元朗博愛交匯處2月9日加交通燈

kei_hk 發表於 2025-2-16 14:41
我9 號當日早上約11點及下午約4點﹐都非常順暢入到回旋處。

2次都只係停一次燈。上午的一次係順燈入回旋 ...

迴旋處加佐燈後，唔順過之前先至奇。

即使係响司機普遍跟到迴旋處規矩嘅外地，
加燈佐幫到D車綠燈可以（安全情況下）直接駛出，
亦可以幫手俾多D車用到內圈，你見架巴士可以開心行內圈就係證明。
對於“迴旋處只得外圈”比例奇高嘅香港司機，作用就更加明顯。
所以有燈號嘅迴旋處响外地週圍都係。
香港長期以來得開源道/偉業街一個其實係因土地問題。

P.S.
迴/螺旋處早走入外圈、遲出入內圈嘅用意，
就係等大家可以順佐去，減少切線交叉對撞。
大多數劃線都係呢個原則。

點解無端端PS就係近期見到幾段車cam片，去到螺旋處轉右都係行死外圈，
有D仲話無車出、無撞到不斷外圈cut有乜問題/仲係死拗內圈“無跟規矩走”。
係呀，無撞但係咁已經增加對撞嘅機會，技術上無事但係違反佐原則先至弊。

外地根本唔會有內、外圈L之爭，咁會拗D乜？
拗Slingshot啱唔啱規矩：
即係迴旋處第一個出口排長龍，倒塞番入口嘅左線。
咁樣用右線入内圈，兜個圈先至去番第一個出口啱唔啱規矩？

P.S. 2
曾經响度提過好多年前有一排，要日日放工時間由錦田揸去屯門。
青公上博愛左轉元朗公路閒閒地排十幾廿架，而右線幾時都可以直到讓線。
小弟基本上次次都係右線入迴旋處，兜個圈先至上元朗公路。
近來睇得多外地車cam谷，先至知原來咁做係好大爭議

s3n370 發表於 2025-2-20 22:08
迴旋處加佐燈後，唔順過之前先至奇。

即使係响司機普遍跟到迴旋處規矩嘅外地，

前面有唔少人講到新安排好差﹐改善唔到塞車情況﹐甚至塞得仲勁。
實施後﹐點都要講番實況的。

雖說只係2次的實況資料﹐但應該有唔少人跌了眼鏡了。

s3n370 發表於 2025-2-20 22:08
迴旋處加佐燈後，唔順過之前先至奇。

即使係响司機普遍跟到迴旋處規矩嘅外地，

其實長遠應該要打對角起橋比博愛 2 邊車直出就更好

好似葵涌交匯處安排

天空之神 發表於 2025-2-21 14:03
其實長遠應該要打對角起橋比博愛 2 邊車直出就更好

好似葵涌交匯處安排

橋躉好難搞，未必一定唔得，但要好小心設計：
https://maps.app.goo.gl/phihHmnW3yyfyi877

葵青交匯處只有一組橋躉，貼近興芳路來回方向中間：
https://maps.app.goo.gl/Z2Wy5nRRnJMy8xig8

天空之神 發表於 2025-2-21 06:03
其實長遠應該要打對角起橋比博愛 2 邊車直出就更好

好似葵涌交匯處安排

元朗更大嘅問題係入面嘅大馬路、教育路、鳳翔路...都頂唔順，近年仲多佐形點
再塞多D車都係哂氣。

加燈順小小又順唔哂，由得D車响（新田/元朗公路嘅）支路繼續排，
儘量唔好排到出去大路就算。

錦田(博愛醫院)出口轉螺旋出法後撞過好幾次，十八鄉出口都見過幾次差d撞，而由十八鄉入迴旋處都係塞，而唯一有改善嘅係由大欖入迴旋處，由等5分鐘變等3分鐘

kei_hk 發表於 2025-2-21 01:27
前面有唔少人講到新安排好差﹐改善唔到塞車情況﹐甚至塞得仲勁。
實施後﹐點都要講番實況的。

就算撇除長官意志，
個人、私營機構同政府部門點睇實效不可能百分百一致。
個人偏重自己用嘅moment；
私營機構都係睇自己但點都會睇足全日；
政府部門理應睇哂全局

同埋大欖隧道都收返，其實可以諗下九龍方向巴士轉車站前起條支路落八鄉路，做真正錦田繞道，分流博愛迴旋車流

rickywk 發表於 2025-2-22 01:52
同埋大欖隧道都收返，其實可以諗下九龍方向巴士轉車站前起條支路落八鄉路，做真正錦田繞道，分流博愛迴旋車 ...

你條支路係咪即係三幹南行左轉八鄉路，等D十八鄉路去錦田嘅車，
可以避博愛交匯處，直行公路去到新支路先至走？

至怕呢條新路會吸埋大馬路直行入錦田嘅車，打爆繁時都唔易走嘅八鄉路錦上路路口咋。
除非鄉民肯俾政府收地擴闊埋呢段路啦。

s3n370 發表於 2025-2-22 18:42
你條支路係咪即係三幹南行左轉八鄉路，等D十八鄉路去錦田嘅車，
可以避博愛交匯處，直行公路去到新支路先 ...

係，錦上路站狂起樓，加上八鄉車廠又有機會起樓，倒不如善用青朗公路分流