油蔴地小輪計劃今年中試行恢復汽車渡輪服務

油蔴地小輪海事總經理張國偉，日前出席一個公開活動嘅時候透露，油蔴地小輪計劃喺今年年中，喺繁忙時間恢復提供常規汽車渡輪服務。到時需要往來港九兩地之間嘅駕車人士，就可以選擇一邊嘆餐蛋麵，一邊喺渡輪上享受悠閑一刻。

自從油蔴地小輪喺1998年，停辦往返北角至九龍城嘅汽車渡輪航線之後，仍然留守喺香港嘅五艘汽車渡輪，除咗喺特定嘅包船遊河活動之外，就只會運載危險品車輛過海。目前仍然能夠運作嘅汽車渡輪碼頭，分別位於北角、觀塘、青衣，以及大嶼山梅窩。

油蔴地小輪發言人，今日回覆我哋查詢嗰陣就話，現階段計劃喺今年四、五月左右，試行喺繁忙時間，營運幾班容許一般車輛上船嘅過海班次。至於包括收費在內嘅各項細節，船公司將會喺適當時候作出公佈。

來源: News Insight Hong Kong


https://www.facebook.com/photo?f ... t=a.693349899469418

北角及觀塘2邊碼頭﹐仲有無足夠位置供非危險品車輛作輪候之用?

kei_hk 發表於 2025-2-11 16:01
北角及觀塘2邊碼頭﹐仲有無足夠位置供非危險品車輛作輪候之用?

只限預約就無問題

sunhoo 發表於 2025-2-11 16:05
只限預約就無問題

以我所知﹐危險品車係不需預約的。

撞正某班次突然多左幾部危險品車﹐究竟會點安排?
唔通﹐真係要危險品車讓路下班船?

仲有﹐私車家會有早到遲到﹐都要有空間做等候。
而家2邊碼頭的等候區已經細了好多了。

其實依家危險品服務有時都係開空船

kei_hk 發表於 2025-2-11 16:31
以我所知﹐危險品車係不需預約的。

撞正某班次突然多左幾部危險品車﹐究竟會點安排?

每班預留D位比walk in嘅危險品車。
私家車唔跟預約時間到達，責任自負。
畢竟，重啓嘅汽車輪渡服務，只會針對用家事先有計劃嘅需求，無空間做臨時、隨機嘅需求。臨時、隨機嘅需求，請轉用隧道。

kei_hk 發表於 2025-2-11 16:31
以我所知﹐危險品車係不需預約的。

撞正某班次突然多左幾部危險品車﹐究竟會點安排?

https://www.hkf.com/static/timetable/timetable_tc.pdf

唔知預約安排只限梅窩及加班船定係全部啦

但本身船就係有物理限制
有無其他汽車都好，危險品車 walk-in 無位咪下班請早
有咩可以安排？

kei_hk 發表於 2025-2-11 08:31
以我所知﹐危險品車係不需預約的。

撞正某班次突然多左幾部危險品車﹐究竟會點安排?

危險品運送時間一早定哂，又只可以响固定地方上落“貨”
你話突然多佐幾部車嘅機會有幾大啦？

sunhoo 發表於 2025-2-11 16:37
每班預留D位比walk in嘅危險品車。
私家車唔跟預約時間到達，責任自負。
畢竟，重啓嘅汽車輪渡服務，只會 ...

現時危險品車北角觀塘無需預約﹐只有梅窩才需要預約。

你講非危險品車需要預約﹐就唔會輪候位置不足的問題。
這一點﹐我就真係唔明了。

實際運作係所有車﹐都係係會早到的。
齊齊在碼頭候船區﹐等候安排上船。

正如你去坐船﹐你入閘後都有侯船區。
只不過﹐這個侯船區唔係供人去候船﹐而係供車輛去候船。

我只會問﹐究竟2邊碼頭是否有足夠空間供危險品車 + 新增的非危險品車一齊候船?



其次﹐這個渡輪服務本身就係專供危險品車輛使用。
這些車一直以來都無需預約﹐遲來滿座就當然係下一班船﹐這是理所當然。

但係﹐本來係有位上船﹐但係被新增的非危險品車搶位。
這樣就對危險品車不公平。

船公司無可能準確預測到每一班船會有多少危險品車使用﹐危險品車實際都會因為不同原因而有早有遲。
一旦佢地估錯﹐讓非危險品車book得太多位。
危險品車就會被搶位﹐對他們不公平。
除非﹐你話危險品車有優先﹐即使book了位﹐都係危險品車先上﹐普通車要坐下一班船。

青衣應該無汽車渡輪碼頭