本帖最後由 deal5354 於 2024-10-14 14:46 編輯
你問我城巴+前新巴一堆招標既新區, 大部分都係唔好睇,
1. 西九龍專線 (701 & 702系), 呢組係做起左, 因為南昌站一帶去旺角﹑深水埗﹑石硤尾一帶搭鐵唔方便, 附近小巴亦唔算得上好服務。
2. 將軍澳專線 (790﹑792﹑793﹑795﹑796﹑797﹑798系), 呢組只有去尖沙咀﹑沙田既路線叫似樣, 其他果d 真係同鐵路打到正, 真係蝕多個賺。
3. 屯門青田+和田 (50﹑55﹑56﹑95X系), 其實呢組路線既定線唔錯, 只係暫時屯門54區發展人口未夠, 日後仍有發展空間。
4. 啟德新發展區 (20﹑22﹑608系), 暫時最好睇係20號線, 其他線仲要等多幾年先可以再決定, 依加都要蝕多幾年等發展!
5. 皇后山 (78﹑79系), 出九龍既定線同九巴類近北區路線相反走線唔係大問題, 問題係唔少路線長途兼客源窄, 難有大做空間。
6. 十四鄉 (581﹑582系), 睇黎又係蝕多。
城巴放棄港島市場係可以理解, 特別係人口老化嚴重既西區加南區! 但投新區﹑開新線之前都要諗下係唔係有咁多潛在新客源, 港島開條700更加令原先既8X﹑18/P/X﹑720/P/X﹑788倒米, 搶唔到地底客。
|
