港鐵與政府簽署屯馬綫洪水橋站項目協議

kei_hk 發表於 2024-10-2 09:57
升降機在第1/8卡位置﹐我知邊個站係這樣安排。但正如你所講﹐一出電梯就用最近的車卡上車啦。
* 此車站的 ...

佢宜家連幸福感都拎埋出嚟講 🤭🤭🤭
所以點會認自己的諗法有問題

佢只會拎第一卡嚟講要行 120 米冤枉路先到扶手梯
仲要洪水橋站學尖東站咁要整夠每個月台兩部𨋢去獲得幸福感

🎶🎶幸福原來好簡單

嗱
你咪話我老作囉
啱啱5分鐘前
我晌油麻地出落車，上到大堂層準備出閘時
前面有一行七八個的天龍遊客
一字排開企晌出閘口前
等其中一個人開 apps 過閘
我同附近嘅人要即刻搵位繞過佢地先去到閘口
（仲要應該有人拍咗卡唔出閘，我張卡冇反應就出咗閘）

諗下只要人再多啲
班天龍客再 me me mo mo 一輪
咁就好易出事
都唔駛等乜嘢大型活動先....

我係咪要因為最尾可以出到閘而感到幸福？

teddybus 發表於 2024-10-1 16:02
佢成日計呢啲婆乸數
唔知佢屋企係咪一落床就有𨋢
直落地鐵站出口甚至月台？

佢間屋係咁又唔出奇，但係佢嘅要求係每個站每卡車都係咁。

有如一般大廈共享升降機，
買/租得起超級豪宅，都可以有私人電梯大堂甚至自己獨食添。
如果佢肯出錢起同營運，等大家可以平民價有豪宅享受咪得囉。

其實細細個都會教同要學乜嘢係想要，乜嘢係需要架啦。
想要嘅嘛煩自己課金。

政府同港鐵想起就起，唔係按需要而起，就梗係要問點解唔係審慎理財架啦。

話時話而家係咪仲係放緊暑假未駛返學？

cky 發表於 2024-10-2 19:25
佢宜家連幸福感都拎埋出嚟講 🤭🤭🤭
所以點會認自己的諗法有問題

以佢心目中的理想﹐一個月台2部升降機係唔夠的。
以佢的標準﹐一個月台直情要有40部升降機啦。

kei_hk 發表於 2024-10-2 21:44
以佢心目中的理想﹐一個月台2部升降機係唔夠的。
以佢的標準﹐一個月台直情要有40部升降機啦。 ...

唔好話 40 部電梯
如果如佢要求
條條電梯／升降機要直出閘

咁一係成個大堂層四方八面有成七八十部出入閘機
仲有部份晌中間嘅電扶手梯要改成轉 90 度角
一係大堂層會分成 N 個獨立收費區去做電梯直出直入
到時地下都唔駛再裝實牆或玻璃牆，好似匯豐總行前後兩邊全打通咁就得

cky 發表於 2024-10-2 22:11
唔好話 40 部電梯
如果如佢要求
條條電梯／升降機要直出閘

只要有無限的土地(地方) + 無限的金錢﹐總有機會達到佢的要求


所有車站都係則式月台﹐月台車門一打開﹐就有升降機(對面開門方式) 對正車門﹐正車窗/駁卡位 會對正一條扶手梯﹐梅花間竹一上一落。

去到大堂層﹐全部升降機及扶手梯都會直接對正閘機﹐就可以直接出閘。

出閘之後﹐向前行幾步就會步出車站。
車站月台有幾長﹐車站門口就有幾闊。

試想一下﹐以葵興站為例﹐巴士站一邊全邊都係入口﹐幾十部閘機/自動梯/升降機standby 等緊你﹐何其壯觀。
仲落足唔到某人的要求

但係要滿足佢的要求﹐要坐車去荃灣﹐就要自己想方法去車站的另一邊(即消防通道)去入閘。
一樣係一排幾十部閘機/自動梯/升降機standby 等緊你。


嗱~~~ 你在車站出面要行幾多路﹐有幾辛苦都唔關事。
佢只係要求車站內行最少的路﹐同埋全部要順方向。


好可惜﹐我們沒有無限的土地﹐亦沒有無限的資金﹐以上的FF 係做唔到的。

kei_hk 發表於 2024-10-2 14:30
只要有無限的土地(地方) + 無限的金錢﹐總有機會達到佢的要求

咁就大件事啦，個車站隨時闊過標準運動場
係呀落車直去扶手電梯之後直接出閘，咁啱俾你响閘口起間屋住又點話。
之不過你搭得一程，回程兜到傻先至去到對面方向月台就正囉
日日運動身體好呀
P.S. 一般黎講車站唔會整到個個位都最方便直接，而係所有人拉勻計最方便直接
個站要人行遠D，剩係冷氣都要開大D，點會搵自己笨。

s3n370 發表於 2024-10-2 20:00
其實細細個都會教同要學乜嘢係想要，乜嘢係需要架啦。
想要嘅嘛煩自己課金。

一直港鐵都係閉門造車，無俾公眾參與諮詢
我嘅諗法如果喺鐵路迷嚟講天馬签空係唔緊要，但港鐵點解一日都唔肯公佈設計草圖？

提早公佈草圖可以知道設施唔夠，等港鐵可以有錯改之，避免車站落成之後發現設施唔夠。港鐵已經好多前科，例如柯士甸站唔肯起9卡，之後就用車站位置不足否決屯馬綫起9卡

timewater 發表於 2024-10-3 08:19
一直港鐵都係閉門造車，無俾公眾參與諮詢
我嘅諗法如果喺鐵路迷嚟講天馬签空係唔緊要，但港鐵點解一日都 ...

港鐵已經好多前科，例如柯士甸站唔肯起9卡，之後就用車站位置不足否決屯馬綫起9卡

成個project係政府出資的﹐你覺得政府無話事決定權﹐任由MTR話點做就點做?
你又覺得政府無專業人仕去睇MTR 提供的數據﹐盲目應同MTR的建議?
MTR 又可以自己話晒事﹐唔需要按政府的要求﹐就去做車站/路線等設計?
政府在設計之時﹐又真係無資詢各方面的需求?

根據維基所講﹐馬鐵線的車站設計問題﹐只能夠做8卡車。
而西鐵又落實併入馬鐵組成屯馬線。

咁.... 起埋第9卡的月台有乜用?
根本再無條件增加到9卡車﹐做乜要浪費資金。



節錄維基的內容:

但在柯士甸站建造時，西鐵綫已確定最終會與沙中綫東九龍段及馬鞍山綫貫通成為「東西走廊鐵路」（今屯馬綫）；受到原馬鞍山綫車站的設計限制，列車最長只能為8卡，故柯士甸站月台亦只興建8卡的長度，並沒有預留擴充條件。