其實有推過輪椅人士搭呢款巴士都知, 即使巴士停在行車線上, 只要車長合作, 將車身降至最低, 莫講話落唔落到斜板, 就咁剔起部輪椅再推前就上到車了, 可能事件中某女性欠缺經驗驚賴嘢啫, 然後全世界市民同乘客因為冇經驗就聽晒信晒車長講.
其實件事, 唔應該係一件要擺上媒體或網上討論嘅事嚟, 只係普通乘客上車咋嘛!
呢件事, 我會認為係車長冇盡最大能力去讓乘客上車, 完!!
又其實, 輪椅人士搭巴士真係咁可怕?
個人經歷:
有一次, 我推住輪椅去到某總站, 車係停正上車位, 完全冇其他障礙, 只差一塊輪椅斜板, 司機就係要寸到你嬲為止, 對我講:你推到上嚟咪推囉!!
另一次又係差唔多, 要去到理論階段, 我自己出手落斜板, 跟手推輪椅上車, 幫佢收番埋塊板, 我以為件事就咁完咗, 去到目的地, 聽得出司機個心過意唔去, 主動有禮貌地話幫我, 我回應佢: 唔需要喇!!
970X呢單嘢, 話我偏幫又好, 乜都好, 唔係親身試過, 去到切膚之痛咁嚴重, 或者感受過呢種無情, 係冇辦法代入去輪椅人士陪同者嘅心理.
所以凡係同類情況, 其實任何媒體都唔應該拿來當係新聞咁賣, 去等人討論, 最終都係一人一督口水噴落個陪同者身上, 啲新聞佬係咪覺得咁樣好開心呢?! |
樓主
