點解中國高鐵無新幹線嘅兩個唔同班次連結安排

s3n370 發表於 2025-3-14 18:46
內地有幾多車飛可以見車就上？
正如遺址本來都諗住短途當係地鐵見車就上，
搞到要搞場大龍鳳先至做得到。 ...

用飛機思維睇火車等同閹割咗火車嘅一大優勢，叫做 turn up and go ，對中短距離行程嘅話更加令到人揸私家車，唔搭火車。

miklcct 發表於 2025-3-13 19:22
咁點解內地唔似其它某啲國家咁行 clock face scheduling ？方便通勤客見車就上？
...

內地高鐵行實名制，上車前要安檢

Waiyin12 發表於 2025-3-14 16:00
內地高鐵行實名制，上車前要安檢

靈活行正正係克服實名制+上車前安檢兩大制肘，
行turn up n go而搞出嚟嘅大龍鳳

另一個唔係鐵路但近似嘅係未有港珠澳大橋前嘅噴射船。
佢嘅班期完全係clockface，唔實名但劃埋位編埋一班船俾你。
實際去到任人候補咪係變相turn up n go。

miklcct 發表於 2025-3-14 13:46
用飛機思維睇火車等同閹割咗火車嘅一大優勢，叫做 turn up and go ，對中短距離行程嘅話更加令到人揸私家 ...

講開飛機，內地嘅空域因軍方控制而造成今日嘅局面。

咁鐵路話哂對軍方有重要戰略地位，會唔會都係同一個原因而去咁樣調圖呢？
當然咁做唔奇，但係clock face scheduling唔會妨礙到軍方或任何政府重要任務去用條鐵路...
所以都係諗唔通

都係果句，無咁好啫，行得通唔死得人嘅...

s3n370 發表於 2025-3-15 03:24
講開飛機，內地嘅空域因軍方控制而造成今日嘅局面。

咁鐵路話哂對軍方有重要戰略地位，會唔會都係同一個 ...

內地相信主要係長途車調配優先
加上治安、社責同乘客質素問題
所以一直都係鐵路當飛機管
你去搵下金山鐵路嘅評論都知国鐵點對短途客
當然某程度上每年最大需求嘅春運就係中長途為主
可以話係順應国情🤭

好似東北新幹線咁
以拉勻大宮<>盛岡班次為首要目標必然會令到盛岡以北班次相對唔勻+非定點且全程行車時間較長
而且国內嘅做法係會為東京<>新函館到發時間同行車時間好睇而不惜整到中途站班次大亂

Ricky403 發表於 2025-3-16 11:20
內地相信主要係長途車調配優先
加上治安、社責同乘客質素問題
所以一直都係鐵路當飛機管

當年又話藉高鐵（客專）令京津冀、長三角、粤港澳大灣區往來更便利，
甚至締造一小時生活圈，咁短途真係要地鐵形式營運先至得。短途都唔擺重D，以上政策都係得個講字。

而更重要嘅係，就算長途車有優先權，只要長途編得有規律，
剩低俾短途車嘅空檔亦必然有規律

s3n370 發表於 2025-3-17 05:37
當年又話藉高鐵（客專）令京津冀、長三角、粤港澳大灣區往來更便利，
甚至締造一小時生活圈，咁短途真係要 ...

想講近日廣鐵退出珠三角城際股權，由深圳方面接手，代價係深圳讓出廣深港高鐵股權俾廣鐵做交換
明顯國鐵只想做長途，短途城際交由地方處理

當然喺劉志軍年代，佢主張全國一盤棋，全由鐵道部管埋城際

CR400AF-1006 發表於 2025-3-17 04:51
想講近日廣鐵退出珠三角城際股權，由深圳方面接手，代價係深圳讓出廣深港高鐵股權俾廣鐵做交換
明顯國鐵 ...

股權/擁有權唔一定等於營運/使用權。同點去營運更無必然關係。入人地地頭咪同對家傾使用權/通過權囉。
你諗下國鐵班車點入俄羅斯、北韓，中歐班列點可以一路去到西歐？
日本點玩跨社直通運転玩到出神入化？

而地區鐵路由地區管更加係國際慣例，始終自己地頭自己事，正路都會著緊D
港鐵難以影響上面嘅大局，都盡力爭取空間。

廣鐵大局唔做深圳接手，除非你話連城際列車都唔可以接入全國高鐵/客專。
但係所有線路互通，你話唔通嘅可能性有幾大啦？

s3n370 發表於 2025-3-18 03:40
股權/擁有權唔一定等於營運/使用權。同點去營運更無必然關係。入人地地頭咪同對家傾使用權/通過權囉。
你 ...

通常國鐵插得手嘅城際一有長途車，就會被長途車搞到四不像，所以唔太suggest現階段搞直通運行

CR400AF-1006 發表於 2025-3-18 02:50
通常國鐵插得手嘅城際一有長途車，就會被長途車搞到四不像，所以唔太suggest現階段搞直通運行 ...

除咗上面講到長途開得有規律，剩低俾短途嘅空檔亦必然有規律外。
九鐵港穗直通車甚至做貨運嘅年代，
頂多都係擾亂緊貼直通車/貨運列車前後嘅班次，其他班次嘅影響唔可以話大。
同埋起碼唔會出現5-45/60一班咁飄忽先。