[高效率] 建議善用中九龍幹線，開辦98X（寶林⟳深水埗）

exitd1 發表於 2024-9-19 08:35
唔係條線完全係廢，但98X唔蝕已經好好，如果抽大線既車去開應該比人插
"將軍澳開去對比鐵路有優勢既地方 ...

我會咁睇
八十年代個post，主要既結論係，多客少客未必係賺蝕既關鍵
89D蝕錢只係italk傳言，姑且唔討論
但80出名多客都要蝕，反而好多屯門線，客量比80更單向，但有賺
反映一轉車既回本門檻，都幾重要
今次收埋298C個概念，改拋98X出來，亮點就係回本門檻低一半，但做到八九成想做既嘢

795X有客 298C都有客 唔通營運狀況好好？

篤咗一次數字，用上面計法，795X要一轉90人先回本
上面分享既數客page，收集咗好多795X數客數據，連夜晚出蘇屋都數埋
睇落平均大概係一邊20，一邊50，全日18個鐘，分分鐘有16個鐘都蝕錢
98X用同一個計法，回本門檻係一轉44人，即係客量顯著低過795X都仲回到本

呢個正正係 坑寶用A29走線，同市區行循環，節省成本既效果

只不過 98X預期會少客既班次更多
朝早入將軍澳，夜後出城，完全睇唔到有咩客源
繁時逆向係有，但就只有繁時，一過左最繁忙時段就會消失晒
98C/D其實都係，但嗰堆線有好多客既順向支撐成條線既營運
甚至795X，東行其實唔差，姑且勿論西行載空（其實條條將城線都係咁，even大線，98X無所倖免）
話795X兜路燒油既時候 要先考慮98X複唔複制到795X東行 先至比較兩條線既營運狀況

將軍澳單向係事實，但西九線唔算最差個批
98D/296D/690朝早入將軍澳係堅差，98C印象中坐得滿窗口位，純粹係及唔上798/796X
記得以前796C，朝早入將軍澳同出九龍一樣載客率

hellomato 發表於 2024-9-19 09:49
795X長沙灣道直落蘇屋，面臨嘅問題就係里數唔夠。
而長沙灣（荔枝角站至美孚）一段又唔知肯唔肯放，不如ke ...

我意思係795X跟上面98X行循環，而唔係放棄美孚荔枝角
即係 將軍澳>六幹>美孚>長沙灣>深水埗>旺角>原線返將軍澳
反正西行出旺角做唔起，改為博下長深荔

跟793去蘇屋↔跟2A去美孚↔荔枝角道、興華街西（四小龍）↔海達邨總站（795/P已經插咗旗）

呢個走線睇落有啲冗長

最新：795X準備改線（配合790全日、797改線），加快在將軍澳區內車程，但估計影響不大。

睇返數客數據，調景嶺似乎多客既班次，單站落30+
將廣尾站係有潛力，但個改動唔係無風險

290系比98系更值得上6幹

SE7378 發表於 2024-9-19 17:02
怕就怕在 98X 可能連西行都未必吸引到將軍澳  新界西客，
唔止上繁，假設下繁將軍澳放工返新界西嘅客亦有 ...

如果講頂閘問題
下繁大隧北行，嚴重過美孚返新界西好多
但96加班車，聽聞大隧直接落半車客，97就唔知（btw今日見97下繁坐7-8成入將隧）
可能觀感快始終係比較重要
特別係去新界西，搭鐵一樣要逼
美孚唔對路亦可以跳槽或者98X搭多個站去長荔街轉

講到中九幹通車後 290 點改，個人認為有 798 珠玉在前，
290 去返彩明，寶林尾站直上將隧又未必完全無可能，
當然純粹係出於山下角度，康翠、寶達車程變慢要諗點補償。

先講立場
100%支持290/E改行六幹
但唔太同意 290坑口/寶林尾站、坑寶<>大西北用290處理

將南兜到寶林上公路，感覺好差
宜家調景嶺/將軍澳喺正六幹入口，佢地同樣有16萬人口
講需要，調景嶺連A29/102/10M/98A都無，比坑口寶林更加需要新界西接駁
要佢地額外花近30分鐘車程，兜到寶林再屈返轉頭入將隧，唔係咁好

所以我會覺得，就算康翠可以用290X頂，唔拆290E，290都應該將南尾站
更可能發生既，係290E做曬康城/工業邨/將軍澳/調景嶺全日，290掃到寶達入六幹

相對上，個人認為將來用 290 提速去做會更加理想，
一來荃葵做轉車點，夾大西北 M 線或區內線至少班次上會比較容易，
二來可以直接服務將軍澳 <> 荃葵最大路嘅客，需求上亦比較充足，
三來相比美孚，荃灣西站做屯馬綫轉乘點亦似乎會再方便啲。

1. 大西北M線，逆向班次一樣係好樣衰，而最多客既元朗，轉68M要行好遠
2. 將軍澳<>美孚/荔枝角/深水埗，個基本盤未必差過荃葵好多
3. 呢個係，但額外碌多一段葵涌道/荃灣市，時間已經喺返度

另外，98X短得來，收費得貴過290，好似會抵玩啲

castanopsis 發表於 2024-9-20 00:42
我意思係795X跟上面98X行循環，而唔係放棄美孚荔枝角
即係 將軍澳>六幹>美孚>長沙灣>深水埗>旺角>原線返將 ...

Get到你意思，反建議：將你條795X大循環嘅方向調轉。即：彌敦道落荔枝角道、海壇街去南昌站一帶，海達邨循環點；
然後跟795兜四小龍、美孚、荔枝角站，轉返興華街、通州街上西九龍走廊出太子。


成個795系都幾明顯想做荔枝角+美孚出旺角特快，所以回程比去程有用。
至於點解795X收蘇屋，估計係想方便跟793互跳。

castanopsis 發表於 2024-9-20 00:27
我會咁睇
八十年代個post，主要既結論係，多客少客未必係賺蝕既關鍵
89D蝕錢只係italk傳言，姑且唔討論

唔反對98X係有效率搶鐵路客既效果會比298C好亦可能比795X好
795X亦係重組建議針對對象

有人話80唔駛蝕
咁先唔講沙田區啦

如果用屯門區比，相信無條線回車慢
但係多客同少客線既待遇都好大分別
263，東九線有雙向客不提
多客既58X，59X，960等固然係金蛋
但少客既57M，66系有無賺就要版友補充
而98X亦係類似於呢啲走線，回車速度ok但少客既線

castanopsis 發表於 2024-9-19 02:07
版友12Lane曾經用城巴年報數字計過一次
每車每日成本平均約5400，全日線18個鐘，每個鐘就大約$300
另一個 ...

今時今日每小時成本 $300 應該都無乜可能，講緊好多年前已經係呢個數字。呢十年間成本上漲左咁多，如果仲係每小時 $300，兩間巴士公司應該無可能咁多條線蝕本

$400 係一個比較保守估計

反正而家每部車平均出車時數有無 18 粒鐘咁多都係問題，留意夜繽紛令到入夜後比起當年減左唔少班次，已經唔計通宵線瘋狂減班。查實平日傍晚七點後已經陸續有車返廠訓覺，朝早又有唔少車係六、七點先出，如果計平均數可能每部車做緊 13-14 小時生意，已經計埋私牌同總站休息等開下轉車時間

另外，除非係做到類似 59X 或者 74X 級數，人口同客源都高度集中，數目又多到傻，否則想條線有得做，一係就住宅區果邊行耐少少（唔係叫你兜勻全區），一係就出到巿區行多少少，一係就類似 79 中間停多一個區又唔花多太多時間。否則兩邊都係直出，根本就好難夠客

如果你條線唔係寶林坑口就上公路，而係坑口後經埋康城上六幹，然後出到巿區又雙向欽州街或聚魚道直出深水埗而唔做循環，我諗呢度唔會咁多人咁大反應

castanopsis 發表於 2024-9-20 01:18
如果講頂閘問題
下繁大隧北行，嚴重過美孚返新界西好多
但96加班車，聽聞大隧直接落半車客，97就唔知（btw ...

個人認為屯馬綫乘客會偏向西站上提速嘅 290 經葵涌道出將軍澳，
多過美孚落，行曬轉車通道同荃灣綫大堂出到巴士站轉 98X，
大家班次差唔多嘅情況下，至少 290 平啲，行少啲，又唔係慢好多。

另外，唔反對 290 行埋寶達先上六幹（反正同依家都差唔多），
不過個人較擔心做曬全個將南嘅 290E 夠唔夠客全日，
畢竟隔離版有人話現時 290E 成績唔太理想，反映康城 <> 荃葵需求未明，
而且 798 雖然客似雲來，但直到依家都未能全日分拆，290 系咁做似乎太冒險？

S3BL100 發表於 2024-9-21 01:10
今時今日每小時成本 $300 應該都無乜可能，講緊好多年前已經係呢個數字。呢十年間成本上漲左咁多，如果仲 ...

$300個數，係12Lane版友用年報數字計出來
我同意一架車未必行到18個鐘
上面用咗$350，然後休息時間好慷概地，俾緊每60分鐘車休20分鐘
用$400都可以，反正唔知兩蚊客比例同點入賬，成件事都係ballpark figure
但98X回本人數，大概係98C既一半，呢點應該唔會錯

睇返數字，將軍澳人口密度係高
大圍顯徑/大圍市/六美，約13.8萬人
馬鞍山，錦英苑掃到恆耀，約15.4萬人
東北葵安蔭/石蔭/石籬，約9.2萬
天水圍北，約11.5萬人
屯門碼頭，約10.4萬
只係將軍澳巴士優勢唔大
要去到690S/98D/297/798呢類線，地鐵總行程輸巴士，啲客先爆到出來

睇返98X，約16萬人，再加 少少尚德康城轉車客 同 興田
長深荔以外，西行仲做埋 寶林坑口>新界西 接駁線，東行做埋太子道西/九龍城/新蒲崗
服務範圍係咪真係咁窄？

當問題係市佔率唔係需求，兜多幾區，成本大增，但未必做多咗嘢
將軍澳市區線，兜多過兩區，頭站就算鐵路弱勢都少人搭（e.g. 康城 790 vs 796P）

如果你條線唔係寶林坑口就上公路，而係坑口後經埋康城上六幹

寶林掃到康城，就算擺寶林總站+半圈坑口，都要行20分鐘先上公路
到時連坑口都未必太吸引，何況寶林
倒頭來可能好似298X/98S咁，睇落做好多區，實際服務範圍，反而更窄

另一個考慮點
係坑口寶林去新界西，98X轉車值得宣傳，順便俾到藉口套98B架車玩
但康城已經有98做緊直出新界線駁腳既角色

巿區又雙向欽州街或聚魚道直出深水埗而唔做循環

西九段唔係無考慮過雙向，行循環主要係考慮到——
1. 西行趕時間既美孚/荔枝角返工客多
2. 東行放工無咁趕時間，反而深水埗行完街返屋企既客多
3. 雙向要加多一架車

最後大約篤過下條數
一條寶林掃到康城，雙向用欽州街入深水埗既線
按一小時$400，一轉回本人數會係78人（同一計法98X係一轉50人）
感覺上條線當堂難做咗好多

S3BL100 發表於 2024-9-21 01:10
今時今日每小時成本 $300 應該都無乜可能，講緊好多年前已經係呢個數字。呢十年間成本上漲左咁多，如果仲 ...

個人同意 98X 雙向經深水埗，至少下繁上車返新界西會比美孚容易，
但根據個人經驗，690S 下繁過咗康城站得返好少客，
如果 98X 兜康城，對寶林、坑口 <> 西九龍客嘅吸引力似乎會打折扣，
反而有機會做到康城 <> 坑口、寶林流水，而未必做到樓主嘅目標客群。