電子都會票現已推出

可於 MTR Mobile 內以信用卡或電子錢包付款購買，並以二維碼方式出入閘

https://www.mtr.com.hk/mtrmobile ... chase/e-city-saver/

初初新聞稿話四月出，結果遲左一個月

但部份都會票大站 (例如荃灣) 仲係得兩組QR Code 閘機

slsso 發表於 2025-5-26 09:11
初初新聞稿話四月出，結果遲左一個月

但部份都會票大站 (例如荃灣) 仲係得兩組QR Code 閘機 ...

唔少大站都係QR Code閘機不足的。

睇下這些站幾時才開始受惠於更新閘機﹐而全面有QR Code出入閘機。

靠QR閘真係死得，除左得個幾部，好多時的站的QR閘得埋一邊，你咁岩出入口係另一邊就要專登兜過去（同人一齊仲搞到要人等你過去翻黎）

車飛既話，雖然呢家少左閘口，但起碼平均分布，都有三分二閘機有，通埋都係出先有既問題（最多過隔離個部搞得店）

（如果全面電子化應該被大規模棄用）

西九小確幸 發表於 2025-5-26 13:57
靠QR閘真係死得，除左得個幾部，好多時的站的QR閘得埋一邊，你咁岩出入口係另一邊就要專登兜過去

車飛既 ...

車票就一早已經因應都會票﹐調整過車票出閘機數目。

例如﹐青衣站全部出閘機都可以用車票的。


而家玩電子車票﹐又適逢更新/換閘機時間﹐真係要等全線車站更換晒新閘機後﹐使用電子車票才叫做方便。


題外問 : 現時更換新閘機的進度如何?
好似又放慢晒。

就算是新閘機，都不是每一部都可以接受二維碼過閘。
都會票的話，還是保留有本模式比較好。好像我，要買
給工人姐姐用，怎樣給她用二維碼呢？這個才是麻煩的地方

寧願好似全月通甘，將都會票放係八達通，或者擺係goggle pay同apple pay。

petershum0711 發表於 2025-5-28 11:13
寧願好似全月通甘，將都會票放係八達通，或者擺係goggle pay同apple pay。

都會票放入八達通﹐有技術性問題。

就係用家會失去選用都會票/八達通單程收費的權利。

同時﹐閘機要處理更多的程序﹐計算一次才知道應該扣都會票車程﹐定係八達通收費。
牽涉到尖東/尖沙咀轉車的車程﹐再加一些特別優惠﹐情況會好複雜。

獨立車票﹐車費計算的問題﹐推番個波給乘客好過。

kei_hk 發表於 2025-5-28 11:23
都會票放入八達通﹐有技術性問題。

就係用家會失去選用都會票/八達通單程收費的權利。

所以仲有流動支付呢個方法，就係將買咗既車飛放係手機或智能手錶，然後再打開app嚟用。唔知有無問題？🤔

petershum0711 發表於 2025-5-28 14:41
所以仲有流動支付呢個方法，就係將買咗既車飛放係手機或智能手錶，然後再打開app嚟用。唔知有無問題？🤔 ...

有咩車飛可以就咁擺落個電話度用到呢？電子支付只會support八達通同埋信用卡，咁你張車飛係咩？