉乘客唔係真係多到 2F + 新 3 搞唔掂。旺角半全日線，其實出旺角方向去到夜晚 7 點都有客，去住宅區就下午午飯後都開始出到客，所以 3X 做半全日都至少要用多 6 部車，咁倒不如拆足全日，乘客都會多啲信心去坐佢，唔駛限時限刻。另外有一樣重點，其實係 3X 的優先度係高過 9X 好多，如果 7 同 9 合併，車隊都係優先全日化 3X 好過做 9X。3X 唔用呢個機會加時做全日，以後都唔會有機會。

至於 9 同 10 的問題，9 係來往亞皆老街冇乜吸引力，客底唔夠，所以來回行窩打老道，倒返 7 的大部分客去埋 9，會改善到 9 的營收。10 就因為大循環行車時間問題，有啲有客位佢唔夠時間兜。其實去大角咀做漏左九龍城內街出去旺角，本身逆方向都有客，照計 10 入返九龍城內街會出到多啲客，去彩雲方向亦都應該行東頭村道去黃大仙下邨補返 9 的空缺，食返多少少客仔。9 行窩打老道，以及 10 轉返雙向運作，我會認為係相當應該做的兩樣野。

不過如果堅持 1 號唔改得，7 同 9 合併放車比 3X 升全日都應該走唔甩，我會建議用以下方案去做，9X 容後處理，另外，用 208 亦都處理了所有有關 7 的收費問題。

7 取消 (-10)

9 彩福 <--> 尖沙咀碼頭
往尖沙咀改經東頭村道、鳳舞街、杏林街、樂富總站、聯合道、露明道返回亞皆老街，然後經窩打老道落尖碼。(https://maps.app.goo.gl/QzprEfmS3AmwkQjy9)
往彩福改經窩打老道，亞皆老街之後入露明道、嘉林邊道、聯合道、樂富總站、鳳舞街、東頭村道。(https://maps.app.goo.gl/6mXbn6Lu5EWojrqy6)
分段收費不變。班次不變。(+1)

3C 不變 (+0)，3X 全日 15-20 分鐘一班擺麼地道 (+7)。

10 彩雲 <--> 旺角柏景灣
往柏景灣改經九龍城內街及亞皆老街。(https://maps.app.goo.gl/zvyUmXt1bscwauZw5)
往彩雲改經東頭村道去黃大仙下邨。(https://maps.app.goo.gl/wCcfDuKJiJZPngUG9)
班次不變。(+1)

208 廣播道 <--> 尖沙咀東
來回繞經尖沙咀碼頭，放棄聯福道。
往尖東改經窩打老道、禧福道、喇沙利道、蘭開夏道。(https://maps.app.goo.gl/ByV778NW6eUven788)
往廣播道改經蘭開夏道、窩打老道、多實街。(https://maps.app.goo.gl/79EXAZ1ymUapnhjn7)
尖碼往廣播道加 $5.4 分段，浸大往尖東加 $5.4 分段。加時，25-30 分鐘一班。(+1)

1181174166 發表於 2024-6-5 19:04
Ref:之前在下建議

只能夠話影響唔可以完全避免，呢6點只係開始

如果樂富要綁窩打老道落尖沙咀，其實唔係 9 就係 208。加上如果 1 號唔改得，咁就要用我啱啱回 S3BL100 ching 果個方案。

但其實以樂富落尖沙咀計，呢類市區中距離行程，鐵係冇得輸，正如荔枝角站都唔會有人坐巴士落尖沙咀一樣。所以我係諗直接放棄，用 1 做當做左算，反正密車令巴士支持者坐在車上兜都好過罰企等車，未必真係咁差。本身竹園都有唔少客坐 1 來往尖沙咀，所以 1 的速度都唔係慢到接受唔到。

尖碼同九龍塘段窩打老道的收費問題，其實 208 來回兜尖碼，再加返分段收費都處理到，當然，乘客會唔會死等 208 唔上 81C 271 就閣下自理。而本身 271 停九龍公園徑去天星其實都好方便。

10 加劇負擔其實係希望可以達成的結果，亦都建議全線轉雙層行走。本身 10 的班次都尚算可以見得下人，推客去坐佢改善上座率都係一件好事。

JF6839@88K 發表於 2024-6-6 12:13
窩打老道近聯合道去太子旺角得返87D 281A，變相加價(6.4>7.1)，仲未計呢兩部車成日冇位 ...

九龍塘站坐 MTR 去太子站 $4.8，去旺角站 $5.7，去旺角東站更只需 $3.9。

當然，如果想要平巴士都可以 208 兜出去窩打老道再禧福道入返喇沙利道，加返分段收費。

2076 發表於 2024-6-6 14:42
九龍塘站坐 MTR 去太子站 $4.8，去旺角站 $5.7，去旺角東站更只需 $3.9。

當然，如果想要平巴士都可以 2 ...

窩打老道嗰堆巴士站去九龍塘站，話就話尚算係合理步行距離，但大熱天真係唔會想咁行，仲要上上落落地鐵站

九龍塘會嗰度，10號仔淨係去到先達嗰頭，對比起而家3C做埋豉油街係有啲不足，所以先覺得加返87D or 281A 6.4分段會好啲

208補返呢個位冇乜大意見，但班次都係降咗級

JF6839@88K 發表於 2024-6-6 15:08
窩打老道嗰堆巴士站去九龍塘站，話就話尚算係合理步行距離，但大熱天真係唔會想咁行，仲要上上落落地鐵站: ...

208 出返大路執多少少客都合理的。如果九巴冇所謂，281A 加返分段都係非常簡單的小改動。

我會認為以九巴作風，將部單層疏車 208 做象徵式平車似係佢會做的事多少少。

九龍塘窩打老道其實都見到人人都唔太介意上 87D 281A，甚至係上 170 182 過海。

2076 發表於 2024-6-6 14:39
如果樂富要綁窩打老道落尖沙咀，其實唔係 9 就係 208。加上如果 1 號唔改得，咁就要用我啱啱回 S3BL100 c ...

9咁行又同7B/113鬥搶

6同7比
青山道vs窩打老道
兩條並行鐵路vs兩鐵串聯鐵路(i.e.轉車)
我唔認為7輸硬
更甚出旺角更輸蝕，反而塞1入去

208兩個問題
1 服務時間
2 降價
至於九龍公園徑行過去，天氣唔熱1蚊都唔比九巴賺行落去又點話

10 加劇負擔係講條路唔係講架車ok?加劇嘅係塞車

2076 發表於 2024-6-6 14:17
老牌線唔係唔改得，當然，1 號唔可以唔做竹園同九龍城，但中間小改唔係冇可能，尤其是較少客的摩士公園路 ...

我同意 3X 優先程度比 9X 高，但用 9 資源去換，搞到彩福出油尖旺本身已經兜，仲要兜多左又入唔到旺角，就真係講唔通

當然以 3C 12 部車要做齊 3C 全日再加 3X 半全日係有難度，但 3C 自己本身都有唔少 15 分時段，全部變晒 20 再畀 3X 服務時段開 20 分一班，其實未必要加好多車。最簡單同正常做法係直接陰乾條 7，可能再加埋 203E 減少少車，兩條線都未必要改

另外就係 3X 做半全日，跟返你之前有個版本建議，擺中港碼頭、回程唔做尖沙咀，可能仲好。一來同 3C 兩邊相同總站，更容易維持班次，互相救亡；二來尖東麼地道出站可以好塞

反正慈雲山 wish list 仲有其他野，3X 係有需要做但優先程度點都排唔到頭兩位，但難度本身已經低過 2P 全日。2P 先煩，3C 假假地仲有 15 分時段而 2F 相對少好多，2P 呢類基本上唔用 3B 一類廢線去換係做唔到

另外要留意 7 雖然名義上有 10 部掛牌車，但按班次數目同行車時間推算，同一時間應該最多得 8 部車行緊，你當條線派 8 部車就得。唔好忘記隔離有條一轉都要兩粒鐘但只得三部掛牌既 7B，可以推算 7 全日都有車要輪流行 7B 跳飛機。同理 10 仔唔同時間都有車做 2D，你當條線得 7 部車行就得

1181174166 發表於 2024-6-6 19:00
9咁行又同7B/113鬥搶

6同7比

9 咁行都只係萬基來往黃大仙區有重疊，問題都唔算大，本身 9 取代的 10 都係重疊左九龍仔落去萬基大廈。

6 同 7 比，至少 6 贏到班次。點解尖沙咀會輸過旺角，係因為一啲唔算好近鐵的位，頭尾去坐 MTR 的步行距離佔總行程時間的比例高好多，令到 MTR 車速快的優勢會少左好多。例如嘉強苑富強苑，行去樂富站 10 分鐘 + MTR 9 分鐘 + 目的地再行 5 分鐘 = 24 分鐘，門口 3C 落旺角，唔駛行 20 分鐘到。所以如果用 1 號密車去做，連等車時間都慳返一截，加上旺角目的地若然係近油麻地果邊例如信和，巴士競爭力會再大少少。但係尖沙咀就唔同，因為巴士車程長過 MTR 唔少，7 仔 40 分鐘，MTR 係 10 + 16 + 5 總計 31 分鐘，去程 7 仔仲要兜杏林街。所以先至會建議做好旺角，半放棄尖沙咀。

208 降價問題唔大，因為沿路仲有比佢更貴的 81C 270A 271。208 咁的服務水平，有客上 81C 都唔出奇，變相九巴唔會怕減價會令成盤大數差左。

旺角道路負擔計，原本 1 + 3C + 9 + 10 變 1 + 3X + 10 + 208，實際上都冇乜大分別。

S3BL100 發表於 2024-6-6 21:21
我同意 3X 優先程度比 9X 高，但用 9 資源去換，搞到彩福出油尖旺本身已經兜，仲要兜多左又入唔到旺角，就 ...

彩福出旺角多數都係用 2X 太子落行落去，資源兼總站空間有限係要取捨。3C 3X 唔打 7 主意唔得，拉埋 9 重組只係合理化呢個行為。彩福的 9 我會定位做轉乘加流水就算，落油尖旺唔係佢的功能。2X 做旺角，其實補一條尖沙咀快線都好夠。我反而會諗 5 轉做半直通，減班拉過去擺彩福，同時 5P (2024-25 版本) 升全日。因為 5X 已經正式宣佈死亡，換言之九巴可能係想做大 5P。5 仔自己客量一路插水，又有 5A 11 28 同佢互疊，改線搵客都可能係一個合理方案。


3X 走線個人冇乜 Preference，兩個方案我都有寫過。但因為 5X 摺線的關係，3X 回程行尖沙咀段彌敦道都可能係九巴想做的事，當然我都同意係完全唔吸引。

2P 在今時今日環境個人唔傾向搞，有 A2F 對打九巴唔會輕易再減 2F，面子緊要。

至於用車數目方面，成個 pool 減 3 車應該都仲計到的，3X 用車係高估左少少，同埋可以透過減 3X 逆向班次解決。