B1 南行元朗特車中途站到底係咪只落不上？

lsc04d11 發表於 2024-9-4 08:05
冇嫁喎 司機常有先入為主嘅心態....
我搭過唯一一次259R 我就兆麟先落 估唔到個司機完全唔入259D往龍門居 ...

我都試過類似情況，98到峻瀅想過對面轉290X返康城總站，司機站尾落完客就抽頭，揮晒手都唔Cut返入黎
最後我邊行返康城站邊bot1933

另外亦試過E33P到富泰前已經閂電牌，扮私牌車落客抽頭走（慳返入兆康站路程）
最後要等多3個字先有261，火滾

EvilKo 發表於 2024-9-4 08:50
我都試過類似情況，98到峻瀅想過對面轉290X返康城總站，司機站尾落完客就抽頭，揮晒手都唔Cut返入黎
最後 ...

細佬都試過，想係匯翔道等260X諗到去紅火（膘客，所以無搭龜鐵），咁就企係佐治五世公園出面個站等。架260X就右轉出嚟，細佬遞晒手行埋出路邊，佢都飛站，重點係佢右轉完出咗慢線，我以為佢睇到我先駛埋嚟，點知照飛（細佬懷疑佢地唔覺得長途線會有市區短途客）
最後死死氣等12號（好在2分鐘有車），再係尖麼行過去。。。

ccchhhuuunnn 發表於 2024-9-2 22:52
呢個都仲睇得明

但因為直接飛站而要特登搭天水圍班次係咩解究？

其實樓主已經講得好清楚，你唔明真係冇得怪人

好多路線都因為車長習慣而忽略巴士站上落：
有次我腳受傷，無能力由龍琛路體育館行去天平邨商場，打算截270，結果飛站。
有次上水站返天平，有部56喺站尾落車，前面俾部276P落客頂住，結果56落完客抽頭離開巴士站走咗，無上客。
有次仲離譜，上水站去菁田的56A，走咗去皇后山站上人返屯門，結果真係有四五個人上車，然後好在車上面有人鬧司機應該喺車站前面上車，唔係喺呢個站上車，話佢哋呢個站上車行為係打尖，司機先好僟如夢初醒。

其實好多司機慣性，或者各方不同失誤會發生，需要溫提。

其實b1個情況幾時先肯正正經經分開往天水圍及往元朗市兩個編號，分開兩個編號可能依d慣性拒載會好d，少d車長覺得佢係拖卡

shakugan2005 發表於 2024-9-4 20:03
其實b1個情況幾時先肯正正經經分開往天水圍及往元朗市兩個編號，分開兩個編號可能依d慣性拒載會好d，少d車 ...

分開左，第一兩條線表列班次⼀定唔好睇過唔到天水圍區佬，第二九巴無得靈活地睇住口岸人流黎調配班次，依家佢可以見落馬洲人多就抽車入去做元朗特，佢抽正線又得抽其他車又得，總之加班就係元朗特加快回車，如果⼀刀切分兩條線其實係雙輸，就算⼀條只入元朗⼀條唔經元朗直去天水圍都係雙輸。

Man@MFHK 發表於 2024-9-4 20:49
分開左，第一兩條線表列班次⼀定唔好睇過唔到天水圍區佬，第二九巴無得靈活地睇住口岸人流黎調配班次，依 ...

其實﹐分開2個獨立路線編號﹐車務安排係可以完全不變的。
只不過純粹係車頭路線牌有另一個顯示﹐反正路線顯示﹐以至八達通機/報站﹐全部設定都係獨立一條路線去做。

唔單只上面所講﹐司機誤以為拖卡而飛站。

對乘客及站務人員來講﹐都係一件好事。
站務唔需要成日大嗌 「元朗/天水圍車」﹐乘客一望到路線號又清晰。

唔係每一部車都係長則牌﹐淨係見到B1﹐乘客真係有機會上錯車的。
*雖則近月都做左D手腳﹐會 B1 及 元朗 交替顯示﹐叫做有點幫助。

kei_hk 發表於 2024-9-4 21:17
其實﹐分開2個獨立路線編號﹐車務安排係可以完全不變的。
只不過純粹係車頭路線牌有另一個顯示﹐反正路線 ...

實際上當然可以照目前做法派車，反正天水圍客真係唔多，天水圍方向絕大部份人都係大馬路落車。
但行政上始終要有好多手續搞，佢依家可以靈活調配，自然無誘因去拆線，仲有就係元朗分段係「優惠」理論上隨時可以取消，拆左線就變成塵埃落定。

Man@MFHK 發表於 2024-9-4 21:34
實際上當然可以照目前做法派車，反正天水圍客真係唔多，天水圍方向絕大部份人都係大馬路落車。
但行政上 ...

純粹分拆多1個路線號﹐車務運作不變﹐都只係睇下九巴有無心去處理。
路線一早已經係存在﹐兼且係運作中﹐九巴及運輸署都知有條輔助線﹐但這條線係正式無獨立編號。
真係提供一個 "名份"﹐令乘客更清晰﹐唔見得有幾難。

叫個高層去落馬洲做站務﹐當值一個下午﹐睇下佢有什麼感受。
感受一下班前線成日要大嗌元朗車﹐明白一下前線的苦況。

EvilKo 發表於 2024-9-4 08:50
我都試過類似情況，98到峻瀅想過對面轉290X返康城總站，司機站尾落完客就抽頭，揮晒手都唔Cut返入黎
最後 ...

唔知係唔係架車比其他線收得貴，
有時見到差不多時間有234C/D想搭佢由觀塘道入翠屏，
間中見佢觀塘市中心已經熄路線牌，
有次甚至見到架疑似234D未到牛頭角站已經熄路線牌，
另外有次牛頭角站搭234D入翠屏就熄左八達通機要由司機開返