建議 33A 來回改經荔枝角道並延長至佐敦

S3BL100 發表於 2024-6-26 20:23
「轉車站落黎唔塞落同一條路」同埋「唔改得 59X 60X 67X」兩件事其實無任何矛盾，只係你想當然，諗住改得 ...

其實長遠係要分流長沙灣道同荔枝角道

不過，荔枝角道加返巴士專線同埋郁過哂d 燈再講

37 又彈 66X 又彈

荔翠一帶唔行返元州根本無咩交通可言

菜欄重建完之後都應該再執過

其他方面不評論，但大窩口、葵涌邨往返明愛醫院附近的服務，由有變無終究都要解決。

S3BL100 發表於 2024-6-26 20:23
「轉車站落黎唔塞落同一條路」同埋「唔改得 59X 60X 67X」兩件事其實無任何矛盾，只係你想當然，諗住改得 ...

「轉車站落黎唔塞落同一條路」同埋「唔改得 59X 60X 67X」兩件事其實無任何矛盾
以上三條係咪「轉車站落黎塞落同一條路」?「轉車站落黎唔塞落同一條路」同埋「轉車站落黎塞落同一條路」無任何矛盾?A and not A出到true你都好嘢

多人又點少人又點?荔枝角道去到大西北，「成件事又好唔同」

轉車站就係想減少重疊一句多人就無咗原意，算，但係你又一次劫貧濟富

33A同2都叫聯合，6C+6F聯合7.5添，2斬唔到33A又做唔到尖沙咀
北行搞唔掂你正正經經搞好2先啦好嘛?

46隔離條45，點會無得比?33A深水埗非繁夠有客，你咪又郁?
所謂甜頭甜唔甜先?少甜都係甜喎
二元對立?你開返一半行長沙灣道咪唔二元對立囉，唔可行吖嘛
46呢個case多咗大角咀就係多咗，只係甜頭多少問題，你覺得唔得，可以否認你覺得「弊多於利」?

37X做到佐敦，33A無必要拉，甚至37X做返287X咁行好過你拉33A

38A抽238X衰極都係海濱線喎，呢頭30X你覺得唔減得，轉個頭又抽?

32，大區喎，你話二元對立，總好過你把伸縮尺囉
33A葵涌邨你拉埋荔枝角道同鐵路站有距離，33A拉完，落車站影響細啲?梗係啦倒咗落鐵路吖嘛


梨木樹有車搞36X先，葵涌有車都搞37X先啦，根本區區都唔想落去
38A加一車換36A出嚟，已經比搞著葵涌邨易，32同36B合併梨木樹肯過你再算，恐怕36見過鬼都怕黑

天空之神 發表於 2024-6-26 21:55
其實長遠係要分流長沙灣道同荔枝角道

不過，荔枝角道加返巴士專線同埋郁過哂d 燈再講

「因應人口增長增撥資源」
講現實抽車都係先要咁寫，抽就後話架啦，咁醒幫佢諗抽邊條，最癲連師傅表都諗

就呢一句，畫完線再四圍陰返啲車返嚟都唔遲，人手係唔夠但衰極暗盤加到車吖

1181174166 發表於 2024-6-26 22:17
「轉車站落黎唔塞落同一條路」同埋「唔改得 59X 60X 67X」兩件事其實無任何矛盾
以上三條係咪「轉車站落黎 ...

唔好偷換概念，以為扭曲邏輯混淆視聽就可以 disprove 人地就好叻

咁屯門轉車站落深長荔至少有 59X 60X 66X 67X 四條，計埋 52X 就五條。按照你個邏輯，就算畀你夾硬改到 67X 落荔枝角道，之後咪又係 59X 60X 66X 重疊，轉車站出來塞晒同一條路，咁係咪又要改 60X 行元州街青山道、66X 行填海區？咁先唔會有是但兩條重疊喎。不過咪住，仲有條 52X，又應該點改？深長荔東西行有咁多條路畀你揀，插到條條線都唔同行法？

真係要改一條，點解偏要搵條多客線改，而唔係改條少客 66X？你好似仲未答到我，仲講咩「多人又點少人又點」，乜而家影響十個人同影響一百個人無分別？係得你先非黑即白，唔怪之得之前大條道理要多數 6C 客遷就少數 6F 客，大條道理將成條密車線由青山道抬走

2+33A 同 6C+6F 無可比性，2 仔睇個 trend 都知無可能回復昔日光輝，反正都係疏車，返唔到轉頭，20+20 唔係一個太差既 solution，但唔代表本來密車線都事必要畀你咁樣攬炒，搞到萬劫不復。從來開聯合班次都係差過一條密車線掃晒，前者係要無其他合適辦法先要咁做

你亂改人地條 46 都同我改 33A 無可比性，33A 行荔枝角道都仲做到深水埗，46 做唔做到？得條 30 分一班 45 就想過骨？仲講咩大角咀都係甜頭，屎就大過人地、甜頭就一粒糖仔，果然係貫徹你一路非黑即白思維，程度完全唔考慮

你話我伸縮尺都好，事實係呢個世界黑與白之間，灰色都有好多種

32 合併 36B，如果放到車 36X 全日，梨木樹一樣咁多條總站線，又可以去埋尖沙咀，根本就唔一定過唔到。反而你想抽 36A 拉 38A 落填海區，問題係 36A 而家做緊個順時針圈，根本已經無位可以甩，一甩就有流水客無車搭，條線已經幾乎無任何重組空間，所以都係收手啦

dcyw 發表於 2024-6-26 22:07
其他方面不評論，但大窩口、葵涌邨往返明愛醫院附近的服務，由有變無終究都要解決。 ...

其實大窩口、葵涌邨主要應該係去仁濟同瑪嘉烈？

S3BL100 發表於 2024-6-26 23:10
唔好偷換概念，以為扭曲邏輯混淆視聽就可以 disprove 人地就好叻

咁屯門轉車站落深長荔至少有 59X 60X 66 ...

你又好威抬埋條6C出嚟講，本身唔殺6F好地地6C行入面，呢樣百版討論不了

66X睇返11#啦，有講到架，荔枝角道有大西北線成件事都好唔同架，又係咪拉到?
咁講完一輪之後，「但一個正常合理巴士線網絡，又真係唔見得有理由咁多條線塞晒落同一條街」，講就兇狠，結果一條都拉唔到，開線又無可能
不過咁，件事由33A去到大西北線，打返轉頭就係33A受影響人數比荔枝角道使用人數多?
葵涌邨不及成個大西北啫，都要搭車喎，唔可能因為客少啲就為交數而交數
2北行你都搞唔掂仲20+20?北行2食唔哂又唔同站位但，南行又低迷，不如扶正2睇下谷唔谷得返15分鐘一班好過20+20，45/46 30+30都講到聯合到站(而唔係10+20)，20+20更易聯合到站

46屎大過糖唔通33A唔係?一味話闖關就係話你屎大過糖，仲好醒咁話人二元對立真係叻仔

36A 而家做緊個順時針圈又點?
38A做填海區碧海藍天，36A東京街出返去做荔枝角道，巴士站合理步行範圍已經唔係叫你出長沙灣道
問咗好多次，係咪一定要有線行哂成條荔枝角道?
行唔哂又唔會唔識搭車嘅

1181174166 發表於 2024-6-26 23:27
你又好威抬埋條6C出嚟講，本身唔殺6F好地地6C行入面，呢樣百版討論不了

66X睇返11#啦，有講到架，荔枝角 ...

66X 可以點改，我 #15 咪提出左我個諗法，係你之後好似視而不見，然後講到好似可以大條道理拎多客 59X 60X 或 67X 亂改，講到好似同改 66X 無分別

咁講啦，我就從來無保證過 33A 改行荔枝角道後，受惠人數會有幾多。我從來講緊都係，可以肯定如果要改一條線落荔枝角道，都無乜邊條比 33A 更適合，原因不外乎因為 33A 服務範圍比較近鐵路、受影響人數比其他路線少，而且反正都係要加時，況且除左 33A 都無幾多條可以溝糖去做

但係如果計受惠人數，除左荔枝角道沿途往來荃葵同油尖旺乘客以外，仲應該計埋 33A 原有服務範圍往來旺角至佐敦乘客

至於你將你改條 46 做填海區，連深長都飛埋，然後將大角咀甜頭程度講到同 33A 旺角站位加油佐甜頭比較，講到好似無分別，就真係得啖笑

36A 順時針圈個問題係區內流水

S3BL100 發表於 2024-6-27 01:10
66X 可以點改，我 #15 咪提出左我個諗法，係你之後好似視而不見，然後講到好似可以大條道理拎多客 59X 60X ...

如果你講咗，又何須反問我?
問題核心唔係邊條線拉落去，而係唔似理想分到落去，塞落同一條街係焗住

46嗰度，比較唔到?邊個二元對立呢?45可以直落彌敦道落車站位靚呢?安慰嘅係你仲識講程度
33A來往旺角至佐敦，好聽但問題係扣長沙灣道唔係特快線而係流水線
你覺得同紅綫重疊，中長途搵流水33A做咪整殘條線
既得利益你要抽走，嚿糖唔大到夠糖尿都係麻煩

36A問題，小巴呢?
字頭區話事都係大牙力啲架啦，又或者東京街直接38A做返

S3BL100 發表於 2024-6-26 23:11
其實大窩口、葵涌邨主要應該係去仁濟同瑪嘉烈？

不是，因為同屬九龍西聯網。

以下是一些例子（雖然不是居於大窩口、葵涌邨，但同樣使用九龍西聯網服務）：

• 已過身的家人居於石籬，最初因為普通老人病使用仁濟醫院服務，後來需要專科服務，所以被轉介到瑪嘉烈醫院專科，但專科方面，只有覆診或入院治療會在瑪嘉烈，其他跟進治療程序被安排到明愛醫院處理。最記得的是在專科覆診的接待處，有一張告示教導病人如何在取藥後自行由瑪嘉烈醫院步行到荔景山路乘九巴45、46前往明愛醫院接受跟進治療
• 居於葵盛的舊同學，在仁濟醫院覆診，但同一病症的檢查則被安排到明愛醫院
  

所以要到仁濟、瑪嘉烈、明愛三間醫院之中的一間、兩間、還是全部三間，要視乎你的病症。

至於因著同一病症或因而需要使用戴麟趾、北葵涌、伍若瑜、南葵涌、下葵涌、青衣長康、青衣市區的服務，則視乎那間分科診療所較方便你。