點解中國高鐵無新幹線嘅兩個唔同班次連結安排

s3n370 發表於 2025-3-20 17:34
如果可以做到是但有人出完聲，有好理由就做的話，
我相信可以發展得更好。
不過“西方沒资格做教师爷”。 ...

咁始終国鐵一直都鍾意啲咩京廣京滬長途，視為面子工程，京滬大站車直頭地位超然咪可以整點開車
其他尤其啲管內短途咪好似開飛機有位就攝慳車至上方便維修嘅態度，始終喺安全同長途時間靚底下，短途均勻班次真係nothing喎
除非有日国務院特別拎短途高鐵班次唔勻出黎講，否則唔會有人會屎忽痕，尤其當上到高位嘅時候

又咁啱，京滬大站車「行到clock-face scheduling」某程度上都因為個需求同個行車時間支持到一日多過兩三班大站車
其實G79/G80都特登較到京廣段頭站整點開車，不過一日得一班大家完全唔會覺得係「clock-face scheduling」

Ricky403 發表於 2025-3-21 20:04
咁始終国鐵一直都鍾意啲咩京廣京滬長途，視為面子工程，京滬大站車直頭地位超然咪可以整點開車
其他尤其啲 ...

又咁講，你話係咪完全無諗過clock-face scheduling？又唔係，但拎個北京西-石家莊出黎就見到好明顯嘅長途開車時間凌駕短途班次均勻度
個個都想爭整點🤭，但日頭開到大長途就得嗰10個鐘呢10個slot，但要開多過10班呢啲車，結果就有啲爭輸咗掉咗去55 05開，咪變成無啦啦多咗啲55 05開嘅大站車

至於點解唔索性掉佢地去30，原因可以係：多出黎嘅車未至於連30都填得滿、成條線嘅cycle由60縮落30又要再執過數之不盡嘅車同字軌嘅時間、地方心理上係30同00比實在太唔靚好有退居二線feel

Ricky403 發表於 2025-3-21 12:26
又咁講，你話係咪完全無諗過clock-face scheduling？又唔係，但拎個北京西-石家莊出黎就見到好明顯嘅長途 ...

Clockface唔係下下要整點開，而係有pattern。
呢個鐘有去呢堆目的地停果堆車站嘅車順序咁開，下個鐘以至全日是但一個鐘都係咁開。
好似新幹線Hikari Kodama大致每半個鐘就有車。

咁唔係個個站條條線都夠需求個個鐘咁開，
咁咪夾多D沿路嘅站砌夠數、隔個鐘開、甚至424咁停都得。
去到每隔1440分鐘先開一班嘅，咁就已經唔係clockface會concern嘅事。
唔concern唔係唔重要，如果咁significant要正午十二點開嘅，
前後嘅車咪執一執，咁做亦唔偏離clockface嘅原則。

當然你可能話新幹線簡單易編。
日本普速鐵路網絡繁複大把直通運転、嚴謹準時嘅瑞士，
以至呢兩國車尾燈都望唔到嘅英國、德國都係咁行。

s3n370 發表於 2025-3-21 23:44
Clockface唔係下下要整點開，而係有pattern。
呢個鐘有去呢堆目的地停果堆車站嘅車順序咁開，下個鐘以至 ...

咁你都要諗下人哋長途同中国個長途差好遠。京廣長途除咗去香港、深圳，仲有去昆明，北上亦有由廣東去西安、甚至武漢去西寧，基本上都只可以朝發夕至。就算唔考慮跨線，廣東進京尾班都只係中午。

巴士的膠 發表於 2025-3-21 16:32
咁你都要諗下人哋長途同中国個長途差好遠。京廣長途除咗去香港、深圳，仲有去昆明，北上亦有由廣東去西安 ...

長短途甚至通勤都係同一邏輯，甚至運行超過24小時都係。

Clockface對客嘅最大好處係，俾高需求嘅行程有間距固定嘅班次方便編排行程，
排哂呢D總會有空檔俾你呢D長途車用
（講完自覺廢話到唔廢，D高需求列車用盡哂運力，其餘一日三幾班都無位揳啦）

一係將呢D長途車當係中短途車嘅特車，加埋行聯合班次。
舉個例廣州南去長沙南需求極高，當固定全日半個鐘一班先算，
其中一嘅檔期咪提早响西九龍開，經廣州南去長沙南，之後直通去北京西咪得。

再唔係長途一樣可以直通運転。
就算D長途客只係吼朝發夕至，西九龍至北京西個個鐘有車，照開到四點尾車凌晨到站，
晏D嘅車無人坐全程都好，當流水有人坐啦掛，你自己都話線路繁忙架喎。
咁打後唔行通宵嘅，咪石家莊、鄭州東、武漢...做尾站囉。

論鐵路行程內地梗係長，但用時間計，就算日本瑞士英國德國四國入面第二細嘅英國，
全程八九十個鐘甚至更長嘅都有。
睇睇時間表就計得番可以點work。

Ricky403 發表於 2025-3-21 20:26
又咁講，你話係咪完全無諗過clock-face scheduling？又唔係，但拎個北京西-石家莊出黎就見到好明顯嘅長途 ...

如果計開車時間有幾 "靚"，30 甚至 15 45 唔係 "整點" 過 05 55 呢啲咩

追求面子而唔講求實用性，咁死得啦；一個鐘開三班車，稍有常識嘅都會知道開 00 20 40（或者 10 30 50，總之約 20 分一班）可以便利乘客，分散客流；而家咁搞法，分分鐘 00 嗰班坐爆然後 55 05 兩班運凳，自己搵嘢嚟搞咩

Waiyin12 發表於 2025-3-22 21:31
如果計開車時間有幾 "靚"，30 甚至 15 45 唔係 "整點" 過 05 55 呢啲咩

追求面子而唔講求實用性，咁死得 ...

国情不嬲都係咁，尤其国企，無乜好expect

s3n370 發表於 2025-3-21 23:44
Clockface唔係下下要整點開，而係有pattern。
呢個鐘有去呢堆目的地停果堆車站嘅車順序咁開，下個鐘以至 ...

咁国鐵就算上到高速線都好都唔係成條線clock face
之前都講過非站站樂国鐵都懶得搞，始終搭長班客唔係無位都唔會買站站樂車

東海道新幹線條件咁好編班就簡直係BB級
但輪到東京至大宮堆新幹線車入面北陸 上越 山形 東北 北海道班次個排法已經唔算係輪住黎
只係未至於衰到同一車種連續咁黎姐🤭

Ricky403 發表於 2025-3-22 14:45
咁国鐵就算上到高速線都好都唔係成條線clock face
之前都講過非站站樂国鐵都懶得搞，始終搭長班客唔係無 ...

咁東北新幹線唔係perfectly clockface，但至少排班係用呢個spirit，
日間中段都好clockface下。

又咁講，就算有萬個好處，要好radical即轉實炒粉
好似你咁講，唔好衰到同類車前後腳到，拉遠D平均番D，已經好好多。
咁慢慢執亦可以係邁向clockface/接近clockface嘅方法。

s3n370 發表於 2025-3-23 20:07
咁東北新幹線唔係perfectly clockface，但至少排班係用呢個spirit，
日間中段都好clockface下。

北京下繁G27、29、39（甚至G65）咁連續發快車，咁慢車一定被人踩到亂晒籠，又偏偏真係有咁多人，用返樓主個邏輯，係咪駁埋64卡一齊行先化算？