香港巴士客量統計 及 相關討論（新增: N42/84M/270S/111/89）

castanopsis 發表於 2025-11-20 11:00
梨木樹>荔枝角站
宜家36A做緊16.5分鐘，36B行緊24.4分鐘（慢約8分鐘）
葵涌道飛橋，埋單可以快多5分鐘左 ...

呢段路我望過好幾次，今次係第一次見到上下路官網數據差距咁大。但同一時間官網數據 32 由和宜合道運動場去到甘泉街，同 36B 同路但比起後者快左足足 4 分鐘喎。厹官網好似每星期都會更新數據至少一次，你不妨下星期再㩒下，睇下係咪仲差咁多

然後反方向差果兩分鐘都唔到你又唔提，我直頭見過反方向行上路仲快過下路停燈

重點係而家 32X 係空中樓閣，而家佢地坐緊果條係 32，任何建議走線唔應該只係同你條 32X 去比，亦應該同而家條 32 去比。32 食 36B 改行長沙灣道再落埋佐敦，無論班次、站位定覆蓋都比今日好大一截，象石並唔係無受惠於服務提升，已經交到功課。甚至乎佢地自己都未必想改條線行下路飛橋，上路一樣有流水客尤其學生，仲要兩個方向都有，無其他替代品做得返 32 服務時段

至於你話 32X 同其他目標無矛盾，實情係你為左 32X 搞到其他路線要遷就。跟你個方案就直頭梨木樹出尖沙咀要轉車，上路落尖沙咀又無埋，你覺得有無可能過到。根本就交唔到功課，葵涌道交匯處亦唔係轉車理想環境，叫人葵涌道交匯處轉車大家咪繼續坐 36M 出葵芳轉鐵囉

至於 32X 再加 2076 版友個 35X 方案，你應該知道梨木樹行上路往來旺角同佐敦時間同你條飛橋版 32X 無乜分別架可？咁算唔算多此一舉？

總之我底線就好明確，梨木樹要有車落尖沙咀，上路都要維持有車落尖沙咀，石蔭行上路勉強無幸福。所以最後都只會係跟 Ricky403 版友個 31A+35B 方案，又或者 35X 行上路飛起石蔭、36X 梨木樹併石蔭

exitd1 發表於 2025-11-19 19:48
紅小唔係巴士既完整替代
巴士係班次穩定性，載客量，站位，車費，有ETA方面都勝紅小
只係巴士服務差既時 ...

紅小最大既問題
係中途站上唔到車，同啲司機煲客浪費時間
但宜家35A問題最大既兩批客（安蔭>旺角、旺角>石蔭），都無中途站問題
而東北葵堆紅小，亦未至於好似 西旺 個種，無車>無客>煲客>趕客，惡性循環
同時要諗埋，打殘咗堆紅小之後，通宵服務點補償，係咪九巴再額外開線做埋

老實講，作為巴士迷，我都prefer巴士多過紅小
但呢個case我覺得紅小補窿，巴士專心加快 尖沙咀、紅土 車程，可能都幾有效益

至於你問尖沙咀夠唔夠客
咁做得快線，自然會expect有客從四面八方回流
至少四分鐘後35X啲客都要計埋落去，36B/32都有班客會轉投
亦唔知有幾多人宜家係搭地鐵轉車，甚至葵興站直接行
60-70人本身都唔少，但最後基本盤應該會再大啲
正如班車安蔭石蔭，得35人落，但做得特快應該唔知呢個數

SE7378 發表於 2025-11-20 11:10
梨木樹夾石籬砌油尖旺特快，比較有興趣想知回程點行服務石籬，
會係兜上大隴街總站，抑或係經石排街、圍 ...

無論邊種行法，上石籬打後基本上都唔會快現時行緊荔枝角道黃竹街汝州街欽州街嘅36B超過5分鐘
如果呢種改快程度仲要加一級黎製造誘因比佢行番太子，我唔認為梨木樹會好buy

S3BL100 發表於 2025-11-20 22:03
呢段路我望過好幾次，今次係第一次見到上下路官網數據差距咁大。但同一時間官網數據 32 由和宜合道運動場 ...

回程36B慢36A兩分鐘
去程兜多個大隴街，加多幾分鐘，8分鐘差距差唔多啦
加埋飛橋所節省既4-5分鐘，來回都節省咗唔少時間
記住32X額外做多個美孚，而 象山梨木樹<>美孚 特快駁鐵，係一個大市場

我唔係好理解，點解一定要逼 象石，兜完梨木樹之後，仲要再兜石籬
石籬無論乜嘢方案之下，都有31A、31B、35A、35X照住，又唔係無車出九龍
象石梨呢三個區，道路網絡所限，逼住一定要一齊做
就算無新客，32/36A/36B相關路段既現有客源，都已經夠客
分開返處理其實好正路

流水客本身仲有其他處理方式
40P西行頭班之前，開幾班返學線銜接，難度唔高
甚至本身殺32/36A，可能都要有條補位線喺 填海區/荔枝角道 執屎
呢條線補返學客位，其餘時段一粒鐘一班，亦係可行解決辦法

至於 32X 再加 2076 版友個 35X 方案，你應該知道梨木樹行上路往來旺角同佐敦時間同你條飛橋版 32X 無乜分別架可？咁算唔算多此一舉？

32X當然最快
但你嫌梨木樹無車去尖沙咀
咁2076版友既35X加多架車拉去梨木樹，都係一個解決方法
反正條線單靠 和宜合道/石籬<>太子至尖沙咀，其實都夠客
梨木樹某程度上都係搵總站擺

總之我底線就好明確，梨木樹要有車落尖沙咀，上路都要維持有車落尖沙咀，石蔭行上路勉強無幸福。所以最後都只會係跟 Ricky403 版友個 31A+35B 方案，又或者 35X 行上路飛起石蔭、36X 梨木樹併石蔭

石蔭去旺角，兜石籬行上路勉強無幸福
象石梨去長深荔，兜石籬行上路，點解又唔係勉強無幸福？

回程我認同係有問題
但不過無論2076既方案，定我既尖沙咀特快，其實都解決緊呢個問題
2076既方案，帝化安石蔭，俾到 安石蔭<>長深荔 特快
我個方案，俾到 東北葵<>尖沙咀 特快（回程中郵直插石蔭）

Ricky403個模式，對安蔭石蔭而言唔係好事
出長深荔要兜石籬、出油尖旺要兜梨木樹
結果去邊都好似無乜特快感覺

至於35X+36X
老實講石蔭兜全圈啲路口/燈位好難頂
但都想問下詳情，35A/36B/32個啲打算點配合？

SE7378 發表於 2025-11-20 11:10
梨木樹夾石籬砌油尖旺特快，比較有興趣想知回程點行服務石籬，
會係兜上大隴街總站，抑或係經石排街、圍 ...

我會建議來回入大隴街總站，因為九巴有禁令，上路轉唔到右入大隴街。

行大埔道唔算快，但係梨木樹出旺角有 35X 36B 兩飛，叫做用車海搶返客，同埋比到直車出尖沙咀。

S3BL100 發表於 2025-11-20 22:03
呢段路我望過好幾次，今次係第一次見到上下路官網數據差距咁大。但同一時間官網數據 32 由和宜合道運動場 ...

雖然石蔭要行下路走先有效率，但我唔支持 35X 36X 雙特快方案。上葵客倉一向都係深水埗，而家 35X 都做到半死，36X 走線要開全日唔夠客。另外，下路兜石蔭上梨木樹，會比你想像中更慢，石蔭圈同街市圈，講緊係 6 支燈。而且梨木樹班客，見到前面係屋企仲要兜街市同石蔭東邨 10-15 分鐘，唔關實際車程事而係觀感唔好……咁條線單靠石蔭就好高風險，九巴會 take 的可能性好低。

帝化安石蔭 35A 直出下路然後市區慢碌，至少逆向唔會咁樣衰，有市區流水，必要時仲有得加停葵涌道執客。35X 梨木樹加石籬逆向就有成個工廠區客。如果願景係梨木樹有尖沙咀車，佢地本身冇變有，就算兜到 936 咁樣都要硬食，35X 方案只係兜大隴街都算係咁，而且上葵特快用 35A + 35X 做諗少個太子已經簡單好多，又少好多漏洞。

2076 發表於 2025-11-21 12:22
我會建議來回入大隴街總站，因為九巴有禁令，上路轉唔到右入大隴街。

行大埔道唔算快，但係梨木樹出旺角 ...

入大隴街總站就 cover 唔曬原 35A/X 石籬嘅服務範圍，
石歡樓尚且可以搭返葵涌道版 35A，35X 去程仲可以經石俊樓，
但係回程要石籬一邨嘅客大隴街落車行返去，似乎唔太講得通。

梨木樹 <> 旺角本身有條回程飛西九廊嘅紅小，仲可以搭 36M 轉荃灣線，
如果 35X 行大埔道唔快得過行深水埗內街嘅 36B，班次密都未必能令梨木樹班客回流，
而且依家 36X 成績都唔太理想，似乎更睇到梨木樹班客對呢條 35X 嘅反應會如何，
到最後，成個重組除咗幫梨木樹開到架唔多吸引嘅尖沙咀車之外，仲有乜嘢意義？

P.S. 個人覺得東北葵 <> 油尖旺又未必一定只能夠開一條特快線嘅，
但係如果仲要留條去到佐敦嘅慢線去拖快線後腿，就真係唔太可能了。

SE7378 發表於 2025-11-21 13:49
入大隴街總站就 cover 唔曬原 35A/X 石籬嘅服務範圍，
石歡樓尚且可以搭返葵涌道版 35A，35X 去程仲可以 ...

一邨本身都係大隴街落車多，唔想行就轉左 31M 甚至一開始就揀左鐵轉 31M。石佳樓行返去一邨唔見得好過大隴街行上去，本身大隴街上去都係有扶手電梯同 lift，部分人甚至會業成街就落車。

石佳樓個站本身長期都少人落車，重要性又係唔係真係咁大? 當然去二邨石佳樓就冇得講......

梨木樹多左尖沙咀直車，石籬出旺角都多左 35X 全日快車，本身 35X 去程得兩班，回程都係 30 分鐘一班，如果上葵做重組，劃走線有效率啲，35X 晚間回程至少開到 15 分鐘一班以內，咁又真係有明顯改善。至於石蔭就一早應該要有車下路直入，宜家得 32 36B 要行上去，到門口的 35A 又兜好耐都未到，係有空間改善。

留佐敦線都冇辦法，本身 35X 36X 收費唔同就難搞。36X 同 35A 同價，注定九巴唔會肯比佢去做全日。掉轉用 35X 價錢做梨木樹旺角特快，收費就變左升兩級，去佐敦就要留平線。

2076 發表於 2025-11-21 14:08
一邨本身都係大隴街落車多，唔想行就轉左 31M 甚至一開始就揀左鐵轉 31M。石佳樓行返去一邨唔見得好過大隴 ...

32/36B 合併後選擇佐敦定係大角咀止步，個人唔係企得好硬，
只不過擔心厹未必願意俾東北葵有三條全日線橫過亞皆老街而已，
當然如果齋做一條特快，好似你同 Ricky403 版友咁樣就唔需要擔心；
但 Again，依家梨木樹 + 石籬經西九廊去油尖旺嘅 36X 都好一般，
來回行大埔道，回程仲要兜上大隴街的話，對梨木樹客就更加唔吸引，
俾貴兩級嘅車費換取同碌 36B 差唔多嘅車程，真心唔覺梨木樹會收貨。

castanopsis 發表於 2025-11-21 08:42
回程36B慢36A兩分鐘
去程兜多個大隴街，加多幾分鐘，8分鐘差距差唔多啦
加埋飛橋所節省既4-5分鐘，來回都 ...

32/36B 流水嘅問題其實會唔會係出於象山 <> 大隴街？
始終依家班客落樓下就有 32 上，但 40P 就要行去可風中學 ⋯⋯

題外話：想 40P 提早西行頭班車，應該要 38/42C 重組去讓路？