[原文已鎖] 新式閘機啟用消息

S3V3 發表於 2024-8-5 17:37
呢個問題，細佬有諗過，就算依家SJST年代都曾經諗過可行不。就係張SJST／QR單程票票值貴過目的地站去兩尖 ...

兩尖之間範圍咁大，仲接駁埋K11，點可以話封就封？
根本依家合併左咁耐，連屯馬都合併埋，尖東<>尖沙咀已經唔係⼀個必要嘅轉乘點，因為乘客仲有其他相對合理既選擇，只保留俾八仔客轉乘係最簡單有效而低風險做法。

S3V3 發表於 2024-8-5 09:56
如果單程票做到QR乘車碼咁，係咪可以順便解決埋依家各大QR乘車碼或者信用卡用兩尖轉車當兩程嘅問題？ ...

唔會做
因現時在系統上QR Code及信用卡嘅定位係SJQR-PAYG
講白啲即係收八達通車費嘅單程票 自然跟晒SJST嘅限制
要做係做到 只係唔做
QR Code/信用卡出閘後可根據上一程車程資料再作調整後向相關機構收款
反正新系統下QR及信用卡出入閘及頭等記錄近乎實時傳送至伺服器
至於為何不做？
好大可能係出於商業考慮 如果做到其他付款方式太接近八達通
只會減低八達通嘅市佔率 影響八達通壟斷交通付款嘅地位

kei_hk 發表於 2024-8-5 09:42
按上面引述原文
電子單程票 = 由apps gen出qrcode﹐即係做到動態 code﹐亦可限制cap 圖﹐可以大大降低交 ...

有心交換車票 準備第二部電話拍照再傳送俾他人就可以
呢個係條碼嘅先天限制 你點禁都禁唔到

KU1143 發表於 2024-8-5 19:20
有心交換車票 準備第二部電話拍照再傳送俾他人就可以
呢個係條碼嘅先天限制 你點禁都禁唔到
...

留意﹐我係話「可以大大降低交換車票問題。」

交換車票﹐從來都無一個系統性方法可以完全杜絕﹐只有透過方法去降低發生的機會。
始終﹐你永遠唔會杜絕到互相見面﹐見面交換這個做法。
只要係面對面交換﹐你用八達通﹑單程車票﹑手機乘車碼..... 一律都可以交換使用﹐無系統可以防止乘客這樣做。



用條碼又係唔係先天限制﹐令到交換車票更容易﹑更多人交換車票?
答案係非必然﹐只係睇設計者點去做﹐同埋點去在用家使用層面及保安層面取得一個平衡。


用apps gen QR Code﹐第一重保安﹐就係動態code。
可以係60秒轉一次﹐可以係45秒轉一次﹐亦可以好似九巴一樣15秒轉一次﹐再頻密D都仲得。

每個code時效越短﹐亦代表你可以send個code給對方﹐去對方接收後﹐再真正進行交易scan的時間越短。
只要控制每個code的有效時間﹐就可以控制 "隔空交換code" 的方便程度/成功率。

由於每個code都有時效問題﹐所以無得預先send定code。
當你要出閘時﹐要確保對方會短時間內 "應機"﹐如果唔係你又要慢慢等。

即使每個code有效時間係15-30秒﹐準備出閘的人都要在閘前準備﹐再通知對方gen code send code﹐接收到個code後就要急急腳去scan出閘。
只要其中一方手腳慢少少﹑網絡有延誤﹑突然間多人出閘要排隊﹐都有機會令到個code失效﹐又要重新才搵對方再send code。


多種的不便﹐就會令多數人嫌煩﹐唔會採用 "隔空send code" 方式去交換車票﹐自然大大降低交換車票問題。

S3V3 發表於 2024-8-5 17:37
呢個問題，細佬有諗過，就算依家SJST年代都曾經諗過可行不。就係張SJST／QR單程票票值貴過目的地站去兩尖 ...

要比較車費去判定單程車票乘客﹐是否可以在尖東/TST轉車?

即係玩緊乘客及前線員工
乘客問職員由 XX站去YY站﹐可唔可以經TST/尖東轉車﹐職員都要慢慢搵資料去check。

倒不如直接設定做不能做轉乘好過﹐所有人都清晰﹐唔會有混淆。


至於2個站的轉車隧道......
印象中﹐有講明係屬開放空間﹐唔可以轉做收費區。
所以﹐不用向這堆隧道打主意。

Man@MFHK 發表於 2024-8-5 18:58
兩尖之間範圍咁大，仲接駁埋K11，點可以話封就封？
根本依家合併左咁耐，連屯馬都合併埋，尖東尖沙咀已經 ...

講開又講
其實而家仲有咩車程會係兩尖轉車便捷過其他免再出入閘轉車組合？
暫時只係諗到屯馬線沿途各站（美孚、何文田、鑽石山除外）來往佐敦

busnrail_fans 發表於 2024-8-5 23:45
講開又講
其實而家仲有咩車程會係兩尖轉車便捷過其他免再出入閘轉車組合？
暫時只係諗到屯馬線沿途各站（ ...

[打倒昨日的我先]
唔想行咁長通道其實何文田+油麻地可以取代到兩尖，最多轉多一次車甚至咁樣轉法去彌敦道各站（尤其太子、旺角同油麻地）仲好過行美孚長通道。

s20131417 發表於 2024-8-7 11:27
大圍站H出口已換3部（#174-176，僅出閘），#173要改用流動八仔機；另近A、B出口亦已換2部（翻新機#109仍未 ...

尋日見到有H出口有綠色龜背嘅承辦商職員企閘邊睇入閘情況，應該都係呢一兩日新安裝