如果利用紅磡站5/6月台開行旅遊專列

近年大陸興起一啲高檔既旅遊專列, 就好似前幾日, 全國最新最高檔既專列「絲路夢享號」就黎左深圳.

其實係咪應該考慮紅磡5/6號月台轉型為郵輪碼頭模式, 比大陸既旅遊專列, 不定期直駛到香港?

當然要大陸方面配合, 重開常平口岸, 令專列乘客落車常平出境, 搭車紅磡入境.

鐵路口岸以後一定係行一地兩檢, 唔會走回頭路

limited 發表於 2025-1-6 10:14
鐵路口岸以後一定係行一地兩檢, 唔會走回頭路

其實都係睇兩地政府﹑兩地鐵路公司(局)的取態。當中包括﹐香港官員想唔想到鐵路遊﹑係唔係想開發這個市場。


這些旅遊專列﹐真係可能三幾個月才有一班車。
只要紅磡站的月台仍可使用﹐原則上係可以做到的。

出入境的政府人員﹐係可以參考屯門<>澳門跨境服務安排﹐用者自付方式處理。


但係1-4號月台﹐已經落實去做泊車區域。
5-6號月台就未落實日後用途﹐暫時做展覽之用。

會唔會用紅磡站5-6月台攪旅遊專列﹐真係好大變數。
但我的推測﹐成事機會極低。

忽發奇想: 如果九龍直通內蒙古,
會唔會吸引到外國人訂票?

至於通關問題, 由於呢種鐵路唔係常見,
可唔可以香港同內地官員在車上為乘客檢查證件?

放過東鐵啦
要玩都會拎高鐵條路軌
何必要同本地車爭路

kingkonghi 發表於 2025-1-6 16:30
放過東鐵啦
要玩都會拎高鐵條路軌
何必要同本地車爭路

如果你一個星期一班,或者係一個月一班都話影響到市民, 其實都幾無稽

kei_hk 發表於 2025-1-6 11:11
其實都係睇兩地政府﹑兩地鐵路公司(局)的取態。當中包括﹐香港官員想唔想到鐵路遊﹑係唔係想開發這個市場 ...

大陸政府問題不大, 眼見專列已經可以係各大車站停留而且車站亦會配合!
反而係香港官員, 唔知道大陸已經興起呢個「鐵路遊」市場! 如果佢哋知又肯出聲, 就應該可以好似新塘站甘, 一反映就即刻有車停

HU6455 發表於 2025-1-8 20:22
如果你一個星期一班,或者係一個月一班都話影響到市民, 其實都幾無稽

我就問你一句
2025年，有咩需要要用東鐵路軌？

HU6455 發表於 2025-1-8 20:25
大陸政府問題不大, 眼見專列已經可以係各大車站停留而且車站亦會配合!
反而係香港官員, 唔知道大陸已經興 ...

其實大陸一邊都有技術問題﹐就係要做出入境手續。

斷不能好似西九一邊玩一地兩檢﹐即使法制你可以出橫手修改法律﹐但紅磡站始終地方有限﹐好難迫晒2地人員一齊工作。

結果﹐就要在國內搵一個車站﹐劃出一個足夠的地方﹐要全部車帶埋行李落車做出入境﹐派人上車查一次﹐再叫所有人返回列車。
這個動作﹐唔易處理。乘客又要搬動一次行李﹐再上番原車﹐亦非常不便。

真係倒不如睇下有無方法善用西九好過﹐例如來港的一程在深圳(或鄰近地方)換動車/動臥﹐直入西九。
甚至﹐真係原車拉入西九﹐成為西九用非高鐵/動車/動臥的特別班次。

內地旅遊專列會駛入高鐵站嗎？